2021 ꓘꓳꓼ 6 ꓦ 10 ꓠꓬꓲ ꓟꓶ ꓘꓶꓼ ꓗꓪ ꓟꓯꓼ ꓓꓶꓽ ꓡꓯ ꓘꓳ ꓟ ꓗꓪ ꓑ ꓫꓬ ꓟꓯꓼ ꓐꓴ ꓡꓰ ꓧ-ꓘꓸ ꓟꓵꓽ ꓗꓪ ꓑ ꓫꓬ ꓙꓵꓽ ꓪ ꓦꓴ ꓟꓯꓼ 10 ꓣꓳ꓾ ꓕ-ꓔ-ꓡ ꓟꓵꓽ ꓗꓪ 16 ꓣꓳ ꓐꓶ ꓢꓰꓼ ꓗꓷꓳ= ꓕꓱ ꓟ ꓠꓬ ꓑ ꓫꓬ ꓟꓯꓼ (ꓑꓰꓳꓑꓡꓰ ꓓꓰꓝꓰꓠꓢꓰ ꓝꓳꓣꓚꓰ) ꓡꓰ ꓑ ꓫꓬ ꓙꓵꓽ ꓪ ꓦꓴ ꓡ ꓢꓴ ꓟꓯꓼ ꓐꓴ ꓔꓯ ꓓꓶꓽ ꓔꓳꓹ ꓡꓯ ꓘꓳ ꓔꓬ ꓟ ꓥ ꓡꓳ= “ꓥꓪ ꓠꓴ ꓠꓬ ꓛꓽ ꓢꓲ ꓛꓽ ꓢꓲ ꓐꓶ ꓟ ꓑꓶꓸ ꓓꓴ꓾ ꓐꓶ ꓪ ꓡꓰ ꓢꓴ ꓠꓬ ꓟꓽ ꓫꓵꓻ ꓓꓴ ꓟꓽ ꓙꓳ=” ꓐꓰ ꓑ ꓫꓬ ꓟꓯꓼ ꓒ ꓕꓲ ꓣꓳ ꓡꓰ ꓫꓸ ꓕꓱ ꓡꓳ= 2020 ꓘꓳꓼ 11 ꓦ 8 ꓠꓬꓲ ꓗꓪ ꓕꓲ ꓗꓴꓷꓼ ꓡꓱꓸꓼ ꓟꓯꓹ ꓒꓬꓽ ꓗꓶ ꓡꓯ ꓘꓳ ꓕꓯ ꓠꓡꓓ (ꓠꓮꓔꓲꓳꓠꓮꓡ ꓡꓰꓮꓖꓴꓰ ꓝꓳꓣ ꓓꓰꓟꓳꓚꓣꓮꓚꓬ) ꓗꓴꓷꓼ ꓟꓬꓱꓽ ꓬꓰ ꓜꓴ ꓧꓪꓸ ꓡꓰ ꓥ ꓟꓲ꓾ 2021 ꓘꓳꓼ 2 ꓦ 1 ꓠꓬꓲ ꓗꓪ ꓙꓵꓽ ꓪ ꓕꓱ ꓟ ꓔꓯ ꓟꓯꓼ ꓤ ꓐꓴ ꓡꓰ ꓦꓴ ꓔꓯꓹ ꓙꓰ ꓟ ꓥ ꓡꓳ= ꓑ ꓫꓬ ꓐꓴ ꓠꓲꓹ ꓡꓶꓽ ꓔꓯ ꓟꓽ ꓛꓳ ꓛꓳ ꓙꓵꓽ ꓪ ꓦꓴ ꓡ ꓢꓴ ꓟꓯꓼ ꓐꓴ ꓔꓯ ꓑ ꓫꓬ ꓐꓴ ꓠꓬ ꓬꓲꓸ ꓪꓴꓸ ꓕꓯ ꓢꓲꓽ ꓢꓲ ꓫꓬ ꓫꓬ ꓫꓸ ꓪ ꓗꓪ ꓐꓰ ꓘꓴ ꓔꓴ ꓗꓷ ꓥ ꓟꓲ 800 ꓣꓳ ꓟꓽ ꓞꓲ ꓢꓰꓼ ꓩꓴ ꓡ ꓟ ꓑꓶꓸ ꓓꓴ ꓮ ꓟꓶ ꓠꓬ ꓟꓯꓼ ꓶ ꓤ ꓮ ꓡꓲ ꓧꓪ ꓐ ꓡ ꓖꓳ ꓡꓱ ꓧꓪ ꓜꓲꓼ ꓡ ꓢꓲꓸ ꓢꓰꓼ ꓡꓯ ꓘꓳ ꓔꓬ ꓟ ꓥ ꓡꓳ=