ꓑ ꓫꓬ ꓙꓵꓽ ꓪ ꓣꓴ ꓔꓸ ꓟ ꓟꓬ-ꓟ ꓟꓯꓼ ꓐꓰ ꓮ-ꓩ-ꓖ-ꓠꓯ-ꓢꓲ-ꓔ ꓟꓯꓼ ꓔꓯ ꓟꓲ ꓠꓯ ꓗꓴꓷꓼ ꓜꓴ ꓟꓽ ꓘꓳ ꓣꓴ

ꓑ ꓫꓬ ꓙꓵꓽ ꓪ ꓣꓴ ꓔꓸ ꓟ ꓟꓬ-ꓟ ꓟꓯꓼ ꓐꓰ꓾ ꓮ-ꓩ-ꓖ-ꓠꓯ-ꓢꓲ-ꓔ ꓔ-ꓡꓲ-ꓐ ꓟꓯꓼ ꓐꓴ ꓔꓯ ꓟꓲ ꓠꓯ ꓗꓴꓷꓼ ꓜꓴ ꓜꓲꓼ ꓓꓴ ꓗꓪ ꓟꓽ ꓔꓺ ꓝꓲ ꓠꓹ ꓟ 2021 ꓘꓳꓼ 12 ꓦ 6 ꓠꓬꓲ ꓜꓲꓼ ꓓꓴ ꓓꓽ ꓟ ꓗꓪ ꓖꓪ ꓙꓱ ꓪꓽ ꓡꓰꓳ꓿

ꓟꓲ ꓠꓯ ꓗꓴꓷꓼ ꓜꓴ ꓗꓪ ꓔꓺ ꓓˍ ꓟ ꓗꓴꓷꓼ ꓙꓵꓽ ꓜꓴ ꓐꓴ ꓔꓯ ꓗꓴꓷꓼ 9 ꓗꓴꓷꓼ ꓗꓪ ꓟ ꓝꓲ ꓓꓴ ꓐꓴ ꓡꓰꓽ ꓚꓲꓸ ꓚ ꓓꓳ ꓡꓰ ꓗꓸ ꓠꓯꓸ ꓮ ꓙꓵꓽ ꓜꓲꓼ ꓟ ꓖꓪ ꓙꓱ ꓜꓲꓼ ꓓꓴ ꓗꓪ ꓕꓱ ꓡꓱ ꓪꓽ ꓩꓴ ꓡ ꓟ ꓥ ꓡꓳ꓿

ꓟꓬ-ꓟ ꓗꓴꓷꓼ ꓗꓪ ꓐꓰ ꓟꓯꓼ ꓕꓲ ꓜꓴ ꓐꓰ ꓠꓴꓖ ꓗꓴꓷꓼ ꓙꓵꓽ ꓜꓴ ꓐꓴ ꓔꓯꓺ ꓡꓯ ꓘꓳ ꓔꓬ ꓟ ꓥ ꓢꓲ꓾ ꓠꓴꓖ ꓐꓰ ꓕꓲ ꓛꓳ ꓑ ꓫꓬ ꓐꓴ ꓕꓲ ꓛꓱꓽ ꓗꓪ ꓦꓰꓼ ꓔꓬ ꓟ ꓟꓬ-ꓟ ꓗꓴꓷꓼ ꓝꓲ ꓓꓴ ꓚꓳ-ꓟꓳꓹ-ꓕꓴꓸ ꓠꓬ ꓟꓲ ꓠꓯ ꓗꓴꓷꓼ ꓜꓲꓼ ꓓꓴ ꓗꓪ ꓝꓸ ꓢꓲꓸ ꓦꓰꓼ ꓔꓬ ꓓꓴ ꓒꓬꓱꓼ ꓡ ꓟ ꓥ ꓡꓳ꓿

ꓗꓴꓷꓼ ꓜꓴ ꓗꓪ ꓕꓱ ꓡꓱ ꓟꓽ ꓐꓯ ꓞꓷꓹ ꓕ ꓑꓳꓸ ꓒꓬꓱꓼ ꓡ ꓐ ꓡ ꓟ ꓮ ꓟꓬꓹ ꓫꓵꓽ ꓑꓶꓸ ꓓꓴ ꓙꓬ ꓫꓸ ꓠꓬꓹ ꓓꓴ ꓟ꓾ ꓮ ꓟꓶ ꓠꓬ ꓗꓼ ꓗ ꓬꓰꓳ (အတည်မပြုမချင်း ဖြစ်လာနိုင်တဲ့အခြေအနေတွေအမျိုးမျိုးရှိနိုင်တာမို့ စိုးရိမ်ခဲ့ရပေမဲ့ အခုတော့ တရားဝင် အတည်ပြုလိုက်နိုင်ပါပြီ။) ꓐꓰ ꓠꓴꓖ ꓗꓪ ꓟ ꓢꓲꓽ ꓒꓽ ꓮꓳ-ꓟꓬꓳꓹ-ꓟꓲꓹ ꓡꓰ ꓐꓳ ꓡꓳ꓿

ꓑ ꓫꓬ ꓡꓰ ꓢꓲꓻ ꓔꓸ ꓢꓴ ꓗꓴꓷꓼ ꓙꓵꓽ ꓜꓴ ꓐꓴ ꓔꓯ ꓡꓽ ꓛꓴꓸ ꓗꓪ ꓐꓰ ꓜꓲꓽ ꓜꓲ ꓑꓰꓹ ꓑꓰꓹ ꓙꓵꓽ ꓪ ꓦꓴ ꓔꓬ ꓟ ꓠꓬ 2021 ꓘꓳꓼ ꓟ ꓘꓴꓽ ꓗꓪ ꓟꓬ-ꓟ꓾ ꓮ-ꓩ-ꓖ-ꓠꓯ-ꓢꓲ-ꓔ꓾ ꓢꓴ-ꓓ ꓗꓴꓷꓼ ꓗꓪ ꓒꓬꓱꓼ ꓔꓬ ꓡꓳ꓿

ꓬꓲꓸ ꓚꓰ꓾ ꓴꓠ