ꓗ-ꓬꓲ ꓟꓵ꓾ ꓒꓸ-ꓮꓽ ꓡꓳ ꓒꓱ ꓗꓪ ꓟ ꓘꓹ 5 ꓘꓹ ꓗꓪ ꓞꓳ ꓪꓴꓽ ꓬꓰ ꓢꓴ ꓟꓽ ꓔꓬ ꓟ ꓑꓶꓸ ꓓꓴ꓾ ꓟꓵꓽ ꓫꓸ ꓗ ꓡꓳꓸ ꓟꓯꓼ ꓐꓴ ꓡꓰ ꓘꓹ ꓗꓪ ꓟ ꓞꓳ ꓑꓸ ꓤ ꓐꓴ ꓔꓯ ꓕꓲꓽ ꓣꓳ ꓦ ꓐ ꓕꓲꓽ ꓦ (ꓥ ꓠꓬ) 15 ꓠꓬꓲ ꓘꓹ ꓞꓳ ꓪꓴꓽ ꓬꓰ ꓠꓹ ꓟ ꓟꓽ ꓓ ꓟꓽ ꓢꓽ ꓝꓲꓺ ꓔꓬ ꓡꓳ꓿
ꓞꓳ ꓘꓹ 4 ꓟ ꓠꓬ꓾ ꓙꓳꓼ-ꓑꓲ-ꓢꓲꓼ (ဂျို့ပင်ဆိပ်)၊ ꓟꓲ-ꓬ (မြိုင်)၊ ꓗꓳꓸ-ꓔ-ꓙꓰꓸ (ကုန်းတန်းကြီး)၊ ꓟꓰꓹ-ꓑꓳ (မီးပုံး) ꓥ ꓡꓳ꓿ ꓞꓳ ꓘꓹ ꓢꓴ ꓐꓴ ꓔꓯ ꓟꓵꓽ ꓫꓸ ꓗ ꓡꓳꓸ ꓟꓯꓼ 1014 ꓟꓯꓼ ꓜꓲꓽ ꓪꓰꓹ-ꓔꓲ ꓡꓰ ꓕꓱ ꓡꓱ ꓟꓽ ꓓ ꓟ ꓢ ꓬꓰ ꓝꓲ ꓟ ꓥ ꓡꓳ꓿
ꓟꓯꓼ ꓡꓰ ꓙꓵꓽ ꓡ ꓟ ꓦ ꓐ 8 ꓦ ꓡꓳꓼ ꓡ ꓕꓯ ꓟꓬ-ꓟ ꓗꓴꓷꓼ ꓗꓪ ꓘꓹ ꓞꓳ ꓪꓴꓽ ꓟꓽ ꓙꓳ ꓟ ꓞꓳ ꓘꓹ ꓟꓬꓽ ꓡ ꓔꓬ ꓡꓳ꓿ ꓬꓯ-ꓢꓲ-ꓚꓳ ꓡꓳ ꓒꓱ ꓗꓪ ꓥ ꓟꓲ ꓞꓳ ꓪꓴꓽ ꓮ ꓙꓵꓽ ꓟꓬꓱꓽ ꓗꓪ ꓐꓰ ꓓꓳ ꓙꓰ ꓖꓴꓳ꓿