2022 ꓘꓳꓼ 12 ꓦ 23-25 ꓠꓬꓲ ꓗꓪ ꓛꓲ ꓑꓴ-ꓔ-ꓳ ꓟꓵꓽ꓾ ꓡꓳꓹ-ꓜꓳꓼ ꓗꓪ ꓬꓰ ꓔꓬ ꓟ ꓙꓲ-ꓢꓴ ꓘꓴ ꓜꓲꓼ ꓞꓳ (ꓬꓲꓸ ꓡꓵꓺ) (90) ꓧꓪꓸ ꓟ ꓬꓰ-ꓢꓴ ꓦꓵ ꓑꓮꓲꓽ ꓚꓲꓸ ꓟꓶ ꓓꓴ ꓐꓬꓱꓽ ꓖꓼ ꓜꓲꓼ ꓔꓸ ꓟ ꓥ ꓡꓳ꓿
ꓑꓮꓲ ꓬꓰ ꓔꓶꓸ ꓗꓪ 12 ꓦ 24 ꓠꓬꓲ ꓗꓪ ꓠꓬ ꓟꓯꓼ ꓕꓲꓽ ꓒꓳꓹ ꓗꓪ ꓐꓰ ꓞꓳ ꓪꓴꓽ ꓐꓴ꓾ 25 ꓠꓬꓲ ꓗꓪ ꓠꓬ ꓢꓲꓽ ꓒꓽ ꓙꓵꓽ ꓢꓴ ꓕꓲ ꓒꓳꓹ ꓗꓪ ꓐꓰ ꓞꓳ ꓪꓴꓽ ꓐꓴ ꓜꓲꓼ ꓡ ꓡꓳ꓾ ꓐꓯˍ ꓡꓳ꓿
24 ꓠꓬꓲ ꓕꓯꓽ ꓙꓲ-ꓢꓴ ꓘꓴ ꓜꓲꓼ ꓞꓳ (ꓬꓲꓸ ꓡꓵꓺ) ꓵꓺ ꓟꓬꓱꓺ ꓠꓬ 170,000 ꓣꓳ ꓙꓳˍ ꓡꓳ꓾ ꓐꓰ ꓗꓳ-ꓟꓲ-ꓔꓲ ꓢꓽ ꓡ ꓙꓵꓽ ꓟꓸ ꓒꓽ ꓡꓯ-ꓟꓯ-ꓢꓯꓸ ꓡꓰ ꓢꓷꓸ ꓙ ꓟꓴ ꓙ ꓟ ꓔꓯ ꓟꓬꓡꓴ ꓟꓰꓓꓲꓮ ꓗꓪ ꓡꓳꓸ ꓟꓳ ꓓ ꓡꓳ꓿
ꓚꓵ ꓚꓵ 1933 ꓘꓳꓼ ꓕ ꓑꓳꓸ ꓕꓲꓽ ꓘꓳꓼ ꓡꓲꓸ ꓕꓲꓽ ꓘꓳꓼ ꓟꓽ ꓞꓰ ꓬꓰ ꓵꓺ ꓔꓸ ꓠꓬ ꓞꓲ ꓠꓲꓹ 2022 ꓘꓳꓼ ꓗꓪ ꓛꓲ (89) ꓘꓳꓼ ꓥ ꓡꓳ꓿
ꓗꓳ-ꓟꓲ-ꓔꓲ ꓔꓳꓹ ꓠꓷꓼ ꓓꓴ ꓗꓪ ꓠꓬ (1933) ꓘꓳꓼ ꓐꓳ ꓔꓸ ꓡꓳ꓿
ꓟꓳꓽ ꓟꓸ ꓒ ꓕꓲ ꓦꓲ ꓡꓰ ꓙꓲ-ꓢꓴ ꓘꓴ ꓜꓲꓼ ꓞꓳ ꓦ ꓡꓱ ꓚꓱꓹ ꓐꓰ ꓙꓵꓽ ꓚꓱꓹ ꓟꓴ ꓚꓱꓹ ꓔꓯ ꓠꓶꓽ ꓝꓸ ꓖꓶ ꓡ ꓟ ꓠꓬ ꓧꓶꓽ ꓟꓵꓽ ꓗꓪ ꓔꓬ ꓟ ꓡꓲ-ꓢꓴ ꓐꓴ ꓔꓯ 1931 ꓘꓳꓼ꓾ ꓟꓬ-ꓟ ꓕꓲꓽ ꓒꓳꓹ ꓗꓪ ꓔꓬ ꓟ ꓡꓲ-ꓢꓴ ꓐꓴ ꓔꓯ ꓠꓬ 1933 ꓘꓳꓼ ꓗꓪ ꓥ ꓡꓳ꓾ ꓐꓰ ꓟꓳꓽ ꓟꓸ ꓒꓽ ꓐꓴ ꓡꓰ ꓚꓺ ꓟꓲꓽ ꓕꓳ ꓶ ꓗꓪ ꓐꓳ ꓔꓸ ꓡꓳ꓿
ꓑhoto credit: Tun Aung Prosperity