ꓗ-ꓠꓯ-ꓓ ꓗꓴꓷꓼ ꓝꓲ ꓓꓴ 41 ꓣꓳ ꓔꓯ ꓲ-ꓓꓲ-ꓬ ꓗꓴꓷꓼ ꓐꓰ ꓐꓰ ꓖꓼ ꓓꓳ ꓕꓵꓼ ꓪ ꓓꓳꓻ ꓩꓴ ꓡꓻꓳ ꓐꓰ Financial Times ꓗꓪ ꓐꓳ ꓔꓸ ꓡꓳ꓿
ꓕꓱ ꓟ ꓠꓬ ꓧ-ꓓꓲ-ꓢꓲ-ꓠꓲꓼ-ꓙꓹ (Hardeep Singh Nijjar) ꓔꓯ ꓗ-ꓠꓯ-ꓓ ꓗꓴꓷꓼ ꓘꓴꓽ ꓗꓪ ꓢꓰꓼ ꓡ ꓢꓴ ꓠꓬ ꓲ-ꓓꓲ-ꓬ ꓗꓴꓷꓼ ꓙꓵꓽ ꓢꓴ ꓐꓴ ꓥ ꓡꓳ꓾ ꓐꓰ ꓗ-ꓠꓯ-ꓓ ꓗꓴꓷꓼ ꓟꓬꓱꓽ ꓢꓲꓺ Justin Trudeau ꓡꓰ ꓕꓱ ꓓꓳ ꓡ ꓗꓸ ꓠꓯ ꓕꓲꓽ ꓝꓸ ꓕꓲ ꓝꓸ ꓠꓲꓹ ꓢꓲꓼ ꓔꓯꓺ ꓡꓯ ꓘꓳ ꓢꓲꓸ ꓒꓬꓱꓼ ꓡ ꓟ ꓥ ꓡꓳ꓿
ꓧ-ꓓꓲ-ꓢꓲ-ꓠꓲꓼ-ꓙꓹ (Hardeep Singh Nijjar) ꓠꓬ ꓢꓰꓲꓼ (Sikh) ꓦ ꓡꓱ ꓚꓱꓹ ꓚꓺ ꓢꓴ ꓐꓴ ꓲ-ꓓꓲ-ꓬ ꓗꓴꓷꓼ ꓗꓪ ꓐꓰ ꓧꓹ ꓓꓳ ꓙꓰ ꓢꓲꓸ ꓘ-ꓡꓲ-ꓢꓲ-ꓔ ꓐꓯˍ ꓟ ꓚꓲꓸ ꓛꓬ ꓗꓴꓷꓼ ꓔꓶꓺ ꓠꓹ ꓢꓯꓼ ꓖꓶ ꓧꓳꓽ ꓪꓴꓸ ꓟꓴ ꓢꓴ ꓕꓲ ꓣꓳ ꓥ ꓢꓲ꓾ ꓲ-ꓓꓲ-ꓬ ꓗꓪ ꓐꓰ ꓗ-ꓠꓯ-ꓓ ꓗꓪ ꓛꓰꓹ ꓑꓬ ꓔꓬ ꓢꓴ꓾ ꓗ-ꓠꓯ-ꓓ ꓗꓴꓷꓼ ꓡ ꓞꓳ ꓥ ꓡꓳ꓿ ꓬꓲꓸ ꓔꓯ ꓗ-ꓠꓯ-ꓓ ꓗꓪ 2023 ꓘꓳꓼ 6 ꓦ 18 ꓠꓬꓲ ꓕꓯꓽ ꓡ ꓛꓴꓸ ꓐꓶ ꓢꓰꓼ ꓡꓳ꓿
ꓖꓳ ꓟ ꓔꓯ ꓚꓲꓸ ꓚ ꓔꓬ ꓟ ꓗ-ꓠꓯ-ꓓ ꓡꓰ ꓡ ꓛꓴꓸ ꓐꓶ ꓡ ꓢꓴ ꓗꓸ ꓠꓯ ꓢꓲ ꓗꓪ ꓲ-ꓓꓲ-ꓬ ꓗꓴꓷꓼ ꓙꓵꓽ ꓢꓴ ꓐꓴ ꓡꓯ ꓒꓯꓹ ꓚꓬꓼ ꓡꓳ꓾ ꓐꓯ ꓩꓴ ꓡ ꓠꓰ꓾ ꓗꓴꓷꓼ ꓠꓬꓲꓽ ꓟ ꓗꓴꓸ ꓚꓸ ꓗꓪ ꓙ ꓡꓯ ꓘꓳ ꓚꓱꓹ ꓐꓬ ꓡꓰ ꓔꓬ ꓢꓲ꓾ ꓝꓲ ꓓꓴ ꓐꓴ ꓔꓯ ꓖꓳ ꓑꓳꓸ ꓕ ꓑꓳꓸ ꓖꓼ ꓓꓳ ꓔꓬ ꓟ ꓥ ꓡꓳ꓿
ꓲ-ꓓꓲ-ꓬ ꓗꓴꓷꓼ ꓗꓪ ꓗ-ꓠꓯ-ꓓ ꓗꓴꓷꓼ ꓝꓲ ꓓꓴ 62 ꓣꓳ ꓔꓬ ꓟ ꓗꓪ ꓐꓰ 41 ꓣꓳ ꓓꓳ ꓙꓰ ꓠꓹ ꓟ ꓕꓵꓼ ꓪ ꓓꓳ ꓡ ꓟ ꓥ ꓡꓳ꓿
ꓓꓳꓽ ꓬꓲꓸ ꓚꓰ꓾ Financial Times, photo: Canada Embassy in India, internet