ꓗ-ꓛꓲ ꓗꓴꓷꓼ ꓫꓴ ꓗꓪ ꓚꓳꓦꓲꓓ-19 ꓠꓻ ꓢꓴ ꓟꓬꓽ ꓡ ꓔꓬ ꓡꓳ꓿
7 ꓦ 23 ꓠꓬꓲ 24 ꓙꓵꓹ ꓟ ꓠꓯꓸꓼ ꓗꓪ꓾ ꓟꓶ-ꓚꓲ ꓠ ꓡꓳ ꓒꓱ ꓗꓪ 94 ꓣꓳ꓾ ꓪꓮꓲ-ꓟꓳ ꓗꓪ 19 ꓣꓳ꓾ ꓟꓳꓹꓗꓮꓳꓹ ꓗꓪ 49 ꓣꓳ꓾ ꓫꓱ-ꓗꓴ ꓗꓪ 30 ꓣꓳ꓾ ꓒ-ꓗ ꓗꓪ 28 ꓣꓳ꓾ ꓟꓳꓹ-ꓥꓰꓹ 23 ꓣꓳ꓾ ꓐꓶ-ꓟꓳ ꓗꓪ 18 ꓣꓳ꓾ ꓔꓶ-ꓠ 11 ꓣꓳ꓾ ꓑꓴ-ꓔ-ꓳ 6 ꓣꓳ ꓐꓰ꓾ ꓛꓰ-ꓒꓬꓰ 2 ꓣꓳ ꓔꓯ ꓚꓳꓦꓲꓓ-19 ꓠꓻ ꓜꓳ ꓡꓰ ꓔꓬ ꓟ ꓧꓪ ꓟꓶ ꓡꓳ꓿
7 ꓦ 23 ꓠꓬꓲ ꓕꓲ ꓠꓬꓲ ꓘꓴꓽ ꓗꓪ ꓕꓲ ꓗꓴꓷꓼ ꓡꓱꓸꓼ ꓗꓪ ꓠꓻ ꓚꓲꓸ ꓡꓰ ꓢꓴ 5506 ꓣꓳ ꓙꓳ ꓓꓲ꓾ ꓫꓵꓻ ꓢꓴ 326 ꓣꓳ ꓙꓳ ꓡꓳ ꓐꓰ ꓐꓯ ꓟꓳꓸ ꓖꓶ ꓔꓸ ꓡꓳ꓿ ꓖꓳ ꓡꓱ ꓥ ꓟꓲ ꓑ ꓫꓬ ꓙꓵ ꓪ ꓦꓴ ꓟꓯꓼ ꓠꓬ ꓚꓵ ꓚꓵ ꓒꓬꓱꓼ ꓔꓬ ꓟ ꓔꓯ ꓮ ꓙꓵꓽ ꓧꓪ ꓟꓰꓹ ꓖꓴ ꓟꓽ ꓐ ꓡ ꓐꓰ ꓢꓷꓸ ꓢꓴ ꓐꓴ ꓡꓰ ꓐꓯ ꓔꓬ ꓡꓳ꓿ ꓮ ꓡꓲꓳ ꓐꓯ ꓠꓬ ꓦꓲ ꓗꓪ ꓠꓻ ꓔꓬ ꓢꓴ꓾ ꓫꓵꓻ ꓢꓴ ꓐꓴ ꓠꓬ ꓬꓲꓸ ꓪ ꓡꓰ ꓖꓳꓻ ꓐꓳ ꓔꓬ ꓟ ꓗꓪ ꓟꓽ ꓗꓶ ꓡꓴꓽ ꓔ꓿
ꓠꓻ ꓓꓱꓽ ꓗꓪ ꓐꓰ ꓡꓲꓹ ꓙꓰ ꓟꓶ ꓠꓹ ꓟ ꓮ ꓘꓶꓸ ꓤ ꓟꓳ ꓠꓯ ꓡꓳ꓿ ꓠꓻ ꓡ ꓕꓯ ꓠꓯ ꓞꓲꓼ ꓫꓬꓹ ꓟ ꓕꓯ ꓢꓲ ꓟꓽ ꓠꓻ ꓡ ꓠꓹ ꓟ ꓤ ꓟꓳ ꓟ ꓠꓬ ꓮ ꓘꓶꓸ ꓒꓵꓽ ꓡꓳ꓿ ꓡꓲ-ꓢꓴ ꓒꓵꓽ ꓒ ꓐꓴ ꓡꓰ꓾ “ꓤ ꓟꓳ ꓟ ꓠꓬ ꓠꓯ ꓞꓲꓼ” ꓐꓯ ꓚꓰꓼ ꓟ ꓥ ꓡꓳ꓿