ꓓꓴ-ꓑ-ꓡ-ꓬ ꓟꓵꓽ ꓗꓪ ꓟꓬ-ꓟ ꓟꓯꓼ ꓮ ꓟꓬꓹ ꓓꓵꓽ ꓡ ꓔꓬ ꓠꓬꓲ ꓢꓰꓼ ꓔꓳꓹ ꓡꓯ ꓘꓳ ꓠꓹ ꓟ ꓗꓠꓴ ꓓꓼ (6) ꓡꓰ ꓙꓽ ꓖꓶꓽ ꓢꓲꓸ ꓑ ꓫꓬ ꓐꓴ ꓮ-ꓢꓲ-ꓬ ꓙ ꓖꓴ ꓓꓽ ꓟ ꓗꓪ ꓙꓰ ꓚꓳ ꓟꓽ ꓓ ꓐꓯ ꓔꓸ ꓠꓬꓲ ꓟꓳ-ꓓꓳ ꓓꓵꓽ ꓓꓳ ꓠꓽ ꓡꓰ ꓟ 3 ꓠꓬꓲ ꓙꓳ ꓡꓰꓳ꓿
“ꓕꓮꓲꓹ ꓟꓵꓽ ꓘꓶ ꓟꓬꓮꓼ-ꓪ-ꓓꓲ ꓡꓳ ꓒꓱ ꓗꓪ ꓚꓳꓸ ꓕ ꓑꓳꓸ ꓙꓻ ꓡ ꓟꓽ ꓓ ꓠꓬꓲ ꓟꓳ-ꓓꓳ ꓬꓲꓸ ꓦ ꓟ ꓡꓳꓸ ꓔꓬ ꓡꓳ꓿ ꓟꓬ-ꓟ ꓟꓵꓽ ꓒꓽ ꓗꓪ ꓕꓮꓲꓹ ꓗꓪ ꓐꓰ ꓶ ꓤ ꓟꓽ ꓓꓵꓽ ꓡꓻꓳ꓿ ꓮ ꓟꓶ ꓕꓲ ꓝꓲꓸ ꓥꓳ ꓐꓯ ꓠꓽ ꓶ ꓤ ꓒꓵꓽ ꓟꓴ ꓗꓪ ꓓꓯꓻ ꓡ ꓥꓳ” ꓐꓰ ꓟꓬꓮꓼ-ꓪ-ꓓꓲ ꓢꓴ ꓕꓲ ꓣꓳ ꓡꓰ ꓐꓯˍ ꓡꓳ꓿
ꓙ ꓖꓴ ꓕꓱ ꓕꓲ ꓚꓱꓹ ꓣꓱꓽ ꓢꓲꓸ ꓕꓮꓲꓹ ꓗꓪ ꓐꓰ ꓟꓬ-ꓟ ꓗꓪ ꓜꓽ ꓓꓴ ꓓꓳ ꓓꓴ꓾ ꓠꓯ ꓞꓲꓼ꓾ ꓐꓲ ꓣ ꓓꓴ ꓶ ꓤ ꓶ ꓟꓲ꓾ ꓖꓪ ꓓꓴ ꓣꓱꓽ ꓓꓴ ꓬꓲ ꓫꓵ ꓬꓲ ꓙꓰꓽ ꓚꓰꓹ ꓪꓴꓽ ꓔꓬ ꓟ ꓥ ꓡꓳ꓿