ꓟꓯꓼ ꓡꓰ ꓟꓶ ꓤ ꓑꓲꓸ ꓔꓸ ꓟ ꓢꓷ ꓠꓲꓹ ꓢꓳ ꓦꓲ ꓔꓯ ꓕꓲ ꓧꓪꓹ ꓒꓴ ꓩꓴ ꓡ ꓟ ꓬꓲꓸ ꓪꓴꓸ ꓕꓲ ꓠꓬꓲ 2021 ꓘꓳꓼ 11 ꓦ 1 ꓠꓬꓲ ꓗꓪ꓾ ꓯ-ꓢꓲ-ꓙꓳ ꓡꓳ ꓒꓱ ꓗꓪ ꓟꓶ-ꓴ-ꓮꓳꓼ-ꓢꓰꓼ ꓐꓰ꓾ ꓕꓸ-ꓥꓯꓽ-ꓔꓳꓸ ꓘꓹ ꓗꓪ ꓠꓬ꓾ ꓙꓳꓥꓽ ꓢꓳ ꓡ ꓢꓴ ꓐꓶꓹ ꓔꓶꓼ ꓕꓲ ꓣꓳ ꓡꓲꓸ ꓟꓽ ꓙꓳ=
ꓟ-ꓴ-ꓮꓳꓼ-ꓢꓰꓼ ꓘꓹ ꓗꓪ Non-CDM ꓙꓳꓥꓽ ꓟꓸ ꓒ 3 ꓣꓳ꓾ ꓬꓳꓹ ꓕꓳ ꓶ ꓐꓳ ꓒꓼ 1 ꓣꓳ ꓐꓰ꓾ ꓟꓬꓱꓽ ꓬꓰ ꓢꓴ 1 ꓣꓳ ꓠꓬ ꓙꓳꓥꓽ ꓗꓪ ꓡ ꓡꓳ= ꓝꓮꓲ ꓕꓸ-ꓥꓯꓽ-ꓔꓳꓸ ꓘꓹ ꓗꓪ ꓠꓬ ꓟꓸ ꓢꓴ 2 ꓣꓳ ꓡꓰꓽ ꓙꓳꓥꓽ ꓦꓲ ꓗꓪ ꓡ ꓡꓳ= ꓢꓳ ꓒꓽ ꓢꓳ ꓟ ꓠꓬ ꓕꓲ ꓣꓳ_ ꓟꓲ ꓟꓽ ꓡ=ꓟ-ꓴ-ꓮꓳꓼ-ꓢꓰꓼ ꓘꓹ ꓟꓴ ꓕꓲꓸ ꓙꓳꓥꓽ ꓦꓲ ꓗꓪ ꓟꓸ ꓒ ꓟꓸ ꓟ ꓐꓰ ꓟꓬꓱꓽ ꓬꓰ ꓢꓴ 36 ꓣꓳ꓾ ꓢꓳ ꓢꓴ ꓙꓳꓥꓽ ꓟꓽ 1227 ꓣꓳ ꓙꓳ ꓢꓲ꓾ ꓕꓸ-ꓥꓯꓽ-ꓔꓳꓸ ꓗꓪ ꓠꓬ ꓟꓸ ꓢꓴ 27 ꓣꓳ꓾ ꓢꓳ ꓢꓴ 605 ꓣꓳ ꓙꓳꓽ ꓟ ꓙꓳꓥꓽ ꓥ ꓡꓳ=ꓠꓻ ꓫꓵꓽ ꓑꓶꓸ ꓓꓴ꓾ ꓐꓳꓽ ꓑꓳ ꓡ ꓟ ꓔꓯ ꓙꓳꓺ ꓟ ꓑꓶꓸ ꓓꓴ ꓐꓰ꓾ ꓑ ꓫꓬ ꓙꓵꓽ ꓪ ꓦꓴ ꓔꓸ ꓢꓲꓸ ꓑ ꓫꓬꓽ ꓟꓽ ꓠꓵ ꓟ ꓜꓲꓽ ꓜꓲꓽ ꓑꓰꓹ ꓑꓰꓹ ꓬꓰ ꓔꓬ ꓟ ꓔꓯ ꓒꓳꓹ ꓔꓳꓹ ꓠꓲꓹ ꓫꓵ ꓟ ꓠꓲꓹ ꓟ ꓑꓶꓸ ꓓꓴ ꓚꓲ ꓛꓬ ꓤ ꓠꓱ ꓐꓴ ꓔꓯ ꓢꓳ ꓦꓲ ꓗꓪ ꓙꓰ ꓝꓲ ꓠꓲꓹ ꓟꓽ ꓫꓵ ꓐꓯ ꓔꓬ ꓡꓳ=ꓑ ꓫꓬꓽ ꓠꓲꓹ ꓡꓶꓽ ꓔꓯ ꓒꓵꓽ ꓢꓲꓸ꓾ ꓙꓵꓽ ꓪ ꓦꓴ ꓢꓴ ꓟꓯꓼ ꓝꓲ ꓘꓶꓽ ꓔꓯ ꓠ ꓠꓹ ꓠꓲꓹ ꓟꓽ ꓫꓵ ꓟ ꓢꓷ ꓠꓲꓹ ꓟꓸ ꓒ ꓟꓸ ꓟ ꓮ ꓟꓬꓹ ꓠꓬ ꓚꓓꓟ- ꓚꓲꓦꓲꓡ ꓓꓲꓢꓳꓐꓰꓓꓲꓰꓠꓚꓰ ꓟꓳꓦꓰꓟꓰꓠꓔ ꓬꓰ ꓔꓬ ꓟ ꓥ ꓡꓳ= ꓠꓯ ꓞꓲꓼ ꓢꓷꓸ ꓠꓲꓹ ꓢꓷꓸ ꓢꓴ ꓐꓴ꓾ ꓟꓯꓹ ꓕꓸ ꓟꓬꓱꓽ ꓬꓰ ꓢꓴ ꓐꓴ꓾ ꓢꓷ ꓠꓲꓹ ꓟꓸ ꓒ ꓟꓸ ꓟ ꓐꓴ ꓠꓬ ꓚꓓꓟ ꓬꓰ ꓔꓬ ꓢꓴ ꓟꓬꓽ ꓡꓳ=
Source: Myaelatt Athan