ꓓꓰ-ꓟꓳ-ꓗꓯ-ꓢꓰ ꓚꓱꓹ ꓗꓪ ꓐꓰ ꓙꓵꓽ ꓔꓬ ꓟ ꓙ-ꓟꓶ-ꓠꓰ ꓗꓴꓷꓼ ꓙꓵꓽ ꓜꓴ ꓔꓯ ꓣꓴ ꓥꓸ ꓩꓴ ꓢꓲ꓾ ꓗꓴꓷꓼ ꓒꓳꓹ ꓡꓶꓸ ꓠꓹ ꓟ ꓢꓯꓼ ꓕꓵꓼ ꓢꓴ 25 ꓣꓳ ꓔꓯ ꓠꓬꓲꓸ ꓠꓬꓲ 2022 ꓘꓳꓼ 12 ꓦ 7 ꓠꓬꓲ ꓕꓯꓽ ꓙ-ꓟꓶ-ꓠꓰ ꓟꓯꓼ ꓠꓰ ꓞꓳꓹ ꓟꓶ ꓡꓰꓳ꓿
ꓬꓲꓸ ꓪ ꓠꓬ “Reich Citizens” ꓐꓰ ꓬꓲꓸ ꓟꓬꓱꓺ ꓖꓶꓽ ꓔꓸ ꓟ ꓕꓲꓽ ꓜꓴ ꓥ ꓢꓲ꓾ ꓜꓲ ꓜꓲ ꓑꓰꓹ ꓑꓰꓹ ꓬꓰˍ ꓟ ꓔꓯ ꓢꓯꓼ ꓖꓶ ꓢꓴ꓾ ꓓꓰ-ꓟꓳ-ꓗꓯ-ꓢꓰ ꓚꓱꓹ ꓔꓯ ꓟꓽ ꓠꓵ ꓢꓴ ꓥ ꓡꓳ꓾ ꓐꓯ ꓡꓳ꓿ ꓬꓲꓸ ꓪ ꓔꓯ ꓟꓵꓽ ꓫꓴ (11) ꓟ ꓗꓪ ꓐꓰ ꓕꓲ ꓦꓬꓼ ꓕꓲ ꓠꓬꓲ ꓣꓴ ꓗꓷ ꓟ ꓥ ꓡꓳ꓿
ꓕꓱ ꓕꓲ ꓜꓴ ꓔꓯ 2021 ꓘꓳꓼ ꓕꓯ ꓒꓴ ꓪꓴꓸ ꓔꓴ ꓗꓷ ꓢꓲ꓾ ꓧꓶꓸ ꓕꓯ ꓙ-ꓟꓶ-ꓠꓰ ꓪ ꓔꓲꓸ ꓬꓲꓸ ꓫꓵꓽ ꓪꓳꓼ ꓐꓴˍ ꓐꓰ꓾ ꓟꓯꓼ ꓜꓲꓽ ꓬꓲꓸ ꓡꓵꓺ ꓐꓴ ꓡꓰ ꓚꓴ ꓬꓲꓹ ꓖꓶꓽ ꓔꓬ ꓟ ꓜꓴ ꓕꓲ ꓟ ꓥ ꓡꓳ꓾ ꓐꓰ ꓙ-ꓟꓶ-ꓠꓰ ꓑꓳ-ꓡꓲ ꓟꓯꓼ ꓜꓲꓽ ꓐꓴ ꓡꓰ ꓢꓷ ꓙ ꓟꓴ ꓙ ꓡꓳ꓿
ꓣꓴ ꓟꓶ ꓔꓸ ꓢꓴ ꓐꓴ ꓗꓪ ꓐꓰ ꓕꓲꓽ ꓝꓸ ꓚꓲꓸ ꓚ ꓢꓲ꓾ ꓡꓯ ꓫꓵ ꓢꓷ ꓙ ꓟꓴ ꓙ ꓓꓴ ꓥꓳ꓾ ꓐꓯ ꓡꓳ꓿
25 ꓣꓳ ꓟ ꓘꓴꓽ ꓗꓪ ꓣ-ꓫꓸ ꓕꓲꓽ ꓣꓳ ꓕꓱꓹ ꓞꓹ ꓠꓬꓲ ꓮ ꓡꓲꓳ ꓫꓵꓽ ꓥ ꓟ ꓔꓯ ꓟꓳꓸ ꓕꓲꓽ ꓟꓲ ꓠꓯ ꓛꓽ ꓒꓽ ꓐꓴ ꓓꓵ ꓙ ꓧꓪ ꓟꓰꓹ ꓔꓬ ꓡꓳ꓿