ꓞꓳ ꓢꓰꓼ ꓦꓲ ꓛꓴ ꓠꓰ ꓔꓶꓼ ꓟꓽ ꓬꓰ ꓔꓬ꓾ ꓟꓰꓹ-ꓮꓳ-ꓡꓮꓲꓽ

ꓑ ꓫꓬ ꓔꓯ ꓟꓽ ꓢꓰꓼ ꓢꓰꓼ꓾ ꓦꓲ ꓟꓽ ꓛꓴ ꓛꓴ ꓡꓳꓸ ꓙ ꓬꓰ ꓙ ꓠꓹ ꓟ ꓐꓰ꓾ ꓣꓴ ꓡꓴꓽ ꓔꓸ ꓢꓴ ꓗꓴꓷꓼ ꓚꓱꓹ ꓔꓯ ꓟꓳꓸ ꓟꓬꓱꓽ ꓬꓰ ꓢꓴ ꓐꓴ ꓔꓯ ꓡꓲꓹ ꓖꓶꓽ ꓠꓹ ꓟ꓾ ꓗꓴꓷꓼ ꓢꓲ ꓡꓲꓹ ꓡ ꓠꓹ ꓟ ꓖꓪ ꓙꓱ ꓖꓪ ꓟꓴ ꓠꓹ ꓟ꓾ ꓟꓲ ꓠꓯ ꓗꓴꓷꓼ ꓜꓴ ꓗꓪ ꓐꓰ ꓝꓲꓺ ꓩꓴ ꓡ ꓟ ꓟꓬ-ꓟ ꓐꓱ ꓶ ꓝꓲ ꓓꓴ ꓠꓳ-ꓡꓲꓹ ꓦꓯꓹ-ꓤꓽ ꓡꓰ ꓟꓬ-ꓟ ꓟꓯꓼ ꓜꓲꓽꓰꓹ-ꓮꓳ-ꓡꓮꓲꓽ ꓔꓯ 2022 ꓘꓳꓼ 8 ꓦ 17 ꓠꓬꓲ ꓜꓲ ꓡꓯ ꓘꓳ ꓕꓯ ꓐꓯ ꓖꓶꓽ ꓗꓷ ꓟ ꓥ ꓡꓳ꓿

ꓟꓬ-ꓟ ꓟꓯꓼ ꓜꓲ ꓟꓰꓹ-ꓮꓳ-ꓡꓮꓲꓽ ꓡꓰ꓾ ꓖꓳ ꓡꓱ ꓟꓽ ꓬꓰ ꓔꓬ꓿ ꓠꓴ ꓪ ꓮ ꓫꓵꓽ ꓐꓯ ꓠꓲꓹ ꓫꓵˍ ꓟ ꓟꓽ ꓢꓷꓸ꓿ ꓞꓳ ꓢꓰꓼ ꓦꓲ ꓛꓴ ꓠꓰ ꓔꓶꓼ ꓟꓽ ꓬꓰ ꓔꓬ ꓐꓰ ꓐꓯ ꓡꓽ ꓩꓴ ꓡ ꓡꓳ꓿ ꓝꓮꓲ ꓟꓲ ꓠꓯ ꓗꓴꓷꓼ ꓜꓲ ꓝꓲ ꓓꓴ ꓡꓽ ꓙꓰ ꓟꓶ ꓕꓱꓼ ꓕꓳ ꓶ ꓗꓪ ꓐꓰ ꓥ ꓟꓲ 2022 ꓘꓳꓼ 8 ꓦ 19 ꓠꓬꓲ ꓕꓯꓽ ꓕꓱ ꓡꓱ ꓐꓳ ꓡꓽ ꓩꓴ ꓡ ꓡꓳ꓿

ꓖꓳ ꓡꓱ ꓥ ꓟꓲ ꓕꓲ ꓗꓴꓷꓼ ꓡꓱꓸꓼ ꓗꓪ ꓾ 2021 ꓘꓳꓼ 2 ꓦ 1 ꓠꓬꓲ ꓕ ꓑꓳꓸ ꓟꓯꓼ ꓠꓰ ꓢꓰꓼ ꓢꓲꓸ ꓫꓵꓻ ꓢꓴ 2227 ꓣꓳ ꓙꓳ ꓡꓳ ꓐꓰ ꓮꓮꓑꓑ ꓡꓰ ꓧꓪ ꓜꓲꓼ ꓔꓸ ꓡꓳ꓿

ꓝꓮꓲ ꓑ ꓫꓬ ꓦꓲ ꓛꓴ ꓗꓷ ꓟ 28ꓹ000 ꓦꓲ ꓟꓽ ꓞꓲ ꓙꓳˍ ꓡꓳ꓾ ꓐꓰ ꓲꓢꓑ-ꓟꓬꓮꓠꓟꓮꓣ ꓡꓰꓽ ꓚꓲꓸ ꓚ ꓔꓸ ꓡꓳ꓿