ꓙꓼ ꓮ ꓔꓳꓸ ꓢꓲꓽ ꓒꓽ ꓳꓸ-ꓮꓳ-ꓔꓸ-ꓳꓸ ꓬꓲꓸ ꓛꓲ ꓳꓸ-ꓔꓮꓳꓹ-ꓦꓽ ꓔꓯ ꓟꓬꓱꓽ ꓖꓶꓽ꓾ ꓮ ꓔꓳꓸ ꓠꓬ ꓡ ꓟꓽ ꓗꓴꓸ

ꓟꓬ-ꓟ ꓗꓴꓷꓼ ꓗꓪ ꓙꓼ ꓮ ꓔꓳꓸ ꓢꓲꓽ ꓒꓽ ꓳꓸ-ꓮꓳ-ꓔꓸ-ꓳꓸ ꓬꓲꓸ ꓛꓲ ꓳꓸ-ꓔꓮꓳꓹ-ꓦꓽ ꓔꓯ 2022 ꓘꓳꓼ 5 ꓦ 2 ꓠꓬꓲ ꓕꓯꓽ ꓟꓬꓱꓽ ꓖꓶꓽ ꓗꓷ ꓥ ꓟꓲ꓾ ꓮ ꓔꓳꓸ ꓠꓬ ꓡ ꓟꓽ ꓗꓴꓸ ꓞꓰꓽ ꓡꓰꓽ ꓞꓰꓽ ꓡꓰꓽ ꓗ ꓔꓬ ꓡꓳ꓿

ꓙꓵꓽ ꓪ ꓙꓳ ꓢꓴ ꓟꓯꓼ ꓢꓲꓽ ꓒꓽ ꓐꓴˍ ꓐꓰ ꓟꓬꓱꓽ ꓬꓰ ꓔꓺ ꓠꓹ ꓟ ꓗꓸ ꓟꓽ ꓘꓳꓽ ꓠꓬꓲ Chevron, Total, PTTEP ꓐꓰ꓾ Petronas ꓐꓴ ꓠꓬ ꓟꓬ ꓗꓴꓷꓼ ꓗꓪ ꓐꓰ ꓓꓳ ꓙꓰ ꓔꓬ ꓡꓳ꓿

ꓟꓬ-ꓟ ꓕꓲ ꓗꓴꓷꓼ ꓡꓱꓸꓼ ꓧꓶꓸ ꓕꓯꓽ ꓟ ꓕꓯꓽ ꓢꓴ ꓮ ꓔꓳꓸ ꓫꓸ꓾ ꓮ ꓙꓬ ꓫꓸ ꓟ ꓦꓬꓼ ꓠꓬꓲ ꓔꓳꓹ ꓜꓳ ꓔꓬ ꓡꓳ꓿

“ꓕꓲ ꓠꓬꓲ ꓗꓪ ꓮ ꓔꓳꓸ 4 ꓙꓵꓹ ꓡ꓾ 12 ꓙꓵꓹ ꓑꓲꓸ ꓓꓴ ꓬꓰ ꓔꓳꓼ ꓔꓬꓳ꓿ ꓕꓲ ꓡꓳ ꓒꓱ ꓕꓲ ꓡꓳ ꓒꓱ ꓚꓳꓻ ꓢꓲꓸ ꓮ ꓔꓳꓸ ꓖꓴꓽ ꓓꓴ ꓬꓰˍ ꓠꓯꓸ” ꓐꓰ ꓮ ꓔꓳꓸ ꓙꓼ ꓟꓬꓱꓽ ꓬꓰ ꓢꓴ ꓕꓲ ꓣꓳ ꓡꓰ ꓐꓯ ꓡꓳ꓿

ꓞꓻ ꓝꓲꓸ ꓗꓪ ꓕꓱ ꓡꓱ ꓙꓼ ꓮ ꓔꓳꓸ ꓢꓯꓼ ꓖꓶꓽ ꓟꓽ ꓐ ꓡ ꓗ ꓬꓰ ꓔꓬ ꓟ ꓠꓬ꓾ ꓶ ꓡꓯꓼ ꓚꓱꓹ ꓗꓪ ꓮ ꓘꓶꓸ ꓘꓶꓻ ꓡꓶꓽ ꓓꓴ꓾ ꓗꓴꓷꓼ ꓪꓴꓽ ꓟꓴ ꓡ ꓔꓬꓳ ꓐꓰ ꓮ ꓡꓲ ꓗꓶꓸ ꓡꓲꓸ ꓗꓶꓸ ꓟꓽ ꓙꓲ ꓟ ꓕꓲ ꓫꓵꓽ ꓒꓬꓱꓼ ꓡ ꓔꓬ ꓡꓳ꓿