ꓙꓴꓽ ꓧꓶꓹ ꓕꓲ ꓚꓶꓹ ꓙ ꓖꓴ ꓕꓲ ꓚꓱꓹ ꓙ ꓖꓴ ꓳ-ꓢꓲ-ꓔꓯ-ꓡꓲ-ꓬ ꓙꓳꓺ ꓗꓽ ꓘꓶꓽ

ꓧꓶꓽ ꓒꓽ ꓗꓴꓷꓼ ꓡꓰ ꓧꓳ ꓪꓴꓸ ꓟꓴ ꓢꓲ ꓫꓬꓹ ꓚꓰꓼ ꓓꓴ ꓙ ꓖꓶ ꓔꓬ ꓟ ꓙꓴꓽ ꓧꓶꓹ ꓕꓲ ꓚꓶꓹ ꓙ ꓖꓴ ꓕꓲ ꓚꓱꓹ (ꓥ ꓠꓬ) ꓐꓵꓽ ꓙ ꓖꓴ (One Belt One Road or Silk Road) ꓔꓯ 0-ꓢꓲ-ꓔꓯ-ꓡꓲ-ꓬ ꓗꓴꓷꓼ ꓙꓵꓽ ꓢꓴ ꓢꓲꓽ ꓒ ꓓꓽ ꓟ ꓟꓳ-ꓬꓲ-ꓢꓲ ꓡꓰ ꓗꓴꓷꓼ ꓤꓹ ꓤꓹ ꓐꓴ ꓐꓱ ꓶ ꓙꓳꓺ ꓗꓽ ꓘꓶꓽ ꓫꓸ ꓕꓱ ꓩꓴ ꓡ ꓡꓳ= ꓐꓵꓽ ꓙ ꓖꓴ ꓖꓳ ꓟ ꓠꓬ ꓗꓴꓷꓼ 71 ꓗꓴꓷꓼ ꓔꓯ ꓚꓳ ꓙ ꓙꓰ ꓢꓲ꓾ ꓟꓲ ꓠꓯ ꓡꓴꓸ ꓡꓴꓸ ꓙꓴꓽ ꓧꓶꓹ ꓡꓰ ꓐꓰ ꓫꓬꓹ ꓓꓴ ꓓꓵꓽ ꓙ ꓔꓬ ꓟ ꓥ ꓡꓳ= ꓧꓶꓽ ꓒ ꓗꓴꓷꓼ ꓗꓪ ꓐꓰ ꓶ ꓤ ꓶ ꓟꓲ ꓮ ꓙꓵꓽ ꓠꓬ ꓕꓲ ꓟꓲ ꓠꓯ ꓗꓪ ꓒꓬꓱꓺ ꓙꓰ ꓝꓲ ꓠꓹ ꓟ ꓔꓶ ꓙꓱꓼ ꓥ ꓢꓲ꓾ ꓫꓸ ꓟ ꓗꓴꓷꓼ ꓤꓹ ꓤꓼ ꓮ ꓟꓬꓹ ꓔꓯ ꓧꓶꓽ ꓒꓽ ꓡꓰ ꓗꓪꓼ ꓟꓶ ꓡꓰ ꓠꓹ ꓟ (ꓢꓷꓸ ꓠꓲꓹ ꓐꓰ ꓶ ꓡꓯꓼ ꓚꓱꓹ ꓗꓪ ꓐꓰ ꓧꓶꓸ ꓕꓯ) ꓓꓵꓽ ꓙ ꓚꓱꓹ ꓚꓴꓽ ꓬꓲꓹ ꓓꓽ ꓟ ꓕꓲ ꓟ ꓥ ꓡꓳ=

” ꓫꓸ ꓟ ꓗꓴꓷꓼ ꓐꓴ ꓠꓬ ꓚꓲ ꓛꓬ ꓗꓴꓷꓼ ꓪꓴꓽ ꓟꓴ ꓡ ꓠꓹ ꓟ ꓚꓱꓹ ꓙ ꓖꓶꓽ ꓟ ꓗꓪ ꓧꓶꓽ ꓒꓽ ꓗꓴꓷꓼ ꓗꓪ ꓐꓰ ꓒꓴ ꓛꓲꓽ ꓟ ꓕꓯ ꓢꓲ꓾ ꓐꓶꓽ ꓓꓵꓽ ꓕꓲ ꓟꓵꓽ ꓗꓪ ꓟ ꓪꓴꓽ ꓟꓴˍ ꓟ ꓗꓴꓷꓼ ꓗꓪ ꓐꓰ ꓬꓰ ꓙ ꓓꓴ ꓧꓪ ꓠꓯ ꓡꓳ꓾” ꓐꓰ ꓧꓶꓽ ꓒꓽ ꓚꓴ ꓬꓲꓬꓹ ꓖꓳ ꓟ ꓔꓯ ꓢꓷꓸ ꓟ ꓳ-ꓢꓲ-ꓔꓯ-ꓡꓲ-ꓬ ꓗꓴꓷꓼ ꓙꓵꓽ ꓢꓴ ꓐꓴ ꓡꓰ ꓗꓴꓷꓼ ꓤꓹ ꓤꓼ ꓮ ꓟꓬꓹ ꓔꓯ ꓙꓳꓺ ꓗꓽ ꓬꓲꓼ ꓠꓬꓲꓸ ꓖꓶ ꓡꓳ= ꓙꓼ ꓢꓷꓸ ꓠꓲꓹ ꓣꓱꓽ ꓢꓲꓸ ꓪꓴꓽ ꓟꓴ ꓔꓬ ꓟ ꓗꓴꓷꓼ 7 ꓗꓴꓷꓼ (ꓖ7) ꓥ ꓟꓲ꓾ ꓧꓶꓽ ꓒ ꓗꓴꓷꓼ ꓡꓰ ꓗꓴꓷꓼ ꓤꓹ ꓤꓼ ꓐꓴ ꓔꓯ ꓫꓸ ꓟꓴ ꓫꓸ ꓚꓬ ꓬꓰ ꓖꓶ ꓔꓬ ꓟ ꓔꓯ ꓮ ꓡꓲ ꓐꓰ ꓗꓽ ꓠꓹ ꓟ ꓓꓵꓽ ꓙ ꓖꓪ ꓙꓱ ꓡꓯ ꓘꓳ ꓔꓬ ꓟ ꓥ ꓡꓳ= ꓧꓶꓽ ꓗꓴꓷꓼ ꓥ ꓟꓲ ꓮ ꓒꓳ ꓒꓳ ꓗꓪ ꓪꓴꓽ ꓟꓴ ꓡ ꓔꓬ ꓢꓲ꓾ ꓕꓲ ꓟꓲ ꓠꓯ ꓔꓯ ꓙꓵꓽ ꓠꓹ ꓟ ꓙꓵꓽ ꓪ ꓟꓶ ꓡꓰ ꓠꓹ ꓟ ꓮ ꓘꓶꓸ ꓢꓯꓼ ꓕꓵꓼ ꓡ ꓔꓬ ꓟ ꓥ ꓡꓳ=