ꓛꓰꓹ-ꓟꓮꓲꓽ ꓗꓪ ꓗꓳ-ꓪꓰꓼ ꓠꓻ ꓢꓴ ꓐꓴ ꓞꓲꓼ ꓪ ꓓˍ ꓟ

ꓕꓮꓲꓹ ꓗꓴꓷꓼ꓾ ꓛꓰꓹ-ꓟꓮꓲ ꓡꓳ ꓒꓱ ꓗꓪ ꓗꓳ-ꓪꓰꓼ ꓙꓳˍ ꓟ ꓚꓹ ꓟꓳꓻ ꓥ ꓟꓲ ꓮ ꓘꓶꓸ ꓠꓻ ꓡꓲꓽ ꓓꓴ ꓟꓽ ꓙꓳ ꓠꓬꓲ ꓚꓲꓸ ꓛꓬ ꓦꓲ ꓗꓪ ꓠꓻ ꓫꓬꓹ ꓔꓬ ꓢꓴ ꓐꓴ ꓐꓱ ꓶ Favipiravir ꓠꓯ ꓞꓲꓼ ꓬꓲꓸ ꓒꓵꓽ ꓖꓶꓽ ꓟꓽ ꓛꓲ ꓛꓲ ꓪ ꓓˍ ꓡꓳ꓿

ꓐ-ꓗꓳꓼ ꓙꓵꓽ ꓡꓳꓸ ꓜꓴ ꓐꓰ ꓗꓯ ꓒꓴ ꓞꓳꓽ ꓦꓲ (The Bangkok Metropolitan Administration (BMA) and KASIKORNBANK (KBank) ꓔꓺ ꓡꓯ ꓘꓳ ꓢꓲꓸ ꓬꓰ ꓓꓳ ꓩꓴ ꓡ ꓟ ꓥ ꓡꓳ꓿

ꓠꓯ ꓞꓲꓼ ꓣꓴ ꓪ ꓠꓹ ꓟ ꓐꓱ ꓶ ꓬꓲꓸ ꓪꓴꓸ ꓕꓯꓽ BMA doctor ꓐꓯˍ ꓟ application ꓗꓪ ꓐꓰ ꓞꓳ ꓠꓻ ꓟꓸ ꓟꓲꓽ ꓐꓳ ꓢꓷꓸ ꓡꓰ ꓝꓲ ꓠꓯ ꓡꓳ꓿ ꓖꓳ ꓕꓯꓽ ꓞꓳ ꓠꓻ ꓐꓱ ꓶ ꓢꓷꓸ ꓡꓰ ꓓꓴ ꓠꓺ ꓐꓼ ꓖꓶ ꓡ ꓥꓳ꓿ Chiang Mai Municipal Hospital ꓐꓰ ꓠꓯ ꓞꓲꓼ ꓦꓲ 11 ꓟ ꓗꓪ ꓠꓯ ꓞꓲꓼ ꓪ ꓓˍ ꓡꓳ꓿

ꓖꓳ ꓗꓸ ꓠꓯꓸ ꓠꓯ ꓞꓲꓼ ꓦꓲ ꓗꓪ ꓠꓯ ꓞꓲꓼ ꓣꓴ ꓠꓹ ꓟ ꓐꓱ ꓶ ꓟꓽ ꓙꓰ ꓢꓰꓽ ꓧꓶꓸ ꓕꓯꓽ ꓩꓴꓸ ꓕꓱ ꓢꓲꓸ ꓬꓲꓸ ꓙꓵꓹ ꓝꓰꓹ booking ꓠ ꓗ ꓡꓳ꓿ ꓩꓴꓸ ꓠ ꓐꓼ ꓠꓬ (0893663215 or 0905230425) ꓥꓳ꓿

“ꓕꓱ ꓟ ꓠꓬ ꓠꓯ ꓞꓲꓼ ꓦꓲ ꓗꓪ ꓬꓲꓼ ꓔꓸ ꓗꓪ ꓛꓲ ꓟꓽ ꓠꓻ ꓢꓴ ꓐꓱ ꓶ ꓥꓳ꓿ ꓗꓳ-ꓪꓰꓼ ꓚꓹ ꓟꓳꓻ ꓢꓴ ꓮ ꓟˍ ꓟꓲ ꓠꓯ ꓞꓲꓼ ꓬꓲꓸ ꓒꓵꓽ ꓟꓽ ꓐꓯ ꓪ ꓓˍ ꓡꓳ” ꓐꓰ ꓛꓰꓹ-ꓟꓮꓲꓽ ꓡꓳ ꓒꓱ ꓙꓵꓽ ꓢꓴ Assanee Buranupakorn ꓡꓰ ꓐꓯ ꓔꓸ ꓡꓳ꓿

ꓬꓲꓸ ꓚꓰ꓾ ꓐꓮꓠꓖꓗꓳꓗ ꓑꓳꓢꓔ