ꓮ-ꓟꓯ-ꓣꓲ-ꓗ ꓗꓴꓷꓼ ꓙ ꓡꓯ ꓘꓳ ꓦꓲ (ꓴꓢ ꓰꓟꓐꓮꓢꓢꓬ) ꓗꓪ ꓟꓬꓱꓽ ꓬꓰ ꓢꓴ 2 ꓣꓳ ꓔꓯ ꓗꓳ-ꓪꓰꓼ ꓗꓽ ꓡꓲꓽ ꓟꓽ ꓛꓳ ꓟ ꓑꓶꓸ ꓓꓴ ꓝꓴꓲꓸ ꓖꓶ ꓓꓴ ꓥꓳ ꓐꓰ ꓟꓬ-ꓟ ꓟꓯꓼ ꓐꓴ ꓡꓰ ꓐꓯ ꓡꓳ꓿
ꓴꓢ ꓰꓟꓐꓮꓢꓢꓬ ꓗꓪ ꓟꓬꓱꓽ ꓬꓰ ꓢꓴ 2 ꓣꓳ ꓠꓬ꓾ 2022 ꓘꓳꓼ 1 ꓦ 2 ꓠꓬꓲ ꓕꓯꓽ 1 ꓣꓳ꓾ 3 ꓠꓬꓲ ꓕꓯꓽ 1 ꓣꓳ ꓠꓬ ꓐꓶꓽ ꓗꓷꓴꓼ ꓗꓪ ꓐꓰ ꓟꓬ-ꓟ ꓗꓴꓷꓼ ꓗꓪ ꓓꓵꓽ ꓡ ꓟ ꓥ ꓢꓲ꓾ ꓬꓲꓸ ꓪ ꓔꓯ ꓗꓳ-ꓪꓰꓼ 19 ꓧꓪ ꓟꓳ ꓡꓰ ꓥ ꓟꓲ꓾ ꓚꓲ ꓛꓬ ꓔꓬ ꓖꓴ ꓦꓲ ꓗꓪ ꓚꓲꓸ ꓛꓬ ꓔꓱꓹ ꓔꓱꓹ ꓠꓻ ꓫꓬꓹ ꓓꓴ ꓥꓳ ꓐꓯ ꓢꓲꓸ ꓬꓲꓸ ꓫꓳꓽ ꓡꓴꓽ ꓔꓸ ꓖꓴ (quarantine centre) ꓗꓪ ꓐꓰ ꓓꓳ ꓙꓰˍ ꓟ ꓥ ꓡꓳ ꓐꓯˍ ꓡꓳ꓿
ꓕꓱ ꓡꓱ ꓬꓲꓸ ꓫꓳꓽ ꓡꓴꓽ ꓔꓸ ꓖꓴ ꓗꓪ ꓔꓬ ꓟꓽ ꓫꓳ ꓟ ꓑꓶꓸ ꓓꓴ꓾ ꓠꓻ ꓫꓵꓽ ꓗꓽ ꓙꓵꓽ ꓗ ꓟꓽ ꓛꓳ ꓟ ꓑꓶꓸ ꓓꓴ ꓝꓴꓲꓸ ꓖꓶ ꓓꓴ ꓥꓳ ꓐꓰ ꓟꓯꓼ ꓗꓳ-ꓢꓰ ꓡꓰ ꓢꓷ ꓙ ꓟꓴ ꓙ ꓩꓴ ꓡ ꓡꓳ꓿