ꓑ ꓫꓬ ꓙꓵꓽ ꓪ ꓦꓴ ꓢꓴ ꓢ-ꓗ-ꓢꓼ ꓡꓯ ꓒꓯꓹ ꓗꓪ ꓙꓲꓽ ꓑꓯꓸ ꓕꓲ ꓑꓯꓸ ꓡꓲꓸ ꓟꓽ ꓙꓳ ꓡꓰ ꓗꓪ ꓛꓲ ꓬꓲꓸ ꓪ ꓒꓴ ꓪ ꓚꓱꓹ ꓐꓰ꓾ ꓐꓳ ꓶꓽ ꓮ ꓙꓵꓽ ꓔꓯ ꓗꓽ ꓞꓲꓽ ꓩꓴ ꓠꓹ ꓟ 7 ꓦ 1 ꓠꓬꓲ ꓕꓯ꓾ ꓮ-ꓟꓯ-ꓣꓲ-ꓗ ꓑ ꓫꓬ ꓝꓲ ꓓꓴ (21) ꓣꓳ ꓡꓰ꓾ ꓮ-ꓟꓯ-ꓣꓲ-ꓗ ꓗꓴꓷꓼ ꓙꓵꓽ ꓜꓴ ꓔꓯ ꓕꓳ ꓶ ꓐꓳ ꓢꓲꓸ ꓓꓰꓽ ꓩꓴ ꓗꓷꓳ=
ꓕꓳ ꓶ ꓖꓳ ꓟ ꓠꓯꓸꓼ ꓗꓪ ꓑ ꓫꓬ ꓙꓵꓽ ꓪ ꓦꓴ ꓢꓴ ꓟꓯꓼ ꓐꓴ ꓔꓯ ꓔꓺ ꓙ ꓔꓬ ꓟ ꓟꓵ ꓗꓳ ꓓꓵ ꓓꓵ ꓗꓪ ꓟ ꓗꓴꓷꓼ ꓐꓴ ꓐꓰ꓾ ꓶ ꓡꓯꓼ ꓬꓰ ꓜꓴ ꓐꓴ꓾ ꓝꓮꓲ ꓙꓵꓽ ꓪ ꓦꓴ ꓢꓴ ꓫꓵꓽ ꓤ ꓧꓪ ꓤ ꓐꓴ ꓐꓳ ꓶꓽ ꓮ ꓡꓲ ꓗꓪ ꓫꓺ ꓔꓸ ꓟ ꓧꓪ ꓟꓰꓹ ꓢꓲꓸ ꓑꓲꓸ ꓞꓲꓽ ꓩꓴ ꓗꓷ ꓠꓹ ꓟ ꓓꓰꓽ ꓔꓸ ꓡꓳ= ꓕꓱ ꓡꓱ ꓬꓰ ꓟ ꓗꓪ ꓐꓰ ꓑ ꓫꓬ ꓙꓵꓽ ꓪ ꓦꓴ ꓢꓴ ꓐꓴ ꓫꓴꓸ ꓡꓰ ꓢꓲ꓾ ꓗꓴꓷꓼ ꓠꓯꓸꓼ ꓗꓪ ꓓꓰ-ꓟꓳ-ꓗꓯ-ꓢꓰ ꓐꓰ ꓡ ꓞꓳ ꓐꓴ ꓟꓶ ꓙꓲꓽ ꓙꓳ ꓟ ꓙꓵꓽ ꓪ ꓟꓶ ꓡꓰ ꓥꓳ= ꓮ-ꓟꓯ-ꓣꓲ-ꓗ ꓗꓴꓷꓼ ꓥ ꓟꓲ ꓑ ꓫꓬ ꓐꓴ ꓔꓯ ꓕꓲ ꓡꓰꓹꓼ ꓦꓰꓼ ꓔꓬ ꓟ ꓔꓯ ꓟꓳꓸ ꓖꓶ ꓓꓳ ꓡ ꓥꓳ꓾ ꓐꓯ ꓔꓸ ꓡꓳ=