ꓗꓴꓷꓼ ꓜꓴ ꓗꓪ ꓟꓬ-ꓟ ꓐꓱ ꓶ ꓚꓳ-ꓟꓳꓹ-ꓕꓴꓸ ꓔꓯ ꓦꓰꓼ ꓔꓬ ꓝꓲ ꓡꓳ

ꓟꓲ ꓠꓯ ꓗꓴꓷꓼ ꓜꓴ ꓗꓪ ꓟꓬ-ꓟ ꓗꓴꓷꓼ ꓝꓲ ꓓꓴ ꓓꓽ ꓟ ꓚꓳ-ꓟꓳꓹ-ꓕꓴꓸ ꓔꓯ ꓝꓸ ꓢꓲꓸ 1 ꓘꓳꓼ ꓦꓰꓼ ꓔꓬ ꓝꓲ ꓠꓹ ꓟ ꓗꓴꓷꓼ ꓐꓱ ꓶ ꓮ ꓟ ꓬꓲꓸ ꓛꓲ ꓔꓶꓺ ꓦꓰꓼ ꓙꓲꓽ ꓙꓳ ꓟꓽ ꓙꓳ ꓚꓹ ꓠꓬꓲ ꓗꓳ-ꓟꓲ-ꓔꓲ (Credentials Committee) ꓡꓰ 2022 ꓘꓳꓼ 12 ꓦ 12 ꓠꓬꓲ ꓕꓯꓽ ꓖꓪ ꓙꓱ ꓞꓷꓹ ꓗꓷꓳ꓿

Credentials Committee ꓗꓪ ꓠꓬ ꓗꓴꓷꓼ 9 ꓗꓴꓷꓼ ꓗꓪ ꓐꓰ ꓝꓲ ꓓꓴ ꓐꓴ ꓕꓱꓹ ꓞ ꓟ ꓥ ꓢꓲ꓾ ꓣ-ꓫꓸ ꓡꓰ ꓟꓽ ꓪꓽ ꓥ ꓟꓲ꓾ ꓠꓱꓸ ꓐꓯꓼ ꓢꓴ ꓪꓽ ꓩꓴ ꓡ ꓠꓬꓲ ꓕꓱ ꓡꓱ ꓐꓯ ꓞꓷꓹ ꓗꓷ ꓟ ꓥ ꓡꓳ꓿

ꓚꓳ-ꓟꓳꓹ-ꓕꓴꓸ ꓠꓬ 2020 ꓘꓳꓼ ꓗꓪ ꓐꓰ ꓮ ꓟꓶ ꓗꓪ ꓛꓲ ꓗꓴꓷꓼ ꓜꓴ ꓗꓪ ꓟꓬ-ꓟ ꓗꓴꓷꓼ ꓝꓲ ꓓꓴ ꓓꓽ ꓟ ꓐꓯ ꓢꓲꓸ ꓦꓰꓼ ꓔꓬ ꓟ ꓥ ꓡꓳ꓿

ꓬꓲꓸ ꓚꓰ꓾ ꓦꓳꓮ