ꓟꓬ-ꓟ ꓗꓴꓷꓼ ꓗꓪ ꓔꓬ ꓟ 18 ꓘꓳꓼ ꓗꓪ ꓐꓰ 35 ꓘꓳꓼ ꓟ ꓘꓴ ꓗꓪ ꓞꓳ ꓡꓯꓸ ꓮ ꓙꓵꓽ ꓟꓯꓼ (2) ꓘꓳꓼ ꓟꓽ ꓬꓰ ꓟꓽ ꓓ ꓐꓯˍ ꓟ ꓙꓵꓽ ꓗ ꓔꓯ 2024 ꓘꓳꓼ 2 ꓦ 10 ꓠꓬꓲ ꓕꓯꓽ ꓟꓯꓼ ꓜꓲꓽ ꓗꓽ ꓟꓰꓹ-ꓮꓳ-ꓡꓮꓲꓽ ꓠꓰ ꓔꓶꓻ ꓩꓴ ꓡ ꓡꓳ꓿
ꓙꓵꓽ ꓗ ꓕꓱ ꓟ ꓠꓬ 2010 ꓘꓳꓼ ꓕꓯ ꓟꓯꓼ ꓜꓲꓽ ꓗꓽ ꓔꓸ-ꓫꓱꓽ ꓠꓰ ꓜꓱꓽ ꓜꓯꓼ ꓡ ꓕꓯꓽ ꓙꓵꓽ ꓗ ꓔꓶꓻ ꓕꓶꓻ ꓡꓰ ꓝꓲ ꓠꓹ ꓟ ꓕꓵꓼ ꓡꓵꓸ ꓐꓳ ꓔꓸ ꓟ ꓙꓵꓽ ꓗ ꓥ ꓡꓳ꓿
ꓙꓵꓽ ꓗ ꓕꓱ ꓟ ꓔꓯ ꓜꓱꓽ (ꓣꓱꓽ) ꓢꓲꓸ ꓗꓴꓷꓼ ꓐꓱ ꓶ ꓬꓰ ꓡ ꓥ ꓢꓶ꓾ ꓑ ꓫꓬ ꓐꓱ ꓶ ꓬꓰ ꓡ ꓥ ꓢꓶ꓾ ꓬꓲꓸ ꓢꓯꓼ ꓟ ꓐꓱ ꓶ ꓫꓵꓻ ꓙ ꓢꓴ ꓟꓯꓼ ꓝꓲꓸ ꓡ ꓥ ꓢꓶ꓾ ꓢꓪꓼ ꓫꓸ ꓟ ꓦꓬꓼ ꓠꓬꓲ ꓛꓲ ꓡ ꓔꓬꓳ꓿
“ꓟꓰꓹ-ꓮꓳ-ꓡꓮꓲꓽ ꓕꓲ ꓛꓱꓽ ꓗꓪ ꓦꓰꓼ ꓢꓲꓸ ꓢꓯꓼ ꓟꓬ ꓖꓶ ꓓꓴ ꓥꓻꓰ꓾ ꓑ ꓫꓬ ꓕꓲ ꓛꓱꓽ ꓗꓪ ꓦꓰꓼ ꓢꓲꓸ ꓢꓯꓼ ꓟꓬ ꓖꓶ ꓓꓴ ꓥꓻꓰ? ꓢꓲꓻ ꓣꓴ ꓓꓴ ꓝꓲꓸ ꓛꓲ ꓡꓻꓳ꓿ ꓮ ꓔꓳ ꓕꓲ ꓣꓳ ꓡꓰꓸ ꓠꓬꓹ ꓟꓽ ꓙꓲꓳ” ꓐꓰ ꓢꓪꓼ ꓢꓴ ꓐꓴ ꓡꓰ ꓐꓯ ꓔꓬ ꓡꓳ꓿
ꓙꓵꓽ ꓗ ꓕꓱ ꓟ ꓔꓯ ꓜꓲ ꓜꓲ ꓟꓴ ꓟꓴ ꓒꓶꓻ ꓡ ꓟ ꓗꓪ꓾ ꓢꓷꓸ ꓠꓲꓹ ꓢꓷꓸ ꓢꓴ ꓤ ꓑꓸ ꓤꓼ ꓥ ꓠꓬ 18 ꓘꓳꓼ ꓗꓪ ꓐꓰ 45 ꓘꓳꓼ ꓗꓪ ꓛꓲ꓾ ꓤ ꓟꓶꓼ ꓤ ꓥ ꓠꓬ 18 ꓘꓳꓼ ꓗꓪ ꓐꓰ 35 ꓘꓳꓼ ꓗꓪ ꓛꓲ ꓟꓯꓼ ꓝꓲꓸ ꓓꓴ ꓥ ꓡꓳ꓾ ꓐꓯ ꓔꓸ ꓡꓳ꓿ ꓝꓮꓲ ꓟꓯꓼ ꓬꓰ ꓦꓬꓼ ꓠꓬꓲ (2) ꓘꓳꓼ ꓥ ꓢꓲ꓾ ꓜꓱꓽ ꓜꓯꓼ ꓠꓬ (5) ꓘꓳꓼ ꓗꓪ ꓛꓲ ꓟꓯꓼ ꓬꓰ ꓝꓲ ꓠꓹ ꓟ ꓐꓳ ꓔꓸ ꓡꓳ꓿