ꓚꓳꓦꓲꓓ-19 ꓠꓻ ꓢꓴ ꓫꓵꓻ ꓢꓴ ꓟꓬꓽ ꓡ ꓔꓬ ꓟ ꓟꓬ-ꓟ ꓗꓴꓷꓼ ꓗꓪ ꓑ ꓫꓬꓼ ꓐꓴ ꓠꓬ ꓑ ꓫꓬ ꓙꓵꓽ ꓪ ꓦꓴ ꓢꓴ ꓔꓯ ꓮ ꓫꓵꓽ ꓡꓲꓸ ꓥꓳ ꓡꓳꓸ ꓟꓽ ꓓ ꓡꓰ ꓟ ꓑꓶꓸ ꓓꓴ꓾ ꓚꓲꓸ ꓛꓬ ꓔꓱꓹ ꓚꓲꓸ ꓛꓬ ꓢꓯꓼ ꓟꓬ ꓝꓸ ꓠꓹ ꓟ ꓚꓱꓹ ꓧꓪ ꓔꓬ ꓠ ꓗꓷ ꓡꓰꓳ= ꓳꓫꓬꓖꓰꓠ ꓔꓯ ꓚꓲ ꓛꓬ ꓒꓴ ꓡꓰ ꓪꓴ ꓢꓲꓸ ꓦ ꓠ ꓗꓷ ꓡꓰꓳ= ꓖꓳ ꓟ ꓡꓰ ꓟꓽ ꓞꓲ ꓕꓱ ꓡꓱ ꓑ ꓫꓬꓼ ꓐꓴ ꓚꓲ ꓛꓬ ꓔꓱꓹ ꓚꓲ ꓛꓬ ꓢꓯꓼ ꓕꓵꓼ ꓟ ꓔꓯ ꓥ ꓟꓲ ꓑ ꓫꓬ ꓙꓵꓽ ꓪ ꓦꓴ ꓟꓯꓼ ꓠꓬ ꓮ ꓘꓶꓸ ꓘꓶꓻ ꓡꓶꓽ ꓔꓬ ꓡꓳ=
ꓧꓶꓸ ꓕꓯ ꓚꓳꓦꓲꓓ-19 ꓬꓲꓸ ꓪꓴꓸ ꓠꓻ ꓡ ꓟ ꓦꓬꓼ ꓠꓬꓲ ꓗꓪ ꓟꓯꓼ ꓗꓪ ꓐꓰ ꓫꓸ ꓕꓱ ꓢꓴ ꓐꓴ ꓡꓰ꓾ “ꓠꓻ ꓫꓵꓽ ꓐꓱ ꓶ ꓒꓴ ꓮ ꓟꓬꓹ ꓕꓽ ꓣꓱꓽ” ꓐꓰ ꓫꓸ ꓕꓱ ꓗꓷ ꓟ ꓔꓯꓸ ꓡꓳꓸ ꓠꓬꓲ ꓠꓬꓲ ꓙꓵꓽ ꓪ ꓦꓴ ꓟꓯꓼ ꓐꓴ ꓠꓬ ꓑ ꓫꓬꓼ ꓐꓴ ꓐꓱ ꓶ ꓬꓰ ꓙ ꓠꓲꓹ ꓫꓵ ꓟ ꓠꓲꓹ ꓟ ꓮ ꓘꓶꓸ ꓠꓲꓸ ꓟꓳꓸ ꓖꓶ ꓓꓳ ꓡ ꓡꓳ=
ꓐꓬꓱꓽ ꓠꓬ ꓖꓳ ꓟꓶꓸ ꓳꓼ-ꓗ-ꓡ ꓡꓳ ꓒꓱ ꓗꓪ ꓠꓬꓲꓸ ꓠꓬꓲ ꓠꓯꓼ ꓝꓲꓸ ꓕꓯꓽ ꓑ ꓫꓬ ꓐꓴ ꓳꓫꓬꓖꓰꓠ ꓧꓪ ꓔꓬ ꓟ ꓥ ꓡꓳ=