ꓗ-ꓐꓳ-ꓓꓲ-ꓬ ꓐꓰ ꓐꓲ-ꓬꓯ-ꓠ ꓗꓴꓷꓼ ꓫꓸ ꓗꓺ ꓗꓪ ꓙꓳˍ ꓟ ꓐ-ꓪꓯꓼ (Bavet) ꓡꓳ ꓒꓱ ꓗꓪ ꓒꓴ ꓗꓶꓸ ꓜꓽ ꓜꓴ (ꓚꓸ-ꓒꓬ;) ꓟꓬꓱꓽ ꓬꓰ ꓢꓴ ꓔꓯ ꓗ-ꓐꓳ-ꓓꓲ-ꓬ ꓟꓯꓼ ꓡꓰ 2026 ꓘꓳꓼ 1 ꓦ 31 ꓠꓬꓲ ꓠꓯꓼ ꓝꓲꓸ ꓗꓪ ꓣꓴ ꓞꓳꓹ ꓪ ꓡꓰꓳ꓿
ꓣꓴ ꓟꓶ ꓡꓰ ꓢꓴ ꓠꓬ 2000 ꓣꓳ ꓟꓽ ꓞꓲ ꓙꓳ ꓢꓲ꓾ ꓧꓶꓽ ꓗꓴꓷꓼ ꓡ ꓞꓳ 1792 ꓣꓳ꓾ ꓟꓬ-ꓟ 179 ꓣꓳ꓾ ꓐꓲ-ꓬꓯ-ꓠ 177 ꓣꓳ꓾ ꓕꓮꓲ-ꓪ 5 ꓣꓳ ꓐꓰ ꓠꓱꓸ ꓐꓯꓼ ꓗꓴꓷꓼ ꓢꓴ ꓥ ꓟꓲ ꓫꓳꓹ ꓔꓬ ꓡꓳ꓾ ꓐꓰ ꓗ-ꓐꓳ-ꓓꓲ-ꓬ ꓡꓰ ꓢꓷ ꓙ ꓟꓴ ꓙ ꓔ ꓡꓳ꓿
ꓚꓸ-ꓒꓬꓼ ꓟꓬꓱꓽ ꓬꓰ ꓔꓶꓸ ꓗꓪ ꓟꓬꓱꓽ ꓬꓰ ꓔꓬ ꓢꓴ ꓐꓴ ꓠꓬ ꓢꓴ ꓡꓰ ꓪꓴꓽ ꓜꓽ ꓗꓷ ꓢꓲꓸ ꓡꓲꓹ ꓙꓰ ꓟꓽ ꓓ ꓢꓴ ꓙꓳˍ ꓟ ꓡꓰ ꓐꓰ꓾ ꓚꓲꓸ ꓛꓬ ꓠꓲꓹ ꓟ ꓐ ꓢꓲꓸ ꓗꓽ ꓟꓶꓽ ꓫꓵꓸ ꓫꓵꓸ ꓗꓶꓸ ꓟꓬꓱꓽ ꓗꓪ ꓠꓲꓹ ꓒꓴ ꓠꓲꓹ ꓡꓱ ꓔꓺ ꓙꓰ ꓢꓴ ꓥ ꓟꓲ ꓙꓳˍ ꓡꓳ꓿