ꓗꓴꓷꓼ ꓙꓵꓽ ꓢꓴ ꓐꓴ ꓟꓬꓱꓽ ꓗꓪ ꓐꓰ ꓟꓽ ꓠꓽ ꓬꓰ ꓕ ꓑꓳꓸ ꓑ ꓫꓬ ꓐꓴ ꓒꓳꓹ ꓔꓳˍ ꓟ ꓟꓽ ꓠꓽ

ꓢꓲ-ꓣꓲ-ꓡꓲ-ꓖ ꓗꓴꓷꓼ ꓙꓵꓽ ꓢꓴ Gotabaya Rajapaksa ꓟꓬꓱꓽ ꓗꓪ ꓐꓰ ꓟꓽ ꓠꓽ ꓫꓳ ꓕ ꓑꓳꓸ ꓑ ꓫꓬ ꓐꓴ ꓒꓳꓹ ꓔꓳˍ ꓟ ꓟꓽ ꓠꓽ ꓐꓯ ꓢꓲ ꓗꓴꓷꓼ ꓙꓵꓽ ꓜꓴ ꓧꓳꓽ ꓢꓴ ꓦꓲ ꓗꓪ ꓑ ꓫꓬ ꓐꓴ ꓛꓽ ꓐꓲꓽ ꓛ ꓗꓪ ꓢꓴ ꓔꓬ ꓡꓳ꓿

ꓢꓲ-ꓣꓲ-ꓡꓲ-ꓖ ꓗꓴꓷꓼ ꓙꓵꓽ ꓢꓴ ꓠꓬ ꓑ ꓫꓬ ꓔꓯ ꓙꓳꓺ ꓡꓰ ꓢꓲꓸ ꓗꓴꓷꓼ ꓗꓪ ꓐꓰ ꓙꓱ ꓦꓲ ꓜꓶꓽ ꓢꓲꓸ ꓛꓰꓹ ꓙꓰ ꓠꓹ ꓟ ꓢꓯꓼ ꓕꓵꓼ ꓥ ꓟꓲ ꓬꓰ ꓟꓽ ꓑꓲ ꓬꓰ꓿ ꓮ ꓟꓶ ꓞꓽ ꓒꓳꓽ ꓡꓲꓺ ꓗꓪ ꓐꓰ ꓛꓰꓹ ꓙꓰ ꓚꓱꓹ ꓧꓪ ꓔꓬ ꓟ ꓓꓳꓽ ꓑ ꓙ ꓡꓳ꓿

ꓢꓲ-ꓣꓲ-ꓡꓲ-ꓖ ꓗꓴꓷꓼ ꓙꓵꓽ ꓜꓴ ꓧꓳꓽ ꓢꓴ Gotabaya Rajapaksa ꓡꓰꓽ ꓧꓳꓽ ꓪꓴꓸ ꓟꓴˍ ꓟ ꓥꓳꓽ ꓡꓰ ꓟ ꓑꓶꓸ ꓓꓴ ꓗꓴꓷꓼ ꓘꓴꓽ ꓗꓪ ꓜꓽ ꓓꓴ ꓟꓽ ꓙꓳ꓾ ꓮ ꓔꓳꓸ ꓟꓽ ꓪ꓾ ꓟꓳ ꓓꓳ ꓙꓼ ꓧꓪ ꓞꓶ ꓟꓽ ꓙꓳ ꓗꓷ ꓡꓰˍ ꓠꓬꓲ ꓑ ꓫꓬ ꓐꓴ ꓠꓲꓹ ꓢꓲꓼ ꓔꓴ ꓡ ꓟ ꓥ ꓡꓳ꓿