ꓟꓬ-ꓟ ꓗꓴꓷꓼ ꓗꓪ ꓞꓳ ꓫꓵꓽ ꓐꓰ꓾ ꓦ ꓡꓱ ꓚꓱꓹ ꓟꓽ ꓒꓯꓽ ꓒꓯꓽ ꓡ ꓞꓳ ꓮ ꓟꓬꓹ ꓙꓲ ꓖꓴ ꓔꓯ ꓧꓪ ꓢꓲ ꓟꓬꓱꓽ ꓬꓰ ꓢꓴ 2 ꓣꓳ꓾ ꓗꓲꓮ ꓟꓯꓼ ꓜꓲꓽ ꓖꓪ-ꓟꓳ ꓐꓰ꓾ ꓗꓠꓓꓳ ꓟꓯꓼ ꓜꓲꓽ ꓢꓳꓸ-ꓠꓯ-ꓓ-ꓟꓬꓼ ꓐꓴ ꓔꓯ ꓢꓔ ꓚꓡꓰꓟꓰꓠꓔꓢ ꓴꓠꓲꓦꓰꓣꓢꓲꓔꓬ ꓗꓪ ꓐꓰ ꓟꓬꓱꓺ ꓓꓳꓽ ꓓꓳ-ꓔ ꓡꓯꓼ ꓫꓴ (Honorary Doctor of Humanities) ꓖꓶ ꓩꓴ ꓡ ꓡꓳ꓿
“ꓗꓲꓮ ꓐꓰ ꓗꓠꓓꓳ ꓕꓱ ꓠꓬꓲꓽ ꓜꓴ ꓟꓽ ꓙꓳ ꓚꓰꓼ ꓠꓬ ꓟꓬ-ꓟ ꓗꓴꓷꓼ ꓠꓽ ꓢꓰ-ꓣꓲ-ꓬꓸ ꓗꓴꓷꓼ ꓡꓰ ꓐꓰ ꓬꓲꓸ ꓧꓶꓽ ꓢꓴ ꓙꓰ ꓓꓴ ꓥꓳ꓿ ꓬꓲ ꓪ ꓔꓯ ꓧꓳ: ꓪꓴꓸ ꓟꓴ ꓢꓴ ꓐꓴ ꓟꓬ-ꓟ ꓡ ꓞꓳ ꓮ ꓙꓵꓽ ꓙꓲ ꓖꓴ ꓧꓪ ꓢꓴ ꓥ ꓠꓬꓲ ꓮ ꓟꓶ ꓗꓪ ꓛꓲ ꓟꓬ-ꓟ ꓗꓴꓷꓼ ꓕꓶ ꓞ ꓡꓳ” ꓐꓰ ꓟꓬꓱꓺ ꓓꓳꓽ ꓡꓯꓼ ꓫꓴ ꓖꓶ ꓠꓹ ꓟ ꓢꓲꓻ ꓣꓴ ꓢꓴ ꓗꓪ ꓟ ꓕꓲ ꓣꓳ ꓡꓰ ꓐꓳ ꓔ ꓡꓳ꓿
ꓟꓬ-ꓟ ꓗꓴꓷꓼ ꓗꓪ ꓟ ꓫꓵꓽ꓾ ꓦ ꓡꓱ ꓚꓱꓹ ꓐꓰ꓾ ꓬꓲꓸ ꓜꓴ ꓬꓲꓸ ꓒꓳ ꓟꓽ ꓒꓯꓽ ꓒꓯꓽ ꓟꓬꓱꓽ ꓬꓰ ꓢꓴ ꓐꓴ ꓟꓯꓼ ꓜꓲꓽ ꓡꓵ ꓠꓯ-ꓟꓬꓳꓹ-ꓜꓲ꓾ ꓫꓵꓻ ꓢꓴ ꓔꓵꓸ ꓙ ꓢꓴ ꓚꓳ-ꓔꓴ꓾ ꓠꓡꓓ ꓗꓪ ꓟꓬꓱꓽ ꓬꓰ ꓢꓴ ꓕꓮꓲꓼ-ZO ꓐꓴ ꓔꓯ ꓧꓶꓸ ꓕꓯ ꓥ ꓟꓲ ꓕꓱ ꓡꓱ ꓟꓬꓱꓺ ꓓꓳ ꓡꓯꓼ ꓫꓴ ꓖꓶ ꓚꓰꓼ ꓟ ꓟ ꓥ ꓡꓳ꓿