ꓟꓯꓼ ꓡꓯ ꓛꓲ ꓗꓪ ꓟ ꓖꓳ ꓓꓱ ꓔꓬ ꓢ ꓚꓱꓹ ꓢꓲꓽ ꓒꓽ ꓡꓰ ꓗ-ꓛꓲ ꓟꓵꓽ ꓗꓪ ꓟ ꓔꓳꓹ ꓙ ꓠꓯ ꓞꓲꓼ ꓟꓸ ꓒ ꓟꓬꓱꓽ ꓬꓰ ꓢꓴ꓾ ꓚꓓꓟ ꓬꓰ ꓙꓰ ꓢꓴ 52 ꓣꓳ ꓔꓯ ꓠꓯ ꓞꓲꓼ ꓟꓬꓱꓽ ꓬꓰ ꓢꓴ ꓟꓬꓱꓺ ꓗꓪ ꓐꓰ ꓢꓲꓹ ꓩꓴꓳ ꓐꓰ 2022 ꓘꓳꓼ 2 ꓦ 11 ꓠꓬꓲ ꓕꓯꓽ ꓕꓳ ꓶ ꓓꓳ ꓩꓴ ꓡ ꓡꓳ꓿
ꓚꓓꓟ ꓐꓯˍ ꓟ ꓠꓬ “civil disobedience movement ꓙꓵꓽ ꓗꓪꓼ ꓢꓴ ꓕꓵꓼ ꓪ ꓔꓯ ꓑ ꓫꓬ ꓐꓴ ꓟꓽ ꓛꓳ ꓛꓳ ꓔꓬ ꓟ” ꓥ ꓢꓲ꓾ ꓟꓬ-ꓟ ꓗꓴꓷꓼ ꓔꓯ ꓟꓯꓼ ꓡꓰ ꓙꓵꓽ ꓡ ꓟ ꓔꓯ ꓑ ꓫꓬ ꓐꓴ ꓚꓲ ꓛꓬ ꓟꓬꓱꓽ ꓠꓽ ꓩꓴ ꓢꓲꓸ ꓒꓳꓹ ꓔꓳꓹ ꓟ ꓕꓲ ꓫꓵꓽ ꓥ ꓡꓳ꓿
“ꓬꓲꓸ ꓪ ꓡꓯꓼ ꓛꓲ ꓗꓪ ꓢꓷ ꓠꓲꓹ ꓙꓳ ꓢꓴ ꓐꓴ꓾ ꓑ ꓫꓬ ꓐꓱ ꓶ ꓟꓬꓱꓽ ꓬꓰ ꓠꓲꓹ ꓫꓵ ꓢꓴ ꓐꓴ ꓮ ꓡꓲ ꓡꓲꓸ ꓟꓬꓱꓽ ꓬꓰ ꓟꓽ ꓙꓲ꓿ ꓟꓯꓼ ꓠꓬ ꓙꓵꓽ ꓢꓴ ꓒꓬꓱꓼ ꓡ ꓠꓬꓲ꓾ ꓥꓪ ꓠꓴ ꓚꓲ ꓛꓬ ꓟꓬꓱꓽ ꓚꓲ ꓛꓬ ꓠꓬꓲ ꓖꓴ ꓗꓪ ꓔꓬ ꓟꓽ ꓙꓲ ꓬꓰꓳ” ꓐꓰ ꓚꓓꓟ ꓠꓯ ꓞꓲꓼ ꓟꓸ ꓒ ꓕꓲ ꓣꓳ ꓡꓰ ꓐꓯ ꓡꓳ꓿
ꓚꓓꓟ ꓬꓰ ꓢꓴ ꓐꓴ ꓫꓸ ꓓꓴ ꓮ ꓘꓶꓸ ꓔꓳꓹ ꓜꓳ ꓔꓬ ꓥ ꓟꓲ꓾ ꓡꓳꓹ ꓬꓰ ꓗꓪ ꓛꓲ ꓟꓯꓼ ꓐꓯ ꓘꓶ ꓔꓯ ꓒꓳꓹ ꓔꓳꓹ ꓓꓴ ꓥꓳ ꓐꓯ ꓔꓬ ꓡꓳ꓿