2022 ꓘꓳ; 5 ꓦ 15 ꓠꓬꓲ ꓕꓯꓽ ꓢꓲ ꓒ ꓠꓯꓸꓼ ꓬꓲꓼ ꓟꓶ ꓡꓰ ꓢꓴ ꓞꓳ ꓔꓲ ꓠꓳ-ꓒ-ꓓꓱꓼ ꓧꓪꓽ ꓖꓳ ꓓꓱꓽ ꓔꓯ ꓟꓶ-ꓡꓯ-ꓫꓸ ꓗꓪ ꓐꓰ ꓟꓬ-ꓟ ꓗꓴꓷꓼ ꓗꓪ ꓚꓰꓹ ꓡ ꓠꓹ ꓟ ꓟꓶ-ꓡꓯ-ꓫ ꓗꓪ ꓠꓬꓲꓸ ꓠꓬꓲ 5 ꓦ 21 ꓠꓬꓲ ꓕꓯꓽ ꓪ ꓘꓴ ꓜꓲꓼ ꓓꓴ ꓕꓲꓽ ꓟ ꓬꓰ ꓗꓷꓳ꓿
ꓟꓶ-ꓡꓯ-ꓫ ꓡꓲ-ꓢꓴ ꓙꓲ-ꓢꓴ ꓢꓲ ꓤ ꓘꓴ ꓜꓲꓼ ꓞꓳ (ꓟꓡꓚꓚ) ꓡꓰ꓾ “ꓞꓳ ꓔꓲꓺꓠꓳ-ꓒ-ꓓꓱꓼ ꓬꓲ ꓧꓪꓽ ꓖꓳ ꓓꓱꓼ ꓔꓯ ꓟꓮꓡꓮꓬꓢꓲꓮ ꓗꓴꓷꓸꓼ ꓗꓪ ꓐꓰ ꓡꓳ-ꓟꓲ-ꓟꓵ ꓗꓴꓷꓸꓼ ꓗꓪ ꓦ ꓩꓴ ꓗꓷ ꓟ ꓪ ꓘꓴ ꓜꓲ ꓓꓴ ꓠꓬ ꓬꓰ ꓓꓳ ꓡꓰꓳ꓿ ꓜꓲ ꓛꓲ ꓡ ꓟ ꓟꓸ ꓒꓽ ꓟꓸ ꓟ ꓐꓴ ꓐꓰ ꓮ ꓬꓲꓼ ꓠꓬꓲ ꓤ ꓐꓴ ꓐꓰ ꓜꓴ ꓗꓪ ꓟ ꓞꓳ ꓪꓴꓽ ꓐꓴ ꓐꓰ ꓧꓮꓑꓑꓬ ꓝꓰꓰꓔ ꓗꓪ ꓟ ꓟꓮꓟꓟꓬ ꓔꓯ ꓐꓰ ꓗꓳ ꓮꓟꓴꓠꓖ ꓐꓴ ꓠꓴ ꓪ ꓮ ꓙꓵ ꓢꓴ ꓔꓯ ꓮ ꓘꓶ ꓫ ꓟꓳ꓾ ꓪꓴ-ꓢ ꓗꓪ ꓐꓰ ꓡ ꓟ ꓢꓲ ꓡꓲ ꓟ ꓠꓴ ꓪ ꓮ ꓙꓵ ꓢꓴ ꓕꓯ ꓢꓲ ꓗꓪ ꓟꓶ ꓝꓲ꓿” ꓐꓰ ꓢꓷ ꓙ ꓟꓴ ꓙ ꓔ ꓡꓳ꓿
“ꓮ ꓐꓽ ꓮ ꓟ ꓟꓽ ꓠꓬꓹ ꓟ ꓢꓴ ꓟꓵꓽ ꓢꓴ ꓗꓴꓷꓼ ꓗꓪ ꓛꓲ ꓬꓰ ꓢꓴ ꓡꓲ-ꓢꓴ ꓐꓴ ꓕꓲ ꓣꓳ ꓛꓳ ꓕꓲ ꓣꓳ ꓠꓲꓹ ꓥꓳꓻ ꓟꓬ ꓥꓳ ꓡꓯ ꓘꓳ ꓗꓴꓸ ꓟ ꓠꓬ ꓮ ꓘꓶꓸ ꓔꓯꓺ ꓢꓳ ꓓꓴ ꓥꓳ” ꓐꓰ ꓲ-ꓓꓲ-ꓬ ꓗꓴꓷꓼ ꓗꓪ ꓟ ꓡꓲ-ꓢꓴ ꓤꓽ ꓕꓲ ꓣꓳ ꓡꓰꓽ ꓐꓯ ꓡꓳ꓿
2000 ꓘꓳꓼ ꓕ ꓑꓳꓸ ꓟꓬ-ꓟ ꓗꓴꓷꓼ ꓗꓪ ꓟ ꓐꓰ ꓢꓴ ꓟꓵꓽ ꓢꓴ ꓡꓳ ꓗꓪ ꓑꓶꓸ ꓑꓶꓸ ꓓꓳ ꓙꓰ ꓢꓲꓸ ꓒꓵꓽ ꓧꓪ ꓙꓰ ꓢꓴ꓾ ꓢꓷꓸ ꓠꓲꓹ ꓢꓳ ꓙꓰ ꓢꓴ ꓐꓴ ꓠꓬ ꓮ ꓐꓽ ꓮ ꓟ꓾ ꓮ ꓑ ꓮ ꓬꓽ ꓟꓽ ꓛꓲ ꓠꓬꓲ ꓟ ꓟꓵꓽ ꓗꓪ ꓕꓲ ꓣꓳ ꓛꓳ ꓕꓲ ꓣꓳ ꓮ ꓘꓶꓸ ꓠꓲꓹ ꓠꓵ ꓡꓯ ꓘꓳ ꓢꓲꓸ ꓔꓬ ꓟ ꓥ ꓡꓳ꓿