ꓝꓲ ꓓꓴ ꓓꓽ ꓟ ꓚꓳ-ꓟꓳꓹ-ꓕꓴꓸ ꓐꓹ ꓐ ꓟꓹ ꓟ ꓦꓲ ꓔꓯ ꓪꓹ-ꓬꓹ ꓕꓳ ꓶ ꓠꓷꓼ ꓡ

ꓑ ꓫꓬ ꓙꓵꓽ ꓪ ꓣꓴ ꓔꓸ ꓟ ꓟꓯꓼ ꓡꓰ ꓟꓲ ꓠꓯ ꓗꓴꓷꓼ ꓜꓴ ꓗꓪ ꓦꓰꓼ ꓔꓬ ꓟ ꓟꓬ-ꓟ ꓝꓲ ꓓꓴ ꓓꓽ ꓟ ꓚꓳ-ꓟꓳꓹ-ꓕꓴꓸ ꓐꓹ ꓐ ꓟꓹ ꓟ ꓦꓲ ꓔꓯ 2021 ꓘꓳꓼ 11 ꓦ 10 ꓠꓬꓲ ꓕꓯꓽ ꓪꓹ-ꓬꓹ (warrant) ꓕꓳ ꓶ ꓠꓷꓼ ꓡ ꓡꓳ꓿

ꓠꓷꓼ ꓔꓸ ꓟ ꓕꓳ ꓶ ꓖꓳ ꓟ ꓠꓬ 10 ꓦ 29 ꓠꓬꓲ ꓕꓯ ꓓꓳ ꓔꓸ ꓟ ꓥ ꓢꓲ꓾ ꓠꓯ-ꓑꓲ-ꓓꓳ꓾ ꓜ-ꓐꓴ-ꓔꓲ-ꓬꓲꓼ ꓡꓳ ꓒꓱ ꓐꓯ ꓟꓴ ꓘꓶꓽ ꓢꓲꓽ ꓒꓽ ꓟꓮꓳ-ꓟꓮꓳ-ꓡꓱꓲ ꓡꓯꓼ ꓓꓴ ꓢꓽ ꓔꓸ ꓡꓳ꓿

ꓝꓲ ꓓꓴ ꓓꓽ ꓟ ꓬꓲꓹ ꓐꓸ ꓐ ꓟꓹ ꓟ ꓐꓴ ꓠꓬ 80 ꓘꓳꓼ ꓟꓽ ꓞꓲ ꓢꓲ ꓟꓳꓽ ꓢꓴ ꓥ ꓢꓲ꓾ ꓝꓲ ꓓꓴ ꓓꓽ ꓟ ꓡꓰ ꓧꓶꓸ ꓕꓯ 2021 ꓘꓳꓼ 2 ꓦ 26 ꓠꓬꓲ ꓕꓯꓽ ꓑ ꓫꓬ ꓐꓴ ꓠꓲꓹ ꓡꓶꓽ ꓔꓯ ꓗꓴꓷꓼ ꓜꓴ ꓗꓪ ꓕꓱ ꓟꓸ ꓩꓴ ꓗꓷ ꓡ ꓟ ꓕꓲ ꓠꓬꓲ ꓗꓪ ꓐꓰ ꓕ ꓑꓳꓸ ꓠꓬ ꓦꓲ ꓖꓳ ꓟ ꓔꓯꓸ ꓢꓳ ꓕꓴꓽ ꓢꓳ ꓒꓰꓹ ꓢꓲꓸ ꓠꓱꓸ ꓐꓯꓼ ꓗꓪ ꓔꓬ ꓙꓰꓳ ꓐꓯ ꓡꓳ꓿

ꓗꓴꓸ ꓦ ꓟ ꓘꓴꓽ ꓗꓪ ꓟꓯꓼ ꓐꓴ ꓢꓳ ꓕꓴꓽ ꓓꓶꓽ ꓛꓬꓹ ꓢꓲꓸ ꓦꓲ ꓘꓴꓽ ꓗꓪ ꓐꓰ ꓶ ꓤ ꓶ ꓟꓲ ꓫꓺ ꓙꓰ ꓟ ꓕꓲ ꓧꓪꓹ ꓙꓳ ꓡꓳ ꓐꓰ ꓘꓹ ꓡ ꓞꓳ ꓐꓴ ꓡꓰ ꓟꓳˍ ꓡꓳ꓿

ꓝꓲ ꓓꓴ ꓓꓽ ꓟ ꓚꓳ-ꓟꓳꓹ-ꓕꓴꓸ ꓠꓬ ꓜꓲ ꓜꓲ ꓑꓰꓹ ꓑꓰꓹ ꓬꓰ ꓢꓴ ꓜꓴ ꓔꓯ ꓝꓸ ꓢꓴ ꓥ ꓠꓬꓲ꓾ ꓐꓯ ꓟꓴ ꓕꓲ ꓗꓪ ꓦ ꓐ 1 ꓟ ꓘꓴꓽ ꓗꓪ ꓡ ꓠꓹ ꓟ ꓢꓷ ꓡꓰ ꓝꓲ ꓟ ꓐꓰ꓾ ꓙꓵꓽ ꓪ ꓙꓳ ꓢꓴ ꓐꓴ ꓡꓰ ꓶ ꓤ ꓶ ꓟꓲ ꓥ ꓟꓲ ꓫꓺ ꓔꓸ ꓠꓹ ꓟ ꓕꓱ ꓡꓱ ꓕꓳ ꓶ ꓠꓷꓼ ꓡ ꓟ ꓥ ꓡꓳ꓿

ꓠꓲ-ꓬꓴ-ꓬꓳꓼ ꓗꓪ ꓥ ꓟꓲ ꓝꓲ ꓓꓴ ꓓꓽ ꓟ ꓔꓯ ꓢꓰꓼ ꓠꓹ ꓟ ꓢꓯꓼ ꓕꓵꓼ ꓢꓴ 2 ꓣꓳ ꓔꓯ ꓝꓐꓲ ꓡꓰ ꓣꓴ ꓟꓶ ꓢꓲꓸ ꓚꓲꓸ ꓚ ꓔꓬ ꓡꓳ꓿