2022 ꓘꓳꓼ 5 ꓦ 3 ꓠꓬꓲ ꓕꓯꓽ ꓟꓲ ꓠꓯ ꓗꓴꓷꓼ ꓜꓴ ꓟꓬꓱꓽ ꓢꓲꓺ ꓓꓽ ꓟ ꓬꓲꓸ ꓛꓲ ꓟꓬ-ꓟ ꓐꓱ ꓶ ꓝꓲ ꓓꓴ ꓟꓸ ꓟ ꓠꓳ-ꓡꓲ ꓦꓯꓹ-ꓤ ( Dr. Noeleen Heyzer) ꓠꓬ ꓚꓣꓑꓧ ꓢꓽ ꓡ ꓙꓵꓽ ꓮꓳ-ꓚꓰ-ꓠꓬꓳꓼ ꓐꓰ ꓬꓲ ꓟꓬꓱꓽ ꓬꓰ ꓛꓳ ꓒꓯꓹ ꓐꓴ ꓔꓯ video conferencing ꓖꓪ ꓙꓱ ꓡꓯ ꓘꓳ ꓡꓳ꓿
ꓟꓽ ꓖꓪ ꓙꓱ ꓢꓰꓽ ꓕꓯꓽ ꓖꓳ ꓑꓳꓸ ꓕ ꓑꓳꓸ ꓠꓶꓽ ꓝꓸ ꓟ ꓐꓰ ꓟꓬꓱꓽ ꓬꓰ ꓚꓱꓹ ꓔꓯꓸ ꓟꓳꓸ ꓚ ꓟꓸ ꓖꓶ ꓡꓯ ꓘꓳ ꓡꓳ꓿
ꓖꓪ ꓙꓱ ꓡꓯ ꓘꓳ ꓟ ꓗꓪ ꓟꓬ-ꓟ ꓑ ꓫꓬ ꓙꓵꓽ ꓪ ꓑ ꓫꓬ ꓡꓰ ꓢꓲꓻ ꓔꓸ ꓢꓴ ꓡꓯ ꓒꓯꓹ ꓗꓪ ꓣꓴ ꓡꓲꓸ ꓪ ꓠꓹ ꓟ꓾ ꓫꓸ ꓟꓷꓼ ꓔꓬ ꓢꓴ ꓑ ꓫꓬ ꓐꓴ ꓔꓯ ꓬꓰ ꓙ ꓔꓳꓹ ꓙ ꓚꓱꓹ꓾ ꓟꓬ-ꓟ ꓟꓯꓼ ꓡꓰ ꓑ ꓫꓬ ꓢꓰꓼ ꓔꓬ ꓟ ꓠꓽ ꓡꓰ ꓝꓲ ꓚꓱꓹ ꓐꓰ꓾ ꓗꓴꓷꓼ ꓟꓬꓱꓽ ꓑꓶꓸ ꓓꓴ ꓐꓱ ꓓꓴꓽ ꓗꓪ ꓡꓴꓽ ꓔꓸ ꓢꓴ ꓐꓴ ꓡꓲꓹ ꓡ ꓚꓱꓹ ꓔꓯ ꓟꓳꓸ ꓖꓪ ꓙꓱ ꓡꓯ ꓘꓳˍ ꓡꓳ꓾ ꓐꓰ ꓚꓣꓑꓧ ꓡꓰ ꓢꓷ ꓙ ꓟꓴ ꓙ ꓔꓸ ꓡꓳ꓿
ꓬꓲꓸ ꓚꓰ꓾ ꓚꓣꓑꓧ