ꓗꓐꓚ- Kachin Baptist Convention ꓡꓰ ꓟꓲ ꓦꓲ ꓙꓸ ꓠꓸ ꓗꓪ ꓐꓰ ꓚꓳꓦꓲꓓ-19 ꓠꓻ ꓢꓴ ꓐꓴ ꓔꓯ ꓠꓻ ꓫꓬꓹ ꓚꓱꓹ ꓖꓴ ꓟꓳꓸ ꓖꓶ ꓓꓴ ꓥꓳ꓿
ꓗꓐꓚ ꓡꓯꓼ ꓛꓲ ꓗꓪ ꓟ ꓠꓯ ꓞꓲꓼ ꓟꓸ ꓒ 3 ꓣꓳ ꓡꓰ ꓕꓲ ꓠꓬꓲ 24 ꓙꓵꓹ ꓚꓳ ꓡꓯ ꓘꓳ ꓢꓲꓸ ꓚꓳꓦꓲꓓ-19 ꓔꓳꓹ ꓜꓳ ꓔꓬ ꓢꓴ ꓔꓯ ꓮ ꓡꓲ ꓠꓻ ꓫꓬꓹ ꓠꓯ ꓟ ꓐꓰ꓾ ꓮ ꓘꓶꓸ ꓠꓻ ꓡꓲꓽ ꓢꓴ ꓔꓯ ꓠꓯ ꓞꓲꓼ ꓦꓲ ꓮ ꓡꓲ ꓕꓲ ꓟ ꓗꓪ ꓙꓰ ꓠꓹ ꓟ ꓖꓴ ꓟꓳꓸ ꓖꓶ ꓓꓴ ꓥ ꓡꓳ ꓐꓰ ꓐꓯ ꓛꓱ ꓕꓳ ꓶ ꓗꓪ ꓒꓶ ꓟꓸ ꓖꓶ ꓔꓸ ꓡꓳ꓿
ꓖꓳ ꓡꓱ ꓥ ꓟꓲ ꓬꓲ ꓪ ꓠꓬ ꓖꓳ ꓓꓱꓽ ꓡ ꓢꓲ꓾ ꓞꓳ ꓠꓻ ꓔꓯ ꓜꓲ ꓡ ꓓꓴ ꓟꓽ ꓥ꓾ ꓟꓲꓽ ꓦꓲ ꓙꓸ ꓠꓸ ꓢꓯꓼ ꓗꓪ ꓐꓰ ꓚꓴ ꓬꓲꓹ ꓖꓶ ꓖꓴ ꓟꓳꓸ ꓓꓴ ꓥꓳ ꓐꓯ ꓡꓳ꓿
ꓕꓲ ꓠꓬꓲ ꓗꓪ ꓠ ꓡꓲ ꓬꓲ ꓙꓵꓹ ꓔꓯ ꓛꓳꓽ ꓢꓲ ꓠꓯ ꓞꓲꓼ ꓢꓲ ꓒꓽ ꓮ ꓡꓲ ꓕꓲ ꓣꓳ ꓔꓯ ꓙ ꓡꓯ ꓘꓳ ꓠꓹ ꓟ ꓐꓬꓱꓽ ꓗꓪ ꓜꓲ ꓜꓲ ꓟꓴ ꓟꓴ ꓡꓳꓸ ꓠꓬꓲ꓿
ꓚꓳꓦꓲꓓ-19 ꓔꓯ ꓗꓽ ꓔꓳꓹ ꓟꓬꓱ꓾ ꓠꓻ ꓫꓬꓹ ꓟꓬꓱꓽ ꓗꓪ ꓘꓴ ꓜꓲꓼ ꓞꓳ ꓬꓲ ꓒꓳ ꓐꓴ ꓥ ꓟꓲ ꓮ ꓟꓬꓹ ꓢꓯꓼ ꓕꓵꓼ ꓩꓴ ꓡ ꓟ ꓥ ꓡꓳ꓿