ꓗꓲ-ꓙꓳ-ꓮꓠ ꓣ-ꓫ ꓗꓪ ꓗꓹ ꓚꓳ ꓔꓬ

2023 ꓘꓳꓼ 9 ꓦ 12 ꓠꓬꓲ ꓕꓯꓽ ꓡꓳ ꓪꓴꓸ ꓗꓳ-ꓣꓲ-ꓬ ꓗꓴꓷꓼ ꓪꓴꓸ ꓓꓵ ꓗꓲ-ꓙꓳ-ꓮꓠ ꓠꓬ ꓣ-ꓫ ꓗꓴꓷꓼ ꓗꓪ ꓗꓹ ꓚꓳ ꓛꓲ ꓡꓻꓳ ꓐꓰ ꓣ-ꓫ ꓗꓴꓷꓼ ꓔꓦ Rossiya-1 ꓗꓪ ꓐꓰ ꓐꓯ ꓡꓳ꓿

ꓣ-ꓫ ꓗꓴꓷꓼ ꓔꓯ ꓟꓲ ꓠꓯ ꓗꓴꓷꓼ ꓮ ꓡꓲ ꓕꓲ ꓗꓴꓷꓼ ꓗꓪ ꓐꓰ ꓥ ꓟꓲ ꓟꓯꓼ ꓢꓰꓼ ꓶ ꓤ ꓟꓽ ꓪꓴꓽ ꓖꓶ ꓠꓹ ꓟ ꓴꓢꓮ ꓗꓴꓷꓼ ꓡꓰ ꓗꓽ ꓞꓲꓽ ꓔꓬ ꓟ ꓗꓪ ꓦꓬꓼ ꓠꓬꓲ ꓗꓪ꓾ ꓡꓳ ꓪꓴꓸ ꓗꓳ-ꓣꓲ-ꓬ ꓗꓴꓷꓼ ꓠꓬ ꓣ-ꓫ ꓔꓯ ꓙ ꓡꓯ ꓘꓳ ꓔꓬ ꓟ ꓥ ꓡꓳ꓿

“ꓴꓢꓮ ꓠꓰ ꓕꓱˍ ꓓꓴ ꓟ ꓔꓯ ꓠꓺ ꓠꓹ ꓓꓴ ꓟꓽ ꓥ꓿ ꓥꓪ ꓠꓴ ꓐꓱ ꓶ ꓙꓲ ꓖꓴ ꓙꓳˍ ꓟ ꓔꓯ ꓬꓰ ꓓꓴ ꓥꓳ” ꓐꓰ ꓣ-ꓫ ꓗꓴꓷꓼ ꓐꓱ ꓶ ꓫꓸ ꓕꓱ ꓢꓴ ꓑꓯꓼ-ꓢꓲ-ꓗꓳꓼ ꓡꓰ ꓐꓯˍ ꓡꓳ꓿

ꓣ-ꓫ ꓠꓰ ꓬꓴ-ꓗ-ꓣꓲ ꓗꓴꓷꓼ ꓔꓯ ꓟꓯꓼ ꓓꓶꓽ ꓡ ꓠꓬꓲ ꓴꓢꓮ ꓐꓰ ꓬꓴ-ꓬꓴꓼ ꓗꓴꓷꓼ ꓜꓴ ꓐꓴ ꓠꓬ ꓬꓴ-ꓗ-ꓣꓲ ꓗꓴꓷꓼ ꓔꓯ ꓔꓺ ꓔꓬꓹ ꓟ ꓥ ꓡꓳ꓿

ꓓꓳꓽ ꓚꓰ꓾ ꓣꓰꓴꓔꓰꓣꓢ