ꓛꓬꓹ ꓑ-ꓔꓲ ꓢꓽ ꓡ ꓙꓵꓽ ꓐꓰ ꓧꓶꓽ ꓗꓴꓷꓼ ꓝꓲ ꓓꓴ ꓐꓴ ꓖꓪ ꓙꓱ ꓜꓲꓼ ꓓꓴ ꓬꓰ_M

|MPT ꓙꓵꓽ ꓦꓲ ꓮ ꓔꓳꓸ ꓙꓬ ꓡ

|Miss Indiana Teen USA

ꓬꓲꓸ ꓢꓯꓸ ꓠ ꓠꓹ ꓓꓴ(Audio News)

ꓛꓬꓹ ꓑ-ꓔꓲ ꓢꓽ ꓡ ꓙꓵꓽ ꓐꓰ ꓧꓶꓽ ꓗꓴꓷꓼ ꓝꓲ ꓓꓴ ꓐꓴ ꓖꓪ ꓙꓱ ꓜꓲꓼ ꓓꓴ ꓬꓰ

April 12, 2022 TheLisuTimes

2022 ꓘꓳꓼ 4 ꓦ 12 ꓠꓬꓲ ꓕꓯꓽ ꓡꓲ-ꓢꓴ ꓛꓬꓹ ꓑ-ꓔꓲ ꓢꓽ ꓡ ꓙꓵꓽ ꓫꓱ-ꓟꓷꓼ ꓐꓰ꓾ ꓧꓶꓽ ꓒꓽ ꓐꓶꓽ ꓟꓵꓽ ꓔꓯꓸ ꓟꓳꓸ ꓙ ꓡꓯ ꓘꓳ ꓜꓴ꓾ ꓐꓶꓽ ꓓꓳ ꓬꓲꓻ ꓟꓶ ꓮ-ꓢꓲ-ꓬ ꓗꓴꓷꓼ ꓔꓯ ꓟꓳꓸ ꓧꓳꓽ ꓢꓴ Mr. Zhao Qiang ꓐꓰ ꓬꓲꓸ ꓪ ꓕꓲ ꓜꓴ ꓔꓯ ꓳ-ꓡꓮꓲꓹ ꓗꓪ ꓐꓰ ꓖꓪ ꓙꓱ ꓜꓲꓼ ꓓꓴ ꓬꓰ ꓗꓷꓳ꓿

ꓡꓲ-ꓢꓴ ꓛꓬꓹ ꓑ-ꓔꓲ ꓐꓰ꓾ꓧꓶꓽ ꓗꓴ-ꓟꓴ-ꓠꓲꓼ ꓑ-ꓔꓲ ꓐꓴ ꓠꓬꓲꓽ ꓗꓳꓸ ꓚꓸ ꓗꓪ ꓙꓲˍ ꓟ ꓙ ꓡꓯ ꓘꓳ ꓚꓱꓹ꓾ ꓗꓴꓷꓼ ꓠꓬꓲꓽ ꓗꓴꓷꓼ ꓠꓶꓽ ꓛꓳ ꓕꓲ ꓛꓳ ꓙ ꓡꓯ ꓘꓳ ꓚꓱꓹ꓾ ꓧꓶꓽ ꓒꓽ ꓟꓵꓽ ꓐꓱ ꓓꓴꓽ ꓗꓪ ꓡꓴꓽ ꓟꓶ ꓔꓸ ꓢꓴ ꓟꓬ-ꓟ ꓡ ꓞꓳ ꓐꓴ ꓔꓯ ꓚꓬꓴꓹ ꓙ ꓚꓱꓹ꓾ ꓶ ꓡꓯꓼ ꓚꓱꓹ ꓕꓱ ꓡꓱꓳ ꓫꓵꓽ ꓖꓪ ꓙꓱ ꓡꓯ ꓘꓳˍ ꓡꓳ꓾ ꓐꓯ ꓡꓳ꓿

ꓬꓲꓸ ꓚꓰ꓾ ꓛꓬꓹ ꓑ-ꓔꓲ

MPT ꓙꓵꓽ ꓦꓲ ꓮ ꓔꓳꓸ ꓙꓬ ꓡ

April 12, 2022 TheLisuTimes

ꓬꓥ-ꓖꓳꓥ ꓑ-ꓑꓯꓸ-ꓔꓸ ꓡꓳ ꓒꓱ ꓗꓪ ꓙꓳˍ ꓟ ꓟꓑꓔ ꓙꓵꓽ ꓦꓲ ꓠꓬ 2022 ꓘꓳꓼ 4 ꓦ 12 ꓠꓬꓲ꓾ ꓠꓯꓼ 12:40 ꓙꓵꓹ ꓕꓯꓽ ꓮ ꓔꓳꓸ ꓙꓬ ꓡ ꓡꓳ꓿

ꓟꓑꓔ ꓠꓬ Myanmar Post and Telecommunication ꓥ ꓡꓳ꓿ 

ꓮ ꓡꓲ ꓗ ꓬꓰ ꓢꓲꓸ ꓙꓬ ꓪꓴꓸ ꓔꓴ ꓡ ꓟ ꓬꓲꓸ ꓑꓶꓸ ꓟꓽ ꓢꓷꓸ ꓢꓰꓽ꓿ ꓑ ꓕꓲ ꓗꓪ ꓔꓬ ꓢꓴ ꓕꓲ ꓐꓱ ꓡꓰ ꓐꓯˍ ꓟ ꓠꓬ ꓐꓳꓽ ꓑꓳꓺ ꓢꓯꓼ ꓑ ꓙ ꓡˍ ꓡꓳ꓾ ꓐꓯ ꓡꓳ꓿ 

ꓙꓬ ꓡ ꓢꓲꓸ ꓕꓲ ꓑꓹ ꓡꓳꓼ ꓡ ꓕꓯꓽ ꓮ ꓔꓳꓸ ꓢꓰꓼ ꓟꓯꓼ ꓐꓴ ꓐꓴ ꓛꓲ ꓡ ꓢꓲꓸ ꓢꓰꓼ ꓪ ꓡꓰꓳ ꓐꓯ ꓡꓳ꓿

Video News

ꓗ-ꓬꓲ~ꓟꓳꓠ ꓟ ꓕꓲ ꓣꓳ Miss Indiana Teen USA 2022 ꓪ ꓬꓰꓳ꓾ ꓫꓸ ꓙꓵ ꓔꓬ ꓟ ꓟꓬ-ꓟ ꓑ ꓫꓬ ꓟꓸ ꓟꓲꓽ ꓢꓴ ꓙ ꓟꓴ ꓙ ꓗꓷꓳ

April 12, 2022 TheLisuTimes

ꓗ-ꓬꓲ ~ ꓟꓳꓠ ꓫꓵꓽ 16 ꓘꓳꓼ ꓟꓶꓼ ꓡꓯꓸ ꓗꓯ-ꓗꓯ ꓗꓳ-ꓗꓳ-ꓠꓮꓲꓽ ꓠꓬ ꓐꓲ ꓔꓯꓺ ꓡꓯ ꓘꓳ ꓑꓮꓲ ꓗꓪ Miss Indiana Teen USA 2022 ꓡꓯꓼ ꓫꓴ ꓪ ꓬꓰꓳ꓿

2022 ꓘꓳꓼ 4 ꓦ 9-10 ꓠꓬꓲ ꓕꓯꓽ ꓴꓢꓮ Indiana ꓟꓵꓽ ꓫꓴ ꓗꓪ ꓬꓰˍ ꓟ ꓐꓲꓻ ꓔꓯꓺ ꓡꓯ ꓘꓳ ꓢꓴ 22 ꓣꓳ ꓗꓪ ꓐꓰ ꓧꓪꓸ ꓡꓰ ꓢꓴ ꓥ ꓡꓳ꓿ 

ꓬꓲꓸ ꓫꓸ ꓕꓱˍ ꓟ ꓗꓪ ꓟꓬ-ꓟ ꓑ ꓫꓬ ꓐꓴ ꓟꓸ ꓟꓲꓽ ꓡ ꓞꓳ ꓮ ꓟꓬꓹ ꓢꓷꓸ ꓡꓰ ꓠꓹ ꓟ ꓫꓸ ꓕꓱ ꓗꓷꓳ꓿“ꓟꓬ-ꓟ ꓗꓴꓷꓼ ꓗꓪ ꓑ ꓫꓬ ꓐꓴ ꓠꓬ ꓥꓶꓸˍ ꓟ ꓟꓯꓼ ꓡꓯꓼ ꓛꓲ ꓗꓪ ꓫꓸ ꓙꓵ ꓔꓬ ꓡꓳ꓿ ꓙꓳꓥꓽ ꓢꓳ ꓠ ꓔꓸ ꓢꓴ ꓞꓳ ꓡꓯꓸ ꓐꓴ ꓠꓬ ꓟꓯꓼ ꓛꓰꓹ ꓔꓬ꓾ ꓟꓯꓼ ꓔꓯ ꓔꓳꓹ ꓡꓯ ꓘꓳ ꓔꓬ ꓡꓳ” ꓐꓰ ꓬꓲꓸ ꓡꓯꓼ ꓫꓴ ꓣꓴˍ ꓟ ꓗꓪ ꓐꓯˍ ꓡꓳ꓿ꓬꓲ ꓠꓬ Indiana Fort Wayne ꓗꓪ ꓟꓬ-ꓟ ꓗꓪ ꓐꓰ ꓬꓯꓼ ꓐꓯꓽ ꓚꓲꓸ ꓡ ꓢꓴ꓾ ꓗ-ꓬꓲ ꓞꓳ ꓫꓵꓽ ꓢꓳꓸ-ꓗꓳ-ꓗꓳ- ꓠꓮꓲꓽ ꓐꓰ꓾ ꓟꓳ ꓞꓳ ꓫꓵꓽ ꓟꓲꓼ- ꓟꓳ-ꓚꓳꓽ ꓐꓴ ꓤ ꓟꓶꓼ ꓥ ꓡꓳ꓿ 1988 ꓘꓳꓼ ꓗꓪ ꓟꓯꓼ ꓔꓯ ꓒꓳꓹ ꓔꓳꓹ ꓗꓷ ꓢꓴ ꓐꓴ ꓤ ꓠꓱ ꓕꓲ ꓣꓳ ꓥ ꓡꓳ꓿ ꓮ ꓠꓲꓹ 2020 ꓘꓳꓼ ꓗꓪ ꓥ ꓟꓲ Miss Allen County Teen USA ꓪ ꓢꓲ꓾ ꓞꓳ ꓤ ꓔꓯ ꓬꓰ ꓙ ꓔꓳꓹ ꓙ ꓫꓱꓸ ꓤꓼ ꓟꓬꓱꓽ ꓬꓰ ꓔꓬ ꓢꓴ ꓥ ꓡꓳ꓿