ꓗꓳ-ꓪꓰꓼ ꓑꓶꓸ ꓓꓴ ꓧꓶꓽ ꓟꓵꓽ ꓫꓲ-ꓮꓹ ꓡꓳ ꓒꓱ ꓔꓯ ꓑꓲꓸ ꓔꓬ

ꓡ ꓞꓳ 13 ꓪꓹ ꓔꓬ ꓟ ꓫꓲ-ꓮꓹ ꓡꓳ ꓒꓱ ꓠꓬ ꓗꓳ-ꓪꓰꓼ ꓑꓶꓸ ꓓꓴ ꓦꓲ ꓗꓪ ꓐꓰ ꓓꓳ ꓟꓽ ꓓ ꓟ ꓙꓵꓽ ꓗ ꓡꓰ ꓑꓲꓸ ꓔ ꓡꓳ꓿

12 ꓦ 9 ꓠꓬꓲ ꓗꓪ ꓐꓰ ꓪꓴꓸ ꓔꓴ ꓢꓲꓸ ꓗꓳ-ꓪꓰꓼ ꓠꓻ ꓢꓴ 143 ꓣꓳ ꓧꓪ ꓟꓶ ꓟ ꓗꓪ ꓐꓰ ꓕꓱ ꓡꓱ ꓜꓶꓸ ꓜꓶꓸ ꓙꓵꓽ ꓡˍ ꓟ ꓥ ꓡꓳ꓿

ꓕꓲ ꓦꓲ ꓗꓪ ꓐꓰ 1 ꓣꓳ꓾ ꓠꓬꓲꓽ ꓠꓬꓲ ꓗꓪ ꓕꓲ ꓧꓪꓹ ꓜꓽ ꓓꓴ ꓓꓳ ꓓꓴ ꓪꓴꓻ ꓠꓹ ꓟ ꓦꓲ ꓬꓲꓸ ꓐꓽ ꓢꓲ ꓗꓪ ꓓꓳ ꓙꓰ ꓪ ꓓ ꓡꓳ꓿

ꓞꓳ ꓜꓴ ꓞꓳ ꓟꓯꓼ ꓔꓯ ꓗꓳ-ꓪꓰꓼ ꓚꓹ ꓠꓬꓲ ꓟ꓾ ꓕꓲ ꓡꓳ ꓒꓱ ꓡꓱꓸꓼ ꓔꓯ ꓕꓱ ꓡꓱ ꓓꓵꓽ ꓓꓵ ꓓꓳ ꓓꓳ ꓑꓲꓸ ꓔꓸ ꓟ ꓮ ꓘꓶꓸ ꓢꓯꓼ ꓕꓵꓼ ꓔꓬ ꓡꓳ꓿

ꓧꓶꓽ ꓗꓴꓷꓼ ꓠꓬ ꓕꓲ ꓟꓲ ꓠꓯ ꓗꓪ ꓐꓰ ꓡꓳ ꓖꓪ ꓢꓴ ꓜꓲꓼ ꓡ ꓠꓯˍ ꓟ 2022 ꓳ-ꓡ-ꓑꓲꓼ ꓡꓳ ꓖꓪ ꓑꓮꓲ ꓔꓯ ꓡ ꓠꓹ ꓟ 2022 ꓘꓳꓼ 2 ꓦ ꓗꓪ ꓦꓲ ꓢꓲꓺ ꓬꓰ ꓠꓹ ꓟ ꓢꓯꓼ ꓕꓵꓼ ꓔꓬ ꓠꓬꓲ꓾ ꓗꓳ-ꓪꓰꓼ ꓑꓶꓹ ꓔꓶꓼ ꓕꓲ ꓣꓳ ꓡꓲꓸ ꓠꓻ ꓢꓴ ꓟꓽ ꓙꓳ ꓡꓰ ꓗꓪ ꓛꓲ ꓤ ꓟꓳ ꓔꓬ ꓡꓳ꓿

ꓬꓲꓸ ꓚꓰ꓾ ꓐꓐꓚ