ꓟꓳ ꓟꓵꓽ꓾ ꓔ-ꓒꓬꓴ-ꓜ-ꓬꓼ ꓡꓳ ꓒꓱ꓾ ꓚꓮꓲꓼ-ꓠꓯꓹ ꓢꓲꓺ ꓦꓲ ꓗꓪ ꓙꓰˍ ꓟ ꓢꓲꓺ ꓙ ꓖꓴ ꓗꓪ ꓬꓲ ꓡꓴꓽ ꓐꓱ ꓬꓲ ꓡꓯꓼ ꓟꓲꓼ ꓓꓶꓽ ꓡ ꓟ ꓑꓶꓸ ꓓꓴ ꓟꓶꓽ ꓬꓰ ꓢꓴ ꓮ ꓟꓬꓹ ꓗꓪ ꓐꓰ ꓠꓬꓲꓸ ꓠꓬꓲ 2021 ꓘꓳꓼ 11 ꓦ 22 ꓠꓬꓲ ꓠꓯꓼ ꓝꓲꓸ ꓗꓪ ꓛꓲ ꓧꓪ ꓟꓳ_ ꓟ ꓠꓬ꓾ ꓫꓵꓻ ꓟꓳꓻ 16 ꓟꓳꓻ ꓙꓳ ꓡꓰꓳ ꓐꓰ ꓢꓷꓸ ꓪ ꓡꓳ=
ꓕꓱ ꓟ ꓠꓬ ꓕꓲ ꓘꓳꓼ ꓡꓲꓸ ꓕꓲ ꓘꓳꓼ ꓢꓲꓻ ꓦꓲ ꓗꓪ ꓙꓰ ꓢꓴ ꓐꓴ ꓣꓱꓽ ꓔꓬ ꓟ ꓙ ꓖꓴ ꓥ ꓢꓲ꓾ ꓬꓲ ꓙꓬ ꓠꓬ ꓠꓯꓼ ꓝꓲꓸ ꓗꓪ ꓖꓴꓽ ꓓ ꓡꓳ= ꓖꓳ ꓡꓱ ꓥ ꓟꓲ ꓕꓱ ꓕꓲ ꓧꓪꓹ ꓠꓬ ꓮ ꓕꓽ ꓟꓽ ꓚꓰꓼ ꓬꓲ ꓡꓴꓽ ꓐꓱ ꓬꓲ ꓡꓯꓼ ꓟꓲꓽ ꓓꓶꓽ ꓡ ꓠꓬꓲ ꓡ ꓞꓳ ꓮ ꓟꓬꓹ ꓬꓲ ꓙꓬ ꓗꓪ ꓔꓲꓹ ꓫꓵꓻ ꓟ ꓥ ꓡꓳ=
ꓧꓪ ꓟꓳ_ ꓟ ꓫꓵꓻ ꓟꓳ ꓠꓬ꓾ ꓒꓳꓽ ꓖꓲꓽ ꓒ ꓕꓲ ꓣꓳ꓾ ꓤꓽ 3 ꓣꓳ꓾ ꓤ ꓟꓶꓼ 12 ꓣꓳ ꓥ ꓡꓳ ꓐꓯ ꓡꓳ= ꓖꓳ ꓕꓲ ꓟꓵꓽ ꓗꓪ ꓬꓲ ꓡꓴꓽ ꓐꓱ ꓬꓲ ꓙꓬ ꓞꓰ ꓡꓰ ꓔꓲ ꓑꓹ ꓗꓪ ꓟꓳꓻ ꓡ ꓟ ꓙ ꓖꓴ ꓚꓱꓹ ꓔꓯ “ꓢꓲꓺ ꓙ ꓖꓴ” ꓐꓰ ꓘꓴ ꓡꓳ= ꓢꓲꓻ ꓙ ꓖꓴ ꓖꓳ ꓟ ꓠꓬ ꓠꓯꓼ ꓠꓯꓼ ꓫꓵ ꓫꓵ ꓕꓯꓽ ꓖꓴꓽ ꓓ ꓟ ꓥ ꓡꓳ ꓐꓯ ꓡꓳ= ꓮ ꓟꓶ 30 ꓣꓳ ꓛꓲ ꓠꓬ ꓟꓶꓽ ꓡꓰ ꓔꓬ ꓢꓰꓽ꓾ ꓬꓲꓸ ꓟꓳꓻ ꓧꓪ ꓟꓽ ꓟꓳ ꓢꓰ ꓐꓰ ꓢꓷꓸ ꓪ ꓡꓳ=