ꓙ-ꓑ ꓗꓷꓼ ꓔꓳ-ꓚꓳ ꓳ-ꓡ-ꓑꓲꓼ ꓡꓳ ꓖꓪ ꓑꓮꓲ ꓐꓱ ꓶ ꓧꓶꓽ ꓒ ꓡꓰ ꓔꓳꓹ ꓙ ꓬꓰ ꓙ ꓔꓸ ꓟ ꓐꓵ ꓞꓲꓽ ꓐꓰ ꓶ ꓤ ꓔꓯ ꓲ-ꓓꓲ-ꓬ ꓡꓳ ꓖꓪ ꓒꓽ ꓐꓴ ꓣꓱꓽ ꓠꓲꓹ ꓟꓽ ꓫꓵ

ꓙ-ꓑ ꓗꓷꓼ ꓔꓳ-ꓚꓳ ꓳ-ꓡ-ꓑꓲꓼ ꓡꓳ ꓖꓪ ꓑꓮꓲ ꓗꓪ ꓲ-ꓓꓲ-ꓬ ꓗꓴꓷꓼ ꓳ-ꓡ-ꓑꓲꓼ ꓡꓳ ꓖꓪ ꓜꓴ (ꓲꓳꓮ) ꓠꓬ ꓲ-ꓓꓲ-ꓬ ꓑ ꓫꓬ ꓐꓴ ꓟꓽ ꓠꓵ ꓟ ꓑꓶꓸ ꓓꓴ ꓧꓶꓽ ꓒ ꓶꓼ ꓡꓯꓼ ꓜꓴ Li Ning ꓡꓰ ꓔꓳꓹ ꓙ ꓬꓰ ꓙ ꓔꓸ ꓟ ꓡꓳ ꓖꓪ ꓐꓵ ꓞꓲꓽ ꓐꓰ ꓢꓯꓼ ꓠꓵꓹ ꓓꓴ ꓶ ꓮ ꓫꓵꓽ ꓥ ꓟꓲ ꓟꓽ ꓣꓱꓽ ꓐꓰ ꓐꓯ ꓒꓬꓱ ꓩꓴ ꓡ ꓡꓳ=

ꓮ ꓠꓲꓹ ꓲ-ꓓꓲ-ꓬ ꓗꓴꓷꓼ ꓐꓰ ꓧꓶꓽ ꓒꓽ ꓗꓴꓷꓼ ꓟꓵꓽ ꓫꓸ ꓗ ꓗꓪ ꓢꓰꓼ ꓡꓯ ꓘꓳ ꓢꓲꓸ ꓲ-ꓓꓲ-ꓬ ꓟꓯꓼ 20 ꓣꓳ ꓫꓵꓻ ꓗꓷ ꓟ ꓑꓶꓸ ꓓꓴ ꓲ-ꓓꓲ-ꓬ ꓡ ꓞꓳ ꓐꓴ ꓠꓬ ꓧꓶꓽ ꓒ ꓗꓴꓷꓼ ꓐꓰ ꓧꓶꓽ ꓒ ꓶ ꓡꓯꓼ ꓬꓰ ꓜꓴ ꓔꓯ ꓠꓲꓹ ꓟ ꓗꓶ ꓔꓬ ꓟ ꓥ ꓡꓳ=

“ꓥꓪ ꓠꓴ ꓔꓯ ꓢꓯꓼ ꓖꓶ ꓔꓬ ꓟ ꓲ-ꓓꓲ-ꓬ ꓑ ꓫꓬ ꓐꓴ ꓟꓽ ꓠꓵ ꓟ ꓔꓯ ꓥꓪ ꓠꓴ ꓬꓰ ꓓꓴ ꓟꓽ ꓥ=” ꓐꓰ ꓲ-ꓓꓲ-ꓬ ꓗꓴꓷꓼ ꓳ-ꓡ-ꓑꓲꓼ ꓡꓳ ꓖꓪ ꓜꓴ (ꓲꓳꓮ) ꓧꓳꓽ ꓪꓴꓸ ꓟꓴ ꓢꓴ ꓐꓴ ꓡꓰ ꓐꓯ ꓡꓳ=