ꓜ-ꓡꓯ-ꓢꓲ-ꓗꓲ ꓣ-ꓫꓸ ꓟꓵꓽ ꓫꓸ ꓗ ꓟꓯꓼ ꓘꓶꓽ ꓪꓴꓸ ꓗꓪ ꓛꓲ ꓔꓬ

2022 ꓘꓳꓼ 5 ꓦ 29 ꓠꓬꓲ ꓠꓯꓼ ꓝꓲꓸ ꓗꓪ ꓣꓴ-ꓗ-ꓣꓲꓸ ꓗꓴꓷꓼ ꓙꓵꓽ ꓒꓽ ꓜ-ꓡꓯ-ꓢꓲ-ꓗꓲ ꓠꓬ ꓣ-ꓫꓸ ꓟꓵꓽ ꓫꓸ ꓗ ꓟꓯꓼ ꓘꓶꓽ ꓪꓴꓸ ꓗ-ꓗꓲꓼ (Kharkiv) ꓟꓵꓽ ꓗꓪ ꓛꓲ ꓡ ꓢꓲꓸ ꓬꓴ-ꓗ-ꓣꓲꓸ ꓟꓯꓼ ꓐꓴ ꓔꓯ ꓢꓯꓼ ꓖꓶꓽ ꓡ ꓡꓳ꓿

ꓬꓲꓸ ꓠꓴ Kharkiv ꓟꓵꓽ ꓗꓪ ꓣ-ꓫꓸ ꓙꓱ ꓦꓲ ꓡꓰ ꓐꓳꓽ ꓐꓶ ꓡ ꓢꓲꓸ ꓦꓲ ꓐꓰ ꓟꓵꓽ ꓐꓬ ꓡꓰˍ ꓟ ꓔꓯ ꓛꓳꓽˍ ꓡꓳ꓿ ꓝꓮꓲ ꓣ-ꓫꓸ ꓟꓯꓼ ꓐꓴ ꓔꓯ ꓟꓵꓽ ꓫꓸ ꓗ ꓗꓪ ꓛꓲ ꓖꓼ ꓩꓴ ꓗꓷ ꓟ ꓬꓴ-ꓗ-ꓣꓲꓸ ꓟꓯꓼ ꓐꓴ ꓔꓯꓸ ꓢꓯꓼ ꓖꓶꓽ ꓫꓱꓸ ꓖꓶˍ ꓡꓳ꓿

ꓣ-ꓫꓸ ꓟꓵꓽ ꓘꓶꓽ ꓗꓪ ꓣꓴ-ꓗ-ꓣꓲꓸ ꓒꓯꓽ ꓞꓳꓹ ꓗꓷ ꓢꓴ ꓟꓯꓼ ꓐꓴ ꓐꓰ꓾ ꓟꓵꓽ ꓡꓳꓸ ꓗꓽ ꓟꓯꓼ ꓬꓰ ꓔꓬ ꓟ ꓬꓴ-ꓗ-ꓣꓲꓸ ꓤ ꓟꓶꓼ ꓟꓯꓼ ꓐꓴ ꓔꓯˍ ꓟꓲ ꓟꓬꓱꓽ ꓓꓳꓽ ꓡꓯꓼ ꓫꓴ ꓖꓶ ꓗꓷꓳ꓿

Kharkiv ꓕꓲ ꓟꓵꓽ ꓗꓪ ꓣ-ꓫꓸ ꓡꓰ 30% ꓓꓶꓽ ꓧꓪꓸ ꓔꓸ ꓢꓲꓸ ꓬꓲꓸ ꓧꓶꓽ ꓔꓳꓼ ꓡꓯ ꓘꓳ ꓔꓬ ꓟ ꓟꓯꓼ ꓘꓶꓽ ꓪꓴꓸ ꓗꓪ ꓜ-ꓡꓯ-ꓢꓲ-ꓗꓲ ꓛꓲ ꓡ ꓟ ꓥ ꓡꓳ꓿