ꓘꓳ-ꓡ-ꓒꓶ ꓜꓽ ꓓꓴ ꓬꓰ ꓙ ꓜꓴ ꓕꓲ ꓟ ꓒꓴ ꓔꓸꓳ

ꓘꓳ-ꓡ-ꓒꓶ꓾ ꓡꓯ-ꓟꓯ-ꓛꓲꓽ ꓡꓳꓺ ꓗꓪ ꓜꓽ ꓓꓴ ꓫꓸ ꓔꓬ ꓢꓴ ꓐꓴ ꓔꓯ ꓬꓰ ꓙ ꓠꓲꓹ ꓫꓵ ꓢꓴ ꓐꓴ ꓝꓸ ꓡꓯ ꓘꓳ ꓢꓲꓸ ꓬꓰ ꓙ ꓔꓳꓹ ꓙ ꓐ ꓡ ꓠꓹ ꓟ ꓘꓳ-ꓡ-ꓒꓶ ꓜꓽ ꓓꓴ ꓬꓰ ꓙ ꓜꓴ (Khaung Lan Hpu Food Relief Committee) ꓒꓴ ꓗꓷꓳ ꓐꓰ ꓓꓳꓽ ꓜꓳ ꓡ ꓡꓳ꓿

“ꓜꓽ ꓓꓴ ꓫꓸ ꓢꓴ ꓐꓴ ꓔꓯ ꓬꓰ ꓙ ꓔꓳꓹ ꓙ ꓚꓱꓹ ꓐꓱ ꓶ ꓟꓬꓱꓽ ꓬꓰ ꓜꓴ ꓒꓴ ꓗꓷꓳ꓿ ꓠꓲꓹ ꓡꓱ ꓢꓴ ꓐꓴ ꓝꓸ ꓡꓯ ꓘꓳ ꓡꓯ꓿ ꓢꓯꓼ ꓟꓬ ꓚꓬꓴꓹ ꓟꓬꓱꓽ ꓕꓲ ꓟ ꓥꓳ” ꓐꓰ ꓬꓰ ꓙ ꓜꓴ ꓖꓳ ꓟ ꓗꓪ ꓔꓺ ꓢꓴ ꓕꓲ ꓣꓳ ꓥˍ ꓟ ꓟꓸ ꓒ ꓙꓬ-ꓐꓳ-ꓔꓲ ꓡꓰ ꓐꓯˍ ꓡꓳ꓿

ꓕꓱ ꓕꓲ ꓚꓱꓹ ꓔꓯ ꓟꓳꓸ ꓙ ꓡꓯ ꓘꓳ ꓓꓴ ꓠꓬ꓾ phone: 09265061008, Email: jbtlisu@psmail.net ꓗꓪ ꓙ ꓡꓯ ꓘꓳ ꓓˍ ꓡꓳ ꓐꓰ ꓐꓯ ꓔ ꓡꓳ꓿

ꓘꓳ-ꓡ-ꓒꓶꓸ ꓡꓳ ꓒꓱ꓾ ꓡꓯ-ꓟꓯ-ꓛꓲꓽ ꓡꓳꓺ ꓗꓪ ꓔꓬ ꓢꓴ ꓑ ꓫꓬ 2896 ꓣꓳ ꓠꓬ꓾ ꓮ ꓠꓲꓹ ꓕꓲ ꓘꓳꓼ ꓟꓬꓱꓽ ꓬꓰ ꓜꓻ ꓟꓽ ꓓꓳ ꓟˍ ꓐꓰ ꓧꓶꓽ ꓟꓵꓽ ꓫꓸ ꓗ ꓑꓲꓸ ꓞꓲꓽ ꓡꓰ ꓟ ꓑꓶꓸ ꓓꓴ ꓞꓲ ꓠꓲꓹ 2022 ꓘꓳꓼ ꓗꓪ ꓜꓽ ꓓꓴ ꓟꓽ ꓡꓳꓼ ꓦꓰꓼ ꓟꓷꓼ ꓔꓬ ꓡꓳ ꓐꓰ ꓐꓯˍ ꓡꓳ꓿