2022 ꓘꓳꓼ 2 ꓦ 13 ꓠꓬꓲ ꓗꓪ ꓐꓰ ꓪꓴꓸ ꓔꓴ ꓢꓲꓸ ꓟꓬ-ꓟ ꓗꓴꓷꓼ ꓕꓲ ꓚꓳ ꓡꓳ ꓙꓱ ꓦꓲ ꓜꓶꓽ ꓢꓴ ꓐꓴ ꓮ ꓙꓵꓽ Rapid Antigen Diagnostic Test-ꓣꓓꓔ ꓗꓪ ꓐꓰ ꓗꓳ-ꓪꓰꓼ ꓠꓻ ꓐꓶ ꓓꓲ ꓙꓳ/ ꓟꓽ ꓙꓳ ꓟꓽ ꓓ ꓟꓽ ꓢ ꓚꓹ ꓠ ꓔꓸ ꓡꓳ꓾ ꓐꓰ ꓧꓪ ꓖꓳ ꓓꓱꓽ ꓧꓪꓸ ꓢꓯꓼ ꓔꓯ ꓟꓳꓸ ꓗꓪꓽ ꓫꓵꓽ ꓜꓴ ꓡꓰ ꓢꓷ ꓙ ꓟꓴ ꓙ ꓔ ꓡꓳ꓿
ꓚꓲꓸ ꓛꓬ ꓔꓬ ꓟ ꓡꓳ ꓒꓱ ꓗꓪ ꓙꓳˍ ꓟ ꓗꓴꓷꓼ ꓙꓵꓽ ꓜꓴ ꓡꓯꓼ ꓛꓲ ꓗꓪ ꓟ ꓠꓯ ꓞꓲꓼ ꓦꓲ ꓗꓪ ꓠꓬ ꓬꓲꓸ ꓒꓵꓽ ꓖꓶ ꓟꓽ ꓛꓲ ꓛꓲ ꓚꓹ ꓟꓶ ꓓ ꓢꓲ꓾ ꓠꓱꓸ ꓐꓯꓼ ꓡꓯꓼ ꓡꓲꓺ ꓒꓴ ꓔꓸ ꓟ ꓠꓯ ꓞꓲꓼ ꓦꓲ ꓗꓪ ꓠꓬ ꓬꓲꓸ ꓒꓵꓽ ꓖꓶ ꓢꓲꓸ ꓚꓹ ꓠ ꓗ ꓡꓳ꓿
ꓙꓱ ꓦꓲ ꓟꓽ ꓜꓶꓽ ꓢꓰꓽ ꓕꓯꓽ ꓠ ꓡꓲ 48 ꓙꓵꓹ ꓟ ꓘꓴꓽ ꓗꓪ ꓚꓹ ꓔꓸ ꓟ ꓥ ꓢꓲ꓾ ꓗꓳ-ꓪꓰꓼ ꓠꓻ ꓐꓶ ꓓꓲ ꓧꓪ ꓟꓽ ꓟꓳꓻ ꓐꓯˍ ꓟ ꓗꓸ ꓚꓵ ꓕꓳ ꓶ ꓟꓽ ꓙꓳ ꓢꓴ ꓐꓴ ꓙꓱ ꓦꓲ ꓜꓶꓽ ꓪ ꓟꓽ ꓓ ꓐꓯ ꓔꓸ ꓡꓳ꓿
ꓙꓱ ꓦꓲ ꓜꓶꓽ ꓓꓵꓽ ꓓꓳ ꓚꓱꓹ ꓔꓯꓸ ꓟꓳꓸ ꓕꓵꓼ ꓪ ꓫꓵꓼ ꓕꓱ ꓟ ꓟꓽ ꓓꓳ ꓡ ꓢꓰꓽ ꓧꓶꓸ ꓕꓯꓽ ꓠꓬ ꓗꓳ-ꓪꓰꓼ ꓠꓻ ꓗꓽ ꓠꓯ ꓞꓲꓼ 2 ꓧꓪꓹ ꓗꓸ ꓓꓳ ꓡꓰ ꓢꓴ ꓔꓯ ꓠꓻ ꓚꓹ ꓟꓽ ꓛꓲ ꓛꓲ ꓙꓱ ꓦꓲ ꓜꓶꓽ ꓝꓲ ꓗꓷꓳ꓿
ꓮ ꓟꓶ ꓗꓳ-ꓪꓰꓼ ꓳ-ꓟꓲ-ꓘ-ꓣꓳ ꓠꓻ ꓐꓶ ꓓꓲ ꓠꓬ ꓗꓳ-ꓪꓰꓼ ꓠꓻ ꓗꓽ ꓠꓯ ꓞꓲꓼ ꓗꓸ ꓔꓸ ꓢꓴ ꓔꓯ ꓥ ꓟꓲ꓾ ꓧꓶꓸ ꓕꓯ ꓗꓳ-ꓪꓰꓼ ꓕꓲ ꓧꓪꓹ ꓠꓻ ꓖꓴ ꓡꓰ ꓢꓴ ꓔꓯ ꓥ ꓟꓲ ꓚꓲꓸ ꓡ ꓡꓳ ꓐꓰ ꓢꓷꓸ ꓪ ꓡꓳ꓿