ꓚꓮꓳꓼ-ꓓꓳꓽ ꓗꓪ ꓣ-ꓘꓮꓲꓽ ꓟꓯꓼ ꓒꓯꓽ ꓞꓳꓹ ꓪ ꓡꓰ꓾ ꓟꓯꓼ ꓶ ꓤ ꓮ ꓟꓬꓹ ꓣꓴ ꓟꓶ

ꓣ-ꓘꓮꓲꓽ ꓟꓵ꓾ ꓚꓮꓳꓼ-ꓓꓳ ꓡꓳ ꓒꓱ ꓗꓪ ꓟꓬ-ꓟ ꓟꓯꓼ ꓐꓴ ꓔꓯ ꓣ-ꓘꓮꓲ ꓟꓯꓼ ꓮꓮ ꓡꓰ ꓓꓶꓽ ꓧꓪꓸ ꓡꓰ ꓠꓬꓲ ꓣ-ꓘꓮꓲꓽ ꓟꓯꓼ ꓒꓯꓽ ꓞꓳꓹ ꓩꓴꓳ꓿

ꓟꓬ-ꓟ ꓟꓯꓼ ꓡꓽ ꓛꓴꓸ ꓓꓽ ꓟ ꓐꓶ ꓜꓴ ꓔꓯ 1 ꓦ (14) ꓠꓬꓲ ꓕꓯꓽ ꓓꓶꓽ ꓙꓪꓸ ꓡꓰꓳ꓿ ꓝꓮꓲ ꓘꓼ-ꓟꓼ-ꓬꓼ 539 ꓟꓯꓼ ꓒꓱ ꓔꓯ 1 ꓦ (16) ꓠꓬꓲ ꓕꓯ ꓓꓶꓽ ꓧꓪꓸ ꓡꓰ ꓟ ꓥ ꓡꓳ꓿ ꓟꓯꓼ ꓒꓱ ꓔꓯ ꓚꓳꓸ ꓡ ꓟ ꓗꓪ ꓟꓯꓼ ꓟꓽ ꓢꓰꓼ ꓗꓹꓳ ꓐꓯ ꓢꓲꓸ ꓖꓶ ꓬꓲꓽ ꓡ ꓠꓬꓲ꓾ ꓟꓯꓼ ꓶ ꓤ ꓮ ꓟꓬꓹ ꓫꓺ ꓪ ꓡꓰꓳ꓿ ꓑ-ꓡꓯꓼ-ꓪꓼ ꓡꓳ ꓒꓱ ꓔꓯ ꓥ ꓟꓲ ꓮꓮ ꓡꓰ ꓓꓶꓽ ꓧꓪꓸ ꓡꓰ ꓔꓸ ꓡꓳ꓿

ꓣ-ꓘꓮꓲ ꓟꓵꓽ ꓗꓪ ꓣ-ꓘꓮꓲꓽ ꓟꓯꓼ ꓮꓮ ꓡꓰ ꓡꓳ ꓒꓱ ꓟꓯꓼ ꓒꓱ ꓮ ꓟꓬꓹ ꓔꓯ ꓓꓶꓽ ꓧꓪꓸ ꓡꓰ ꓔꓬ ꓡꓳ꓿ ꓟꓲꓳꓼ-ꓳ꓾ꓟꓰꓹ-ꓑꓬꓸ꓾ ꓚꓮꓳꓼ-ꓓꓳ꓾ ꓬ-ꓔꓯꓼ-ꓔꓮꓳ꓾ ꓚꓮꓳꓼ-ꓒꓬꓴ ꓡꓳ ꓒꓱ ꓗꓪ ꓟ ꓟꓯꓼ ꓒꓱ ꓮ ꓟꓬꓹ ꓔꓯ ꓡꓯꓽ ꓫꓵꓺ ꓓꓶꓽ ꓔꓬ ꓡꓳ꓿

ꓟꓬ-ꓟ ꓟꓯꓼ ꓥ ꓟꓲ ꓙꓱ ꓦꓲ꓾ ꓞꓽ ꓒꓳꓽ ꓐꓰ ꓙ ꓖꓴ ꓫꓱꓽ ꓢꓲꓸ ꓟꓯꓼ ꓓꓶꓽ ꓠꓹ ꓟ ꓮ ꓘꓶꓸ ꓢꓯꓼ ꓩꓴꓺ ꓡ ꓔꓬ ꓠꓬꓲ꓾ ꓟꓯꓼ ꓘꓶꓽ ꓮ ꓘꓶꓸ ꓡꓲꓽ ꓡ ꓥꓳ ꓐꓰ ꓢꓪꓼ ꓓ ꓡꓳ꓿

ꓐꓬꓱꓽ꓾ ꓮꓮ ꓲꓠꓝꓳ ꓓꓰꓢꓗ