2022 ꓘꓳꓼ 7 ꓦ 16 ꓠꓬꓲ꓾ ꓗ-ꓬꓲ ꓞꓳ ꓫꓵꓽ ꓡꓳꓸ ꓙ ꓗꓽ ꓙ ꓟꓯꓼ ꓜꓴ (ꓗꓠꓓꓳ) 75 ꓘꓳꓼ ꓐꓲ ꓡꓰˍ ꓟ ꓚꓲꓸ ꓟꓶ ꓓꓴ ꓦꓬꓼ ꓠꓬꓲ ꓔꓯ ꓗꓠꓓꓳ ꓟꓯꓼ ꓒꓱ ꓓꓽ ꓟ ꓐꓰ ꓗ-ꓬꓲ ꓟꓯꓼ ꓔꓬ ꓟ ꓟꓵꓽ ꓮ ꓙꓵꓽ ꓗꓪ ꓣꓱꓽ ꓬꓰˍ ꓡꓳ꓿
ꓟꓬ-ꓟ ꓗꓴꓷꓼ ꓔꓯ ꓐꓲ-ꓔꓲ-ꓫꓲ ꓡꓯ ꓒꓯꓹ ꓗꓪ ꓐꓰ ꓡꓲꓸ ꓖꓶ ꓓꓴ ꓙꓽ ꓖꓶˍ ꓕꓯꓽ ꓗ-ꓬꓲ ꓞꓳ ꓫꓵꓽ ꓐꓴ ꓬꓲꓸ ꓫꓳꓽ ꓔꓬ ꓠꓹ ꓟ ꓓꓰꓽ ꓘꓶꓽ ꓔꓯ ꓐꓲ-ꓔꓲ-ꓫꓲ ꓐꓴ ꓟꓽ ꓠꓻ ꓡꓳꓸ ꓡ ꓟ ꓑꓶꓸ ꓓꓴ ꓗ-ꓬꓲ ꓞꓳ ꓪꓴꓽ ꓐꓴ ꓠꓬ ꓚꓲꓸ ꓛꓬ ꓞꓳ ꓫꓵꓽ ꓔꓯ ꓡꓳꓸ ꓗꓽ ꓙ ꓟꓯꓼ ꓣꓱꓽ ꓬꓯꓼ ꓡꓳ ꓐꓰ ꓓꓵꓽ ꓙ ꓓꓳ ꓡ ꓡꓳ꓿
ꓖꓳ ꓟ ꓗꓪ ꓐꓰ 1947 ꓘꓳꓼ 7 ꓦ 16 ꓠꓬꓲ ꓕꓯꓽ ꓗ-ꓬꓲ ꓞꓳ ꓫꓵꓽ ꓐꓴ ꓐꓱ ꓶ ꓡꓳꓸ ꓙ ꓗꓽ ꓙ ꓓꓴ ꓟꓯꓼ ꓜꓴ ꓬꓰ ꓠꓹ ꓟ ꓗ-ꓬꓲ ꓞꓳ ꓪꓴꓽ ꓓꓽ ꓟ ꓢꓳꓸ-ꓐꓼ-ꓳ-ꓙꓲꓸ ꓡꓰ ꓪꓴꓸ ꓔꓴ ꓔꓸ ꓟ ꓟꓯꓼ ꓜꓴ ꓥ ꓡꓳ꓿
“ꓜꓲ ꓜꓲ ꓑꓰꓹ ꓑꓰꓹ ꓙꓵꓽ ꓢꓴ ꓐꓴ ꓔꓯ ꓮ ꓙꓵꓽ ꓪꓽ ꓡꓯ ꓘꓳ ꓢꓲꓸ ꓔꓳꓹ ꓓꓴ ꓬꓰ ꓡꓯ” ꓐꓰ ꓗꓠꓓꓳ ꓟꓯꓽ ꓜꓲꓽ ꓗꓽ ꓢꓳꓸ ꓠꓯ-ꓓꓹ-ꓟꓬꓼ ꓡꓰ ꓐꓯˍ ꓡꓳ꓿
“ꓗꓠꓓꓳ ꓠꓬ ꓗ-ꓬꓲ ꓞꓳ ꓫꓵꓽ ꓐꓴ ꓔꓯ ꓮ ꓕꓯˍ ꓟꓲ ꓡꓳꓸ ꓙ ꓗꓽ ꓙ ꓐ ꓡ ꓟ ꓟꓯꓼ ꓒꓬꓱꓼ ꓡ ꓝꓲ ꓐꓰ ꓪꓽ ꓘꓴ ꓙ ꓥꓳ” ꓐꓯ ꓢꓲꓸ ꓠꓴꓖ ꓡꓰꓽ ꓒꓵꓽ ꓗ ꓕꓳ ꓶ ꓐꓳ ꓩꓴ ꓔꓸ ꓡꓳ꓿
ꓗꓠꓴ ꓠꓬ ꓗꓴꓷꓼ ꓙꓵꓽ ꓚꓱꓹ ꓟꓴ ꓚꓱꓹ ꓜꓴ ꓥ ꓢꓲ꓾ ꓗꓠꓓꓳ ꓠꓬ ꓟꓯꓼ ꓔꓯ ꓟꓳꓸ ꓜꓴ ꓥ ꓢꓲ꓾ ꓗ-ꓬꓲ ꓐꓴ ꓔꓬ ꓟ ꓟꓵꓽ ꓗꓪ ꓗꓪꓼ ꓙ ꓡꓳꓸ ꓙ ꓔꓬ ꓟ ꓥ ꓡꓳ꓿