ꓙꓳ ꓟ ꓟꓯꓼ ꓶ ꓤ ꓮ ꓙꓵꓽ ꓣꓱꓽ ꓢꓲ ꓔꓳꓹ ꓡꓯ ꓘꓳ ꓓꓴ ꓥꓳ

ꓴꓢꓓꓑ ꓑ-ꓔꓲ ꓓꓵꓽ ꓢꓴ ꓐꓴ ꓔꓯ ꓢꓰꓼ ꓡ ꓠꓬ ꓙꓳ ꓟ ꓟꓯꓼ ꓶ ꓤ ꓮ ꓙꓵꓽ ꓣꓱꓽ ꓢꓲ ꓔꓳꓹ ꓡꓯ ꓘꓳ ꓓꓴ ꓥꓳ ꓐꓰ ꓖꓼ-ꓖꓳꓹ ꓟꓵꓽ ꓗꓪ ꓐꓰ ꓡ ꓛꓴꓸ ꓑꓳ ꓡꓳ ꓡꓼ-ꓢꓱꓽ (bullet Hla Swe) ꓡꓰ ꓢꓷ ꓙ ꓟꓴ ꓙ ꓕꓳ ꓶ ꓐꓳ ꓩꓴ ꓡ ꓡꓳ꓿

ꓙꓵꓽ ꓪ ꓒꓰꓼ ꓬꓰ ꓟ ꓠꓡꓓ ꓑ-ꓔꓲ ꓠꓯꓸ ꓘꓪ ꓟ ꓚꓣꓑꓧ/ꓠꓴꓖ/ꓑꓓꓝ ꓟꓯꓼ ꓐꓴ ꓠꓬ ꓣꓳ ꓘꓹ ꓣꓳ ꓟꓵꓽ꓾ ꓣꓳ ꓞꓳ ꓤ ꓔꓯ ꓘꓶ ꓡꓶꓽ ꓡ꓾ ꓢꓰꓼ ꓡ ꓔꓬ ꓟ ꓮ ꓙꓵꓽ ꓢꓴ ꓢꓷ ꓡꓳ꓿ ꓬꓲ ꓪ ꓔꓯ ꓔꓳꓹ ꓧꓪꓸ ꓡꓰ ꓠꓹ ꓟ ꓟꓯꓼ ꓔ-ꓟ-ꓓꓳ꓾ ꓑꓳꓡꓲꓚꓰ ꓐꓰ ꓕꓲ ꓪ ꓔꓺ ꓛꓳ ꓠ ꓗ ꓡꓳ꓿ ꓧꓪ ꓟꓶ ꓐ ꓡ ꓟ ꓟꓯꓼ ꓶ ꓤ ꓮ ꓙꓵꓽ ꓣꓱꓽ ꓢꓲ ꓢꓰꓼ ꓔꓳꓹ ꓡꓯ ꓘꓳ ꓓꓴ ꓬꓰ ꓡꓯ ꓐꓰ ꓬꓲꓸ ꓡꓰ ꓐꓳ ꓔ ꓟ ꓕꓳ ꓶ ꓗꓪ ꓢꓷ ꓙ ꓟꓴ ꓙ ꓔ ꓡꓳ꓿

ꓖꓳ ꓡꓱ ꓥ ꓟꓲ ꓟꓬ-ꓟ ꓑ ꓫꓬ ꓮ ꓟꓬꓹ ꓠꓬ ꓮ ꓡꓲ ꓕꓲ ꓜꓴ ꓠꓬ ꓑ ꓫꓬ ꓠꓲꓹ ꓡꓶꓽ ꓛꓳ ꓔꓬ ꓢꓴ ꓥ ꓟ ꓫꓬꓽ ꓫꓬꓽ ꓡꓰ ꓢꓷ ꓡꓳ꓿ ꓑ ꓫꓬ ꓠꓲꓹ ꓡꓶꓽ ꓔꓯ 2020 ꓘꓳꓼ 11 ꓦ 8 ꓠꓬꓲ ꓕꓯ ꓟꓳꓸ ꓖꓶ ꓗꓷ ꓟ ꓥ ꓡꓳ꓿