ꓗꓲꓮ ꓖꓳ-ꓣꓲ-ꓘꓸ ꓟꓯꓼ

ꓡꓮꓲ-ꓜ ꓟꓵꓽ ꓗꓪ ꓗꓲꓮ ꓠꓯꓸꓼ ꓗꓪ ꓟ ꓖꓳ-ꓣꓲ-ꓘꓸ ꓟꓯꓼ ꓓꓼ ꓙꓳ ꓢꓲ꓾ ꓬꓲ ꓪ ꓠꓬ ꓗꓲꓮ ꓐꓴ ꓐꓰ ꓕꓲ ꓛꓳ ꓗ-ꓛꓲ ꓟꓵꓽ ꓐꓰ ꓡ ꓞꓳ ꓐꓴ ꓚꓳ ꓪꓴꓸ ꓙꓵꓽ ꓪ ꓟꓶ ꓠꓹ ꓟ꓾ ꓟꓯꓼ ꓙꓵꓽ ꓚꓱꓹ ꓗꓪ ꓐꓰ ꓡꓲꓹ ꓙꓰ ꓠꓹ ꓟ ꓢꓯꓼ ꓟ ꓑ ꓢꓲ ꓟꓯꓼ ꓓꓶꓽ ꓔꓬ ꓡꓳ꓿

ꓖꓳ-ꓣꓲ-ꓘꓸ ꓐꓴ ꓠꓬ ꓧꓶꓸ ꓕꓯ ꓟꓵ ꓗꓳ ꓓꓵ ꓓꓵ ꓟꓯꓼ ꓘꓶꓽ 2 ꓧꓪ ꓕꓲ ꓧꓪꓹ ꓟ ꓗꓪ ꓧꓪ ꓒꓴ ꓐꓴ ꓡꓰ ꓟꓯꓼ ꓓꓶꓽ ꓡꓯ ꓘꓳ ꓠꓹ ꓟ ꓟꓬ-ꓟ ꓗꓴꓷꓼ ꓗꓪ ꓧꓳꓽ ꓛꓲ ꓡ ꓢꓴ ꓐꓴ ꓥ ꓢꓲ꓾ ꓮ ꓟꓶ ꓕꓱ ꓕꓲ ꓜꓴ ꓠꓬ ꓟꓶ-ꓚꓲ-ꓠ ꓟꓵꓽ ꓗꓪ ꓔꓬ ꓒꓰꓹ ꓢꓴ ꓟꓯꓼ ꓡꓵ ꓐꓴ ꓞꓲꓼ ꓤ ꓡꓯꓹ ꓤ ꓥ ꓡꓳ꓿

ꓖꓳ-ꓣꓲ-ꓘꓸ ꓐꓴ ꓠꓬ ꓟꓽ ꓢꓯ ꓢꓴ꓾ ꓢꓲ ꓡꓲꓹ ꓐꓰ ꓔꓱꓹ ꓜꓳ ꓜꓳ ꓔꓬ ꓗꓴꓸ ꓢꓴ꓾ ꓟꓯꓼ ꓘꓶꓽ ꓗꓪ ꓙꓳꓺ ꓟꓽ ꓗꓴꓸ ꓢꓴ꓾ ꓟꓬꓱ ꓓꓳꓽ ꓙꓳ ꓟ ꓞꓳ ꓫꓵꓽ ꓕꓲ ꓫꓵꓽ ꓥ ꓡꓳ꓿