ꓟꓬ-ꓟ ꓗꓴꓷꓼ ꓲꓚ ꓐꓮꓠꓓ ꓗꓪ ꓟ ꓛꓲ-ꓐꓶ ꓪ ꓔꓲꓸ ꓛꓲꓼ-ꓢꓸ-ꓟꓮꓳ ꓐꓰ ꓬꓲꓸ ꓦꓲ ꓢꓲꓻ ꓟ ꓠꓬꓲꓽ ꓣꓳ ꓡꓱꓸꓼ ꓚꓳꓦꓲꓓ-19 ꓠꓻ ꓔꓬ ꓡꓳ ꓐꓯ ꓟ ꓓꓳꓽ ꓠꓬ ꓓꓳꓽ ꓚꓬꓼ ꓥ ꓡꓳ꓿ ꓚꓵ ꓚꓵ ꓬꓲꓸ ꓪ ꓠꓬ ꓫꓵꓽ ꓓꓯ ꓫꓵꓽ ꓛꓲ ꓠꓻ ꓔꓬ ꓟ ꓥ ꓢꓲ꓾ ꓮ ꓟꓶ ꓠꓬ ꓮ ꓔꓲꓸ ꓓ ꓡꓰꓳ ꓐꓰ ꓐꓰ ꓬꓲꓸ ꓪ ꓤ ꓟꓶꓼ ꓠꓬꓹ-ꓥꓯ-ꓡꓯꓹ (Nge Ngal Lay) ꓡꓰ ꓝꓮꓚꓰꓐꓳꓳꓗ ꓑꓳꓢꓔ ꓗꓪ ꓕꓲ ꓧꓪꓹ ꓢꓷꓸ ꓙ ꓟꓴ ꓙ ꓩꓴ ꓡ ꓡꓳ꓿
“Asia Royal, Academy, Pan Hlaing, Ar Yu, DMH ꓠꓯ ꓞꓲꓼ ꓦꓲ ꓕꓲ ꓟ ꓡꓲꓸ ꓞꓳ ꓠꓻ ꓟꓽ ꓘꓳ ꓣꓴ ꓡ꓿ ꓬꓰ ꓙ ꓐ ꓡ ꓢꓴ ꓠꓲꓹ ꓞ ꓬꓰ ꓙ ꓡꓯ” ꓐꓰ ꓐꓳ ꓔꓸ ꓟ ꓕꓳ ꓶ ꓠꓬ ꓪꓮꓲ-ꓒꓬꓳꓹ ꓐꓱ ꓥ ꓡꓳ꓿ ꓮ ꓐ ꓮ ꓟ ꓐꓱ ꓶ ꓟꓽ ꓥ ꓐꓰ ꓕꓲ ꓧꓪꓹ ꓐꓯ ꓟꓳꓸ ꓖꓶ ꓔꓸ ꓡꓳ꓿
ꓬꓲꓸ ꓪ ꓤ ꓟꓶꓼ ꓠꓬꓹ-ꓥꓯ-ꓡꓯꓹ (Nge Ngal Lay) ꓡꓰ ꓝꓮꓚꓰꓐꓳꓳꓗ ꓑꓳꓢꓔ ꓗꓪ ꓢꓷꓸ ꓙ ꓟꓴ ꓙ ꓘꓶꓽ ꓑꓶꓸ ꓓꓴ ꓛꓲ-ꓐꓶ ꓪ ꓔꓲꓸ ꓛꓲꓼ-ꓢꓸ-ꓟꓮꓳ ꓐꓰ ꓦꓲ ꓢꓲ ꓟ ꓐꓴ ꓚꓳꓦꓲꓓ ꓠꓻ ꓔꓬ ꓡꓳ ꓐꓯ ꓢꓲ ꓬꓲ ꓪ ꓔꓯ ꓢꓷꓸ ꓢꓴ ꓐꓴ ꓮ ꓟꓬꓹ ꓠꓲꓹ ꓟ ꓫꓸ ꓡꓰ ꓢꓲ ꓗꓳꓸ ꓗꓷ ꓟ ꓠ ꓡꓲ 6 ꓙꓵꓹ ꓠꓯꓸꓼ ꓗꓪ 224 ꓢꓧꓮꓣꓰ, 308 ꓚꓳꓟꓟꓰꓠꓔꓢ ꓙꓳ ꓡꓰꓳ꓿ ꓖꓳ ꓡꓱ ꓥ ꓟꓲ ꓠꓯ ꓞꓲꓼ ꓦꓲ ꓧꓪ ꓓꓳꓽ ꓕꓱ ꓟ ꓠꓬ ꓬꓲꓸ ꓒ ꓬꓲꓸ ꓟ ꓐꓱ ꓶ ꓟꓽ ꓥ꓾ ꓪꓮꓲ-ꓒꓬꓳ ꓐꓱ ꓶ ꓥ ꓡꓳ ꓐꓰ ꓗꓳꓸ ꓗꓷ ꓟ ꓠ ꓡꓲ 1 ꓙꓵꓹ ꓗꓪ ꓒꓶꓻ ꓫꓬꓽ ꓩꓴ ꓡ ꓡꓳ꓿