ꓩꓽ ꓗꓴꓷꓼ ꓠꓯ ꓞꓲꓼ ꓢꓷ ꓠꓲꓹ ꓙꓳ ꓢꓴ ꓐꓴ ꓡꓰ ꓗꓳ-ꓪꓰꓼ ꓠꓻ ꓐꓶꓽ ꓓꓲ ꓬꓲ ꓫꓵꓼ ꓕꓲ ꓫꓵꓽ ꓧꓪ ꓟꓶꓳ ꓐꓰ ꓢꓷ ꓙ ꓟꓴ ꓙ ꓩꓴ ꓡ ꓡꓳ꓿
ꓗꓳ-ꓪꓰꓼ ꓠꓻ ꓓꓱꓽ Omicron ꓐꓰ꓾ Delata ꓐꓶꓽ ꓓꓲ ꓚꓲꓸ ꓠꓻ ꓢꓴ ꓟꓬꓽ ꓡ ꓔꓬ ꓟ ꓜꓽ ꓟꓶ ꓠꓬꓲꓽ ꓗꓪ ꓕꓱ ꓡꓱ ꓬꓲꓸ ꓫꓵꓼ ꓕꓲ ꓟ ꓧꓪ ꓟꓶˍ ꓟ ꓥ ꓢꓲ꓾ ꓗꓳ-ꓪꓰꓼ ꓠꓻ ꓐꓶ ꓓꓲ ꓫꓵꓼ ꓔꓯ ꓬꓲꓸ ꓟꓬꓱꓺ ꓐ16401 ꓐꓯ ꓔˍ ꓡꓳ꓿ ꓖꓳ ꓡꓱ ꓥ ꓟꓲ ꓟꓲ ꓠꓯ ꓗꓴꓷꓼ ꓜꓴ ꓖꓳ ꓓꓱꓽ ꓔꓬ ꓢ ꓚꓱꓹ ꓗꓪꓽ ꓫꓵꓽ ꓜꓴ ꓪꓧꓳ ꓗꓪ ꓐꓰ ꓜꓲ ꓜꓲ ꓟꓴ ꓟꓴ ꓟꓽ ꓧꓪ ꓓꓳ ꓡ ꓢꓰꓽ꓿
ꓠꓻ ꓐꓶ ꓓꓲ ꓫꓵꓼ ꓕꓱ ꓟ ꓔꓯ 2021 ꓘꓳꓼ 12 ꓦ ꓟ ꓘꓴꓽ ꓗꓪ Marseille ꓡꓳ ꓒꓱ ꓗꓪ ꓔꓬꓦꓢꓴ 12 ꓣꓳ ꓔꓯ ꓧꓪ ꓟꓶˍ ꓟ ꓥ ꓡꓳ꓿ ꓖꓳ 12 ꓣꓳ ꓗꓪ ꓐꓰ ꓬꓲꓸ ꓪꓴꓸ ꓠꓻ ꓡ ꓢꓴ ꓠꓬ ꓮ-ꓩ-ꓣꓲ-ꓗ ꓗꓪ ꓓꓵꓽ ꓓꓳ ꓗꓷ ꓢꓴ ꓥ ꓡꓳ꓾ ꓐꓯ ꓡꓳ꓿
ꓬꓲ ꓚꓰ꓾ ꓦꓳꓮ