ꓮ-ꓢꓲ-ꓬ ꓙ ꓖꓴ ꓔꓲꓺ ꓓꓽ ꓟ ꓗꓪ ꓙꓼ ꓧꓪꓽ ꓞꓶ ꓚꓰꓹ ꓔꓸ ꓢꓲꓸ ꓫꓵꓸ ꓡˍ ꓟ ꓟꓳ-ꓓꓳ 2 ꓦꓲ ꓔꓯ ꓗꓠꓡꓮ ꓟꓯꓼ ꓐꓴ ꓡꓰ ꓐꓶ ꓗꓷ ꓠꓬ ꓕꓲ ꓦꓲ ꓮ ꓔꓳꓸ ꓙꓬ ꓬꓰꓳ꓿
2022 ꓘꓳꓼ 1 ꓦ 7 ꓠꓬꓲ ꓟꓶ ꓘꓶꓼ 8 ꓙꓵꓹ ꓗꓪ ꓐꓶ ꓜꓯꓼ ꓡꓰ ꓟ ꓥ ꓡꓳ꓿
“ꓙ ꓖꓴ ꓕꓱ ꓟ ꓠꓬ ꓟꓯꓼ ꓘꓶꓽ ꓙꓳˍ ꓟ ꓙ ꓖꓴ ꓥˍ ꓟ ꓮ ꓟˍ ꓟꓲ ꓢꓷꓸ ꓡꓳ꓿ ꓓꓵꓽ ꓓꓳ ꓢꓴ ꓛꓳ ꓠꓹ ꓟ ꓢꓷ ꓡꓰ ꓓꓴ ꓕꓵꓼ ꓪ ꓕꓳ ꓶ ꓥ ꓟꓲ ꓓꓳ ꓔꓸ꓿ ꓗꓠꓡꓮ ꓟꓯꓼ ꓐꓴ ꓓꓵ ꓙ ꓥꓳꓽ ꓡꓰ ꓡ ꓠ ꓗꓹ ꓡꓳ ꓫꓵꓽ ꓟꓽ ꓬꓰ ꓪ ꓠꓹ ꓟ ꓤ ꓟꓳ ꓙꓲꓽ ꓙꓳˍ ꓡꓳ” ꓐꓰ ꓗꓠꓴ ꓐꓶꓽ ꓗꓴꓷꓼ ꓔꓯ ꓟꓳꓸ ꓙ ꓡꓯ ꓘꓳ ꓢꓲꓽ ꓒꓽ ꓑ-ꓓꓳ ꓢꓳꓸ-ꓔꓳꓸ-ꓠꓰꓹ ꓡꓰ ꓐꓯ ꓡꓳ꓿
“ꓟꓬ-ꓟ ꓟꓯꓼ ꓙꓱ ꓦꓲ ꓐꓱ ꓶ ꓙꓼ ꓧꓪ ꓞꓶ ꓗꓶꓺ ꓚꓰꓹ ꓡˍ ꓟ ꓥꓳ ꓐꓰ ꓐꓯ ꓢꓴ ꓙꓳˍ ꓟ ꓑꓶꓸ ꓓꓴ ꓕꓱ ꓡꓱ ꓐꓶ ꓡ ꓟ ꓥꓳ꓿ ꓚꓵ ꓚꓵ ꓠꓬ ꓜꓽ ꓓꓴ ꓚꓸ ꓙꓼ ꓖꓮꓢ ꓥꓳ꓿ ꓟꓶ ꓘꓶꓼ 6 ꓙꓵꓹ ꓗꓳ ꓑꓳꓸ ꓠꓬ ꓪ ꓚꓲ ꓙ ꓖꓴ ꓗꓪ ꓕꓽ ꓫꓵꓸ ꓐꓯ ꓔꓸ ꓥ ꓟꓲ ꓫꓵꓸ ꓐꓶ꓿ ꓞꓳꓸ ꓡꓰˍ ꓟ ꓠꓬ ꓮ ꓡꓻ 2000 ꓢꓯꓹ ꓒꓯꓼ ꓙꓳˍ ꓥꓳ” ꓐꓰ ꓙꓼ ꓧꓪ ꓞꓶ ꓚꓰꓹ ꓗꓳ-ꓑ-ꓠꓲ ꓳꓸ-ꓬꓼ ꓗꓪ ꓟ ꓙꓵꓽ ꓪ ꓙꓳ ꓢꓴ ꓡꓰ ꓐꓯˍ ꓡꓳ꓿
ꓟꓯꓼ ꓘꓶꓽ ꓙꓳˍ ꓟ ꓙ ꓖꓴ ꓗꓪ ꓟꓶ ꓘꓶꓼ ꓟꓶ ꓶ ꓟꓳ-ꓓꓳ ꓟꓽ ꓫꓵꓸ ꓚꓳ ꓠꓹ ꓟ꓾ ꓟꓯꓼ ꓶ ꓤ ꓟꓽ ꓚꓰꓹ ꓠꓹ ꓟ꓾ ꓟꓳ-ꓓꓳ ꓔꓯ ꓟꓳꓹ ꓖꓽ ꓕꓽ ꓑꓲꓸ ꓠꓹ ꓟ꓾ ꓟꓳ-ꓓꓳ ꓫꓵꓸ ꓢꓴ ꓔꓯ ꓶꓽ ꓤ ꓗꓪ ꓐꓰ ꓡꓯꓽ ꓡꓯꓹ ꓟꓳꓻ ꓐ ꓡ ꓠꓹ ꓟ ꓗꓺ ꓘꓶꓽ ꓒꓴ ꓢꓲꓸ ꓫꓵꓸ ꓠꓹ ꓟ ꓗꓠꓡꓮ ꓟꓯꓼ ꓐꓴ ꓡꓰꓽ ꓡꓰ ꓕꓳ ꓶ ꓓꓳ ꓔ ꓡꓳ꓿
ꓬꓲ ꓚꓰ꓾ ꓟꓲ-ꓜꓲ-ꓟꓼ