ꓟꓬ-ꓟ ꓗꓴꓷꓼ ꓘꓴꓽ ꓗꓪ ꓓꓵꓽ ꓓꓳ ꓙꓱ ꓦꓲ ꓜꓶꓽ ꓢꓴ ꓔꓯ ꓬꓲꓸ ꓒꓵꓽ ꓟꓽ ꓐꓯ ꓗꓳ-ꓪꓰꓼ ꓚꓹ ꓖꓶ ꓓꓴ ꓥꓳ ꓐꓰ ꓟꓬ-ꓟ ꓫꓵꓽ ꓓꓳꓽ ꓗꓪ 2021 ꓘꓳꓼ 11 ꓦ 10 ꓠꓬꓲ ꓕꓯꓽ ꓢꓷ ꓙ ꓟꓴ ꓙ ꓔ ꓡꓳ꓿
ꓙꓱ ꓦꓲ ꓜꓶ ꓙꓵꓹ ꓟꓽ ꓛꓲ ꓢꓰꓽ ꓕꓯ 48 ꓙꓵꓹ ꓕꓯꓽ ꓢꓲ ꓟꓽ ꓡꓳꓹ ꓙꓰ ꓠ ꓚꓲ ꓛꓬ ꓡꓳ ꓒꓱ ꓗꓪ ꓙꓳ ꓟ ꓗꓴꓷꓼ ꓙꓵꓽ ꓜꓴ ꓠꓯ ꓞꓲꓼ ꓦꓲ ꓗꓪ ꓙꓰ ꓢꓲꓸ ꓬꓲꓸ ꓒꓵꓽ ꓖꓶ ꓟꓽ ꓛꓲ ꓛꓲ ꓗꓳ-ꓪꓰꓼ ꓚꓹ ꓪ ꓓ ꓡꓳ ꓐꓰ ꓐꓯ ꓔ ꓡꓳ꓿
ꓠꓱꓸ ꓐꓯꓼ ꓠꓯ ꓞꓲꓼ ꓦꓲ ꓗꓪ ꓥ ꓟꓲ ꓬꓲꓸ ˍꓵꓽ ꓖꓶ ꓢꓲꓸ ꓚꓹ ꓠꓲꓹ ꓫꓵ ꓥ ꓟꓲ ꓓˍ ꓡꓳ ꓐꓯ ꓔ ꓢꓰ ꓡꓳ꓿
ꓧꓶꓸ ꓕꓯꓽ ꓠꓬ ꓙꓱ ꓦꓲ ꓜꓶ ꓢꓴ ꓦ ꓥ ꓕꓱ ꓡꓱ ꓚꓹ ꓠ ꓗ ꓢꓲ꓾ ꓬꓥ-ꓖꓳꓥ ꓗꓪ ꓠꓬ ꓟꓲ-ꓖ-ꓡ-ꓓꓳ ꓙꓱ ꓦꓲ ꓠꓽ ꓔꓶꓸ ꓗꓪ ꓙꓳ ꓟ ꓟꓳꓚꓴꓡꓮꓣ ꓡꓮꓐ ꓗꓪ 1 ꓣꓳ 20000 ꓒꓯꓼ ꓖꓶ ꓠ ꓗ ꓡꓳ꓿ ꓑꓴ-ꓔ-ꓳ ꓘ-ꓬ ꓠꓯ ꓞꓲꓼ ꓚꓹ ꓖꓴ ꓗꓪ ꓠꓬ 1 ꓣꓳ 10000 ꓒꓯꓼ ꓖꓶ ꓠ ꓔꓸ ꓡꓳ꓿