ꓚꓳꓦꓲꓓ ꓗꓽ ꓠꓯ ꓞꓲꓼ ꓪꓴꓻ ꓔꓬ ꓠꓬ ꓗꓴꓷꓼ ꓫꓸ ꓡꓰ ꓡ ꓥ

2021 ꓘꓳꓼ 8 ꓦ 9 ꓠꓬꓲ꓾ ꓠꓯ-ꓑꓲ-ꓓꓳ ꓜꓲꓼ ꓓꓴ ꓗꓪ꓾ ꓟꓬ-ꓟ ꓗꓴꓷꓼ ꓡ ꓞꓳ 50 ꓪꓹ ꓕꓯ ꓢꓲ ꓟ ꓐꓱ ꓶ ꓚꓳꓦꓲꓓ-19 ꓠꓻ ꓗꓽ ꓠꓯ ꓞꓲꓼ ꓔꓯ ꓐꓶꓽ ꓗꓴꓷꓼ ꓗꓪ ꓐꓰ ꓪꓴ ꓔꓬ ꓠꓬ ꓗꓴꓷꓼ ꓫꓸ ꓖꓰꓽ ꓬꓰ ꓡ ꓥ ꓐꓰ꓾ ꓙꓵꓽ ꓪ ꓦꓴ ꓒꓽ ꓟꓯꓼ ꓜꓲꓽ ꓗꓽ ꓓ ꓟ ꓟꓰꓹ-ꓮꓳ-ꓡꓮꓲꓽ ꓡꓰ ꓫꓸ ꓕꓱ ꓩꓴ ꓡ ꓡꓳ꓿

ꓖꓳ ꓟ ꓑꓶꓸ ꓓꓴ꓾ ꓟꓵꓽ ꓚꓰ ꓞꓳ ꓤ ꓗꓪ ꓟ ꓢꓲꓹ ꓛꓬ ꓡꓳ ꓛꓬ ꓠꓯ ꓞꓲꓼ ꓢꓷꓸ ꓢꓴ ꓐꓴ ꓜꓲꓼ ꓡꓯ ꓘꓳ꓾ ꓖꓪ ꓙꓱ ꓡꓯ ꓘꓳ ꓢꓲ꓾ ꓚꓳꓦꓲꓓ-19 ꓠꓻ ꓗꓽ ꓠꓯ ꓞꓲꓼ꓾ ꓠꓻ ꓫꓬꓹ ꓠꓯ ꓞꓲꓼ꓾ ꓠꓻ ꓫꓬꓹ ꓠꓯ ꓞꓲꓼ ꓔꓯ ꓗꓴꓷꓼ ꓘꓴꓽ ꓗꓪ ꓫꓬꓹ ꓓꓳ ꓡ ꓠꓹ ꓟ ꓬꓰ ꓠꓯ ꓡꓳ ꓐꓰ꓾ ꓐꓯ ꓩꓴ ꓡ ꓡꓳ꓿

ꓟꓬ-ꓟ ꓠꓬ ꓮ-ꓢꓲ-ꓬ ꓟꓵꓽ ꓗꓪ ꓚꓳꓦꓲꓓ-19 ꓑꓶꓸ ꓓꓴ ꓫꓵꓻ ꓢꓴ ꓮ ꓘꓶꓸ ꓟꓬꓽ ꓟ 3 ꓗꓴꓷꓼ ꓕꓲ ꓗꓴꓷꓼ ꓟ ꓥ ꓡꓳ꓿ ꓲ-ꓓꓳ-ꓠꓰ-ꓫ ꓠꓬ 1꓾ ꓒꓲ-ꓡꓲ-ꓒꓲ ꓗꓴꓷꓼ ꓠꓬ ꓠ ꓐꓼ 2 ꓥ ꓡꓳ꓿