ꓚꓪꓳꓼ-ꓑ-ꓓꓮꓳꓹ ꓡꓳ ꓒꓱ꓾ ꓙꓼ ꓮ ꓔꓳꓸ ꓖꓶꓽ ꓚꓱꓹ ꓙꓵꓽ ꓦꓲ ꓟꓲꓸ ꓕꓯꓽ ꓗꓪ꓾ 2022 ꓘꓳꓼ 2 ꓦ 1 ꓠꓬꓲ꓾ ꓟꓳꓼ ꓡꓳ ꓒꓳꓹ ꓬꓰ 1 ꓙꓵꓹ ꓕꓯꓽ꓾ ꓙꓼ ꓮ ꓔꓳꓸ ꓙꓲ ꓙꓲ ꓟꓽ ꓖꓶ ꓡ ꓟ ꓑꓶꓸ ꓓꓴ ꓚꓲ ꓛꓬ ꓔꓲꓸ ꓔꓲꓸ ꓔꓹ-ꓞꓰꓽ ꓕꓲꓽ ꓢꓲꓸ ꓮ ꓔꓳꓸ ꓓꓳꓼ ꓛꓴ ꓢꓴ ꓕꓲ ꓣꓳ ꓙꓳ ꓡꓳ꓿
ꓬꓲ ꓠꓬ 40 ꓘꓳꓼ ꓛꓲ ꓙꓳˍ ꓟ ꓗꓳ-ꓮꓳ-ꓮꓳ ꓟꓬꓱꓺ ꓔꓸ ꓢꓴ ꓕꓲ ꓣꓳ ꓥ ꓢꓲ꓾ ꓙꓼ ꓮ ꓔꓳꓸ ꓣꓱꓽ ꓢꓲꓸ ꓧꓳ ꓗꓺ ꓘꓶ ꓐꓰ ꓣꓱꓽ ꓫꓵꓽ ꓣꓱꓽ ꓙꓰ ꓟꓬꓱꓽ ꓬꓰ ꓢꓴ ꓥꓳ ꓐꓯ ꓡꓳ꓿
ꓟꓬ-ꓟ ꓟꓯꓼ ꓐꓴ ꓡꓰ ꓗꓴꓷꓼ ꓙꓵꓽ ꓪ ꓣꓴ ꓔꓯꓹ ꓙꓰ ꓕ ꓑꓳꓸ ꓙꓼ ꓮ ꓔꓳꓸ ꓢꓯꓼ ꓙꓲ ꓙꓲ ꓖꓶꓽ ꓟꓽ ꓐ ꓡ ꓠꓬꓲ꓾ ꓙꓼ ꓮ ꓔꓳꓸ ꓣꓱꓽ ꓢꓲꓸ ꓟꓬꓱꓽ ꓬꓰ ꓔꓬ ꓢꓴ ꓐꓴ ꓫꓸ ꓓꓴ ꓔꓳꓹ ꓜꓳ ꓔꓬ ꓢꓴ ꓐꓴ ꓗꓪ ꓐꓰ ꓬꓲꓸ ꓠꓬ ꓕꓲ ꓣꓳ ꓥ ꓡꓳ꓿
“ꓑ ꓫꓬ ꓐꓴ ꓮ ꓔꓳꓸ ꓕꓲ ꓘꓳꓼ ꓡꓱꓸꓼ ꓒ ꓐꓲ ꓪ ꓡꓰ ꓝꓲ꓿ 2001-2002 ꓘꓳꓼ ꓗꓪ ꓝꓮꓲ ꓟꓽ ꓡꓽ ꓙꓰ” ꓐꓰ ꓟꓬ-ꓟ ꓥꓳꓽ ꓡꓰ ꓐꓳ ꓔꓸ ꓟ ꓕꓳ ꓶ ꓕꓲ ꓘꓰꓸ ꓔꓯ ꓬꓲꓸ ꓮ ꓔꓳꓸ ꓛꓴ ꓔꓬ ꓟ ꓒ ꓕꓲ ꓗꓪ ꓧꓪ ꓟꓳˍ ꓡꓳ꓿
ꓬꓲꓸ ꓔꓯ ꓠꓯ ꓞꓲꓼ ꓦꓲ ꓗꓪ ꓧꓳꓽ ꓙꓰ ꓥ ꓟꓲ꓾ ꓟꓶ ꓘꓶꓼ ꓝꓲꓸ ꓗꓪ ꓢꓯꓼ ꓟꓬ ꓖꓴ ꓡꓰꓳ꓿