ꓜꓲ-ꓡ ꓢꓲ-ꓗꓲ ꓬꓲ-ꓢꓷ-ꓡꓰ ꓑ ꓫꓬ ꓝꓲ ꓓꓴ ꓐꓴ ꓜꓲꓼ ꓓꓴ ꓗꓪ ꓫꓸ ꓕꓱ ꓓꓴ ꓥꓳ

ꓡ ꓠꓹ ꓟ 2022 ꓘꓳꓼ 3 ꓦ 20 ꓠꓬꓲ ꓟꓶ ꓘꓶꓼ 6 ꓙꓵꓹ (ꓟꓬ-ꓟ ꓙꓵꓹ ꓠꓬ ꓟꓶ ꓘꓶꓼ 10:30꓾) ꓗꓪ ꓐꓰ ꓪꓴꓸ ꓔꓴ ꓢꓲ꓾ ꓬꓴ-ꓗ-ꓣꓲꓸ ꓗꓴꓷꓼ ꓙꓵꓽ ꓢꓴ ꓜꓲ-ꓡ ꓢꓲ-ꓗꓲ ꓠꓬ ꓬꓲ-ꓢꓷ-ꓡꓰ ꓑ ꓫꓬ ꓝꓲ ꓓꓴ ꓐꓴ ꓖꓪ ꓙꓱ ꓜꓲꓼ ꓓꓴ (ꓗꓯ-ꓠ-ꓢꓰꓼ) ꓗꓪ ꓫꓸ ꓕꓱ ꓓꓴ ꓥꓳ꓿

ꓬꓲ ꓠꓬ ꓮ ꓟꓶ ꓗꓪ ꓛꓲ ꓮ-ꓟꓯ-ꓣꓲ-ꓗ꓾ ꓐꓲ-ꓔꓲ-ꓫꓼ꓾ ꓗ-ꓠꓯ-ꓓ꓾ ꓙ-ꓟ-ꓠꓰ ꓑ ꓫꓬ ꓝꓲ ꓓꓴ ꓜꓲꓼ ꓖꓴ ꓗꓪ ꓳ-ꓡꓮꓲꓹ (online) ꓗꓪ ꓐꓰ ꓫꓸ ꓕꓱ ꓓꓳ ꓡꓰꓳ꓿

ꓬꓴ-ꓗ-ꓣꓲꓸ ꓗꓴꓷꓼ ꓙꓵꓽ ꓢꓴ ꓜꓲ-ꓡ ꓢꓲ-ꓗꓲ ꓠꓬ꓾ ꓫꓵꓽ ꓔꓯ ꓟꓳꓸ ꓐꓯˍ ꓠꓬ ꓬꓲ-ꓢꓷ-ꓡꓰ ꓒꓽ ꓕꓲ ꓣꓳ ꓥ ꓡꓳ꓿

ꓕꓲ ꓟꓲ ꓠꓯ ꓗꓪ ꓬꓲ-ꓢꓷ-ꓡꓰ ꓗꓴꓷꓼ ꓬꓲꓸ ꓐꓽ ꓢꓲ ꓗꓪ ꓗꓴꓷꓼ ꓙꓵꓽ ꓢꓴ ꓟꓴ ꓡꓳꓹ ꓬꓰˍ ꓟ ꓙꓵꓽ ꓪ ꓣꓴ ꓟꓶ ꓢꓴ ꓬꓲ-ꓢꓷ-ꓡꓰ ꓞꓳ ꓫꓵꓽ ꓠꓬ ꓬꓲꓸ ꓕꓲ ꓣꓳˍ ꓡꓰꓽ ꓙꓳ ꓡꓳ꓿

Source: The Times of Israel