2022 ꓘꓳꓼ 5 ꓦ 25 ꓠꓬꓲ ꓕꓯꓽ ꓠꓡꓓ ꓗꓴꓷꓼ ꓙꓵꓽ ꓜꓴ ꓦꓬꓼ ꓠꓬꓲ ꓗꓪ ꓗ-ꓛꓲ ꓟꓵꓽ ꓑ ꓫꓬ ꓝꓲ ꓓꓴ ꓜꓲꓼ ꓓꓴ ꓔꓳꓹ ꓙ ꓢꓽ ꓡ ꓙꓵꓽ ꓘꓸ-ꓡꓲꓽ ꓬꓲꓸ ꓦꓲ ꓔꓯ ꓟꓯꓼ ꓠꓰ ꓔꓳꓹ ꓠꓷꓼ ꓓꓴ ꓬꓰ ꓢꓲꓸ ꓑꓲꓸ ꓗꓷꓳ꓿
“ꓥꓻꓳ꓾ ꓟꓯꓼ ꓐꓴ ꓡ ꓢꓲꓸ ꓠꓰ ꓔꓳꓹ ꓠꓷꓼ ꓓꓴ ꓬꓰ ꓔꓸꓳ꓿ ꓬꓲꓸ ꓪ ꓕꓲ ꓦꓲ ꓠꓽ ꓦꓲ ꓗꓪ ꓟꓽ ꓠꓬꓹ ꓓꓴ ꓟ 1 ꓘꓳꓼ ꓕꓯꓽ ꓢꓲ ꓡꓳꓼ ꓡ ꓥꓳ” ꓐꓰ ꓙꓱ-ꓦꓲ-ꓠ-ꓔꓶꓸ ꓢꓴ ꓕꓲ ꓣꓳ ꓡꓰ ꓐꓯ ꓡꓳ꓿
ꓬꓲꓸ ꓦꓲ ꓠꓬ ꓑꓴ-ꓔ-ꓳ ꓡꓳ ꓒꓱ꓾ꓙꓱ ꓦꓲ ꓠꓽ ꓔꓶꓸ ꓘꓹ ꓗꓪ ꓙꓳˍ ꓟ ꓥ ꓢꓲ꓾ ꓕꓱ ꓟ ꓠꓬ ꓑꓴ-ꓔ-ꓳ ꓟꓵꓽ ꓗꓪ ꓬꓲꓸ ꓪꓴꓸ ꓕꓲꓽ ꓧꓪꓹ ꓦꓲ ꓑꓲꓸ ꓔꓳꓹ ꓠꓷꓼ ꓡ ꓟ ꓥ ꓡꓳ꓿
ꓑ ꓫꓬ ꓝꓲ ꓓꓴ ꓘꓸ-ꓡꓲꓽ ꓠꓬ 2015 ꓘꓳꓼ ꓕꓯ ꓠꓡꓓ ꓑ-ꓔꓲ ꓗꓪ ꓐꓰ꓾ ꓑꓴ-ꓔ-ꓳ ꓡꓳ ꓒꓱ ꓟꓯꓹ ꓘꓳ ꓔꓶꓸ ꓟꓵꓽ (2) ꓗꓪ ꓐꓰ ꓢꓲꓻ ꓓꓯꓻ ꓪ ꓡꓰ ꓢꓲꓸ ꓗ-ꓛꓲ ꓟꓵꓽ ꓑ ꓫꓬ ꓝꓲ ꓓꓴ ꓜꓲꓼ ꓓꓴ ꓔꓳꓹ ꓙ ꓢꓽ ꓡ ꓙꓵꓽ ꓟꓬꓱꓽ ꓔꓯ (5) ꓘꓳꓼ ꓬꓰ ꓩꓴ ꓡ ꓢꓴ ꓥ ꓡꓳ꓿