ꓙꓳꓹ-ꓐ-ꓓꓲ ꓗꓳ-ꓪꓰꓼ ꓠꓻ ꓜꓳꓻ ꓬꓰꓳ

ꓴꓢꓮ ꓗꓴꓷꓼ ꓙꓵꓽ ꓒꓽ ꓙꓳꓹ-ꓐ-ꓓꓲ ꓠꓬ ꓗꓳ-ꓪꓰꓼ ꓠꓻ ꓓꓱꓽ ꓜꓳꓻ ꓬꓰꓳ꓾ ꓐꓰ ꓬꓲꓸ ꓟꓬꓱꓽ ꓢꓲꓺ ꓟ Karine Jean Pierre ꓡꓰ 2022 ꓘꓳꓼ 7 ꓦ 21 ꓠꓬꓲ ꓕꓯꓽ ꓢꓷ ꓙ ꓟꓴ ꓙ ꓔꓸ ꓡꓳ꓿

“ꓟꓲꓸ ꓟꓲ ꓠꓯꓼ ꓠꓯꓼ ꓬꓲꓸ ꓔꓯ ꓗꓳ-ꓪꓰꓼ ꓚꓹ ꓟꓳ ꓬꓰꓳ꓿ ꓬꓲꓸ ꓠꓬ ꓗꓳ-ꓪꓰꓼ ꓠꓻ ꓗꓽ ꓠꓯ ꓞꓲꓼ ꓬꓲꓸ ꓧꓪꓹ ꓒ ꓐꓲ ꓗꓸ ꓓꓳ ꓡꓰ ꓢꓲ꓾ ꓬꓲꓸ ꓐꓶꓽ 2 ꓧꓪꓹ ꓡꓴꓽ ꓔꓺ ꓗꓸ ꓔꓺ ꓔꓸ ꓢꓴ ꓥ ꓟ ꓡꓰ ꓐꓰ ꓮ ꓘꓶꓸ ꓠꓻ ꓡꓲꓽ ꓓꓴ ꓟꓽ ꓙꓳ ꓢꓰꓽ꓿ ꓮ ꓟꓶ ꓬꓲꓸ ꓠꓬ Paxlovid ꓠꓯ ꓞꓲꓼ ꓜꓽ ꓪꓴꓸ ꓔꓴ ꓔꓬ ꓡꓳ꓿ ꓬꓲꓸ ꓠꓬ ꓕꓲꓽ ꓣꓳ ꓔꓱꓹꓼ ꓬꓲꓸ ꓫꓳꓽ ꓔꓬ ꓟ ꓕꓲꓽ ꓝꓲꓸ ꓗꓪ ꓦꓲ ꓒꓴ ꓒꓴ ꓗꓪ ꓟ ꓟꓬꓱꓽ ꓬꓰ ꓢꓴ ꓐꓴ ꓠꓬ ꓬꓲꓸ ꓐꓱ ꓶ ꓟꓬꓱꓽ ꓮ ꓙꓵꓽ ꓢꓯꓼ ꓕꓵꓼ ꓙ ꓓꓴ ꓥꓳ” ꓐꓰ ꓢꓷ ꓙ ꓟꓴ ꓙ ꓘꓶꓽ ꓐꓳ ꓔꓸ ꓡꓳ꓿

ꓙꓳꓹ-ꓐ-ꓓꓲ ꓠꓬ ꓬꓲ-ꓢꓷ-ꓡꓰ ꓗꓴꓷꓼ ꓐꓰ ꓲ-ꓣꓼ ꓗꓪ ꓗꓹ ꓚꓳ ꓙꓰ ꓓꓳ ꓡꓰ ꓗꓸ ꓠꓯꓸ ꓕꓱ ꓡꓱ ꓗꓳ-ꓪꓰꓼ ꓚꓹ ꓟꓳ ꓡꓰ ꓟ ꓥ ꓡꓳ꓿

ꓗꓳꓸ ꓗꓷ ꓟ ꓴꓢꓮ ꓗꓴꓷꓼ ꓙꓵꓽ ꓒꓽ ꓓꓳ-ꓠꓯ-ꓕ-ꓣꓼ ꓥ ꓟꓲ ꓕꓱ ꓡꓱ ꓗꓳ-ꓪꓰꓼ ꓠꓻ ꓚꓲꓸ ꓡꓰ ꓢꓲꓸ 3 ꓠꓬꓲ ꓕꓯꓽ ꓡꓽ ꓟꓶꓽ ꓫꓬꓹ ꓡꓰ ꓔꓶꓹ ꓚꓳ ꓟꓸ ꓖꓶꓽ ꓢꓲ꓾ ꓗꓳ-ꓪꓰꓼ ꓠꓬ ꓧꓶꓽ ꓗꓴꓷꓼ ꓗꓪ ꓐꓰ ꓪꓴꓸ ꓔꓴ ꓡ ꓠꓰ “ꓧꓶꓽ ꓒꓽ ꓠꓻ ꓫꓵꓽ” ꓐꓰ ꓬꓲꓸ ꓟꓬꓱꓺ ꓗꓷ ꓠꓬꓲꓳ꓿