ꓟꓬ-ꓟ ꓗꓴꓷꓼ ꓗꓪ ꓙ ꓡꓯ ꓘꓳ ꓙꓼ ꓶ ꓤ ꓢꓷꓸ ꓠꓲꓹ ꓟꓴ ꓕꓲꓸ ꓟꓬꓱꓽ ꓬꓰ ꓢꓴ ꓐꓴ꓾ ꓶ ꓡꓯꓼ ꓜꓴ ꓧꓳꓽ ꓪꓴꓸ ꓟꓴ ꓢꓴ ꓮ ꓟ ꓥ ꓟꓲ ꓗꓴꓷꓼ ꓗꓪ ꓐꓰ ꓘꓴ ꓘꓴ ꓠꓯ ꓠꓯ ꓕꓽ ꓓꓳ ꓙꓰ ꓝꓲ꓾ ꓐꓰ ꓟꓬ-ꓟ ꓑ ꓫꓬ ꓙꓵꓽ ꓪ ꓦꓴ ꓟꓯꓼ ꓡꓰ ꓟꓯꓼ ꓐꓴ ꓐꓰ ꓐꓬꓱ ꓦꓲ ꓠꓽ ꓔꓶꓸ ꓙꓵꓽ ꓪ ꓙꓳ ꓢꓴ ꓐꓴ ꓮ ꓙꓵꓽ ꓔꓯ 6 ꓦ ꓕꓲꓽ ꓐꓶꓽ ꓛꓲ ꓗꓪ ꓐꓰ ꓪꓴꓸ ꓔꓴ ꓢꓲ ꓗꓴ ꓗꓴ ꓢꓲ ꓕꓵꓼ ꓪ ꓖꓶ ꓔꓸ ꓡꓳ ꓐꓰ꓾ ꓓꓳꓽ ꓜꓳ ꓡ ꓡꓳ=
ꓟꓬ-ꓟ ꓗꓴꓷꓼ ꓗꓪ ꓟꓑꓔꓹ ꓔꓰꓡꓰꓠꓳꓣꓹ ꓳꓣꓰꓓꓳꓳꓹ ꓟꓬꓔꓰꓡ ꓕꓱ ꓡꓱꓳ ꓫꓵꓽ ꓙ ꓡꓯ ꓘꓳ ꓙꓼ ꓢꓷꓸ ꓠꓲꓹ ꓶ ꓡꓯꓼ ꓜꓴ ꓐꓴ ꓟꓬꓱꓽ ꓬꓰ ꓔꓬ ꓟ ꓥ ꓡꓳ=
7 ꓦ 2 ꓠꓬꓲ ꓕꓯ ꓔꓯ-ꓡꓲ-ꓠꓳ ꓙ ꓡꓯ ꓘꓳ ꓙꓼ ꓶ ꓤ ꓶ ꓡꓯꓼ ꓬꓰ ꓜꓴ ꓧꓳꓽ ꓪꓴꓸ ꓟꓴ ꓢꓴ ꓡꓰ꓾ ꓟꓬ-ꓟ ꓗꓴꓷꓼ ꓗꓪ ꓶ ꓡꓯꓼ ꓡꓯ ꓫꓵ ꓬꓰ ꓝꓸ ꓟꓽ ꓝꓸ ꓓꓵꓽ ꓙ ꓫꓵꓽ ꓠꓬꓲ ꓔꓬ ꓡꓳ꓾ ꓐꓰ ꓐꓯ ꓡꓳ=
ꓔꓯ-ꓡꓲ-ꓠꓳ ꓠꓬ 2014 ꓘꓳꓼ ꓗꓪ ꓐꓰ ꓪꓴꓸ ꓔꓴ ꓢꓲ꓾ ꓙ ꓡꓯ ꓘꓳ ꓙꓼ ꓢꓷꓸ ꓠꓲꓹ ꓶ ꓡꓯꓼ ꓬꓰ ꓡ ꓟ ꓥ ꓡꓳ=ꓙ ꓡꓯ ꓘꓳ ꓙꓼ ꓢꓷꓸ ꓠꓲꓹ ꓶ ꓡꓯꓼ ꓜꓴ (Telecommunication Business Group) ꓕꓱ ꓟ ꓡꓰ ꓪꓴꓽ ꓖꓶ ꓟ ꓙ ꓡꓯ ꓘꓳ ꓚꓱꓹ ꓬꓲꓸ ꓫꓵ ꓬꓲꓸ ꓙꓰꓽ ꓣꓱꓽ ꓢꓴ ꓟꓬ-ꓟ ꓗꓴꓷꓼ ꓗꓪ 18 ꓪꓹ ꓛꓲ ꓙꓳ ꓡꓳ=