ꓗꓳ-ꓪꓰꓼ ꓳ-ꓟꓲ-ꓘ-ꓣꓳ ꓑꓶꓸ ꓓꓴ ꓕꓮꓲꓹ ꓗꓪ ꓪꓰ ꓤ ꓓꓵꓽ ꓡ ꓚꓱꓹ ꓕꓲ ꓩꓴꓸ ꓑꓲꓸ ꓩꓴꓳ

ꓕꓮꓲ ꓟꓵꓽ ꓗꓪ ꓗꓳ-ꓪꓰꓼ-19 ꓳ-ꓟꓲ-ꓘ-ꓣꓳ ꓚꓲꓸ ꓬꓰ ꓢꓴ ꓮ ꓟꓬꓹ ꓧꓪ ꓟꓳꓻ ꓡꓰ ꓠꓬꓲ꓾ ꓠꓬꓲꓸ ꓠꓬꓲ 2021 ꓘꓳꓼ 12 ꓦ 21 ꓠꓬꓲ ꓗꓪ ꓐꓰ ꓪꓴꓸ ꓔꓴ ꓢꓲꓸ ꓐꓶꓽ ꓗꓴꓷꓼ ꓗꓪ ꓐꓰ ꓪꓰ ꓤ ꓓꓵꓽ ꓡ ꓒꓰꓼ ꓕꓲ ꓩꓴꓸ ꓑꓲꓸ ꓩꓴ ꓓꓴ ꓥꓳ ꓐꓰ ꓕꓮꓲꓹ ꓗꓴꓷꓼ ꓙꓵꓽ ꓜꓴ ꓧꓳꓽ ꓢꓴ ꓡꓰ ꓢꓷ ꓙ ꓟꓴ ꓙ ꓗꓷꓳ꓿

ꓮ ꓟꓶ ꓡ ꓠꓹ ꓟ 2022 ꓘꓳꓼ 1 ꓦ 4 ꓠꓬꓲ ꓗꓪ ꓛꓲ ꓐꓶꓽ ꓗꓴꓷꓼ ꓗꓪ ꓐꓰ ꓪꓰ ꓤ ꓓꓵꓽ ꓡ ꓚꓱꓹ test and go (ꓠꓻ ꓫꓵꓽ ꓟꓽ ꓧꓪ ꓟꓳ ꓢꓴ ꓐꓴ ꓬꓲꓸ ꓫꓳꓽ ꓔꓬ ꓟꓽ ꓛꓲ ꓛꓲ ꓓꓵꓽ ꓡ ꓝꓲˍ ꓟ ꓚꓱꓹ) ꓔꓯ ꓠꓽ ꓔꓸ ꓓꓴ ꓥꓳ ꓐꓯ ꓡꓳ꓿

ꓠꓬꓴꓸ ꓠꓬꓲ ꓗꓪ ꓛꓲ ꓳ-ꓟꓲ-ꓘ-ꓣꓳ ꓠꓻ ꓓꓱꓽ ꓚꓲꓸ ꓡꓰ ꓢꓴ 60 ꓣꓳ ꓕꓯꓽ ꓢꓲ ꓧꓪ ꓟꓳꓻ ꓔꓸ ꓠꓬꓲ꓾ ꓠꓻ ꓫꓵꓽ ꓕꓱ ꓟ ꓬꓲꓸ ꓐꓶꓹ ꓬꓼ ꓡ꓾ ꓟꓽ ꓬꓼ ꓡ ꓟ ꓔꓯ ꓠꓬ ꓐꓶꓽ ꓔꓶꓸ ꓡꓳꓸ ꓠꓬꓲ ꓢꓲꓸ ꓗꓴꓷꓼ ꓗ ꓘꓶꓽ ꓒꓰꓼ ꓒꓴ ꓠꓹ ꓟ ꓓꓵꓽ ꓙ ꓞꓷꓹ ꓓꓴ ꓥꓳ ꓐꓰ ꓐꓯ ꓔ ꓡꓳ꓿