ꓞꓰ ꓡꓰˍ ꓟ ꓠꓰ-ꓑꓳꓸ ꓔꓮꓣꓮ ꓮꓲꓣ ꓙꓱ ꓦꓲ ꓧꓪ ꓟꓳ ꓡꓰꓳ

ꓡ ꓞꓳ 22 ꓣꓳ ꓜꓶꓽ ꓔꓸ ꓟ ꓠꓰ-ꓑꓳꓸ ꓙꓱ ꓦꓲ ꓕꓲꓽ ꓢꓶꓽ ꓠꓬ ꓮ ꓟꓲ 2022 ꓘꓳ; 5 ꓦ 29 ꓠꓬꓲ ꓕꓯꓽ ꓞꓰ ꓬꓰ ꓢꓲꓸ ꓠꓬꓲꓸ ꓠꓬꓲ ꓫꓵꓻ ꓟꓳ 14 ꓟꓳꓻ ꓧꓪ ꓟꓶꓳ ꓐꓰ Tara Air flight ꓙꓵꓽ ꓪ ꓙꓳ ꓢꓴ ꓐꓴ ꓡꓰ ꓐꓯ ꓩꓴ ꓡ ꓡꓳ꓿

Pokhara ꓪ ꓚꓲ ꓠꓽ ꓖꓴ ꓓꓰꓺ ꓘꓹ ꓗꓪ ꓐꓰ  Jomsom ꓡꓳ ꓒꓱ ꓗꓪ ꓙꓱ ꓩꓴ ꓡ ꓥ ꓢꓲ ꓙꓱ ꓦꓲ ꓠꓽ ꓖꓴ ꓗꓪ ꓟꓽ ꓛꓲˍ ꓢꓲꓽ ꓕꓽ ꓞꓰ ꓬꓰˍ ꓟ ꓥꓳ꓿

ꓙꓱ ꓦꓲ ꓠꓬ Twin Otter ꓚꓳ ꓪꓳꓽ ꓙꓱ ꓦꓲ ꓕꓲꓽ ꓫꓵ ꓟ ꓥ ꓢꓲ꓾ ꓙꓱ ꓦꓲ ꓗꓪ ꓟꓬꓱꓽ ꓬꓰ ꓢꓴ 3 ꓣꓳ꓾ ꓙꓱ ꓦꓲ ꓜꓶꓽ ꓢꓴ 19 ꓣꓳ꓾ ꓮ ꓙꓵꓽ ꓠꓬ 22 ꓣꓳ ꓜꓶꓽ ꓔꓸ ꓟ ꓥ ꓡꓳ꓿

ꓙꓱ ꓦꓲ ꓞꓰ ꓬꓰ ꓠ ꓔꓸ ꓟ ꓟꓵꓽ ꓗꓪ ꓟꓶ ꓦ ꓟꓲꓽ ꓦꓲ ꓙꓶꓼ ꓔꓬ ꓠꓬꓲ ꓧꓪ ꓫꓸ ꓡꓰ ꓟ ꓥ ꓢꓲ꓾ ꓮ ꓟꓶ ꓞꓰ ꓧꓶꓽ ꓔꓸ ꓟ ꓟꓵꓽ ꓗꓪ ꓡꓯꓽ ꓫꓵ ꓧꓪ ꓣꓴ ꓔꓬ ꓡꓳ꓾ ꓐꓯ ꓡꓳ꓿

ꓙꓱ ꓦꓲ ꓗꓪ ꓜꓶꓽ ꓙꓰ ꓢꓴ ꓫꓵꓽ ꓧꓪ ꓐꓴ ꓠꓬ ꓠꓲꓹ ꓥꓴ ꓟꓬ ꓥꓴ ꓔꓬ ꓡꓳ꓿